![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/19/Lycoris_radiata_Higanbana_in_a_woods.jpg/640px-Lycoris_radiata_Higanbana_in_a_woods.jpg&w=640&q=50)
Lycoris (planta)
From Wikipedia, the free encyclopedia
Lycoris est genus plantarum florentium subfamiliae Amaryllidoidearum familiae Amaryllidacearum, cui sunt 13–20 species.[1] Endemicum est in Asia Asia Orientali et Meridiana: in Iaponia, Corea meridiana, Sinis orientalibus et meridianis, Vietnamia septentrionali, Laotia septentrionali, Thailandia septentrionali, Birmania septentrionali, Nepalia, Pakistania septentrionali, Afganistania, et Irania orientali. Plantae praeterea in Carolinam Septentrionalem in Civitatibus Foederatis importata est, ubi nunc incultae vigent.[2][3][4]
![Thumb image](http://upload.wikimedia.org/wikipedia/commons/thumb/1/19/Lycoris_radiata_Higanbana_in_a_woods.jpg/640px-Lycoris_radiata_Higanbana_in_a_woods.jpg)
Ordo : Asparagales
Familia : Amaryllidaceae
Subfamilia : Amaryllidoideae
Genus : Lycoris (planta)
![Thumb image](http://upload.wikimedia.org/wikipedia/commons/thumb/f/f6/Kitsunenokamisori_06c6701svp.jpg/320px-Kitsunenokamisori_06c6701svp.jpg)
![Thumb image](http://upload.wikimedia.org/wikipedia/commons/thumb/9/93/Papilio_xuthus_and_HIGANBANA_Lycoris_radiata.jpg/640px-Papilio_xuthus_and_HIGANBANA_Lycoris_radiata.jpg)
Plantae bulbos gignunt. Folia sunt longa et tenuia, a 30 ad 60 centimetra longa et a 0.5 ad 2 centimetra lata. Scapus est erectus, a 30 ad 70 centimetra altus, umbellam terminalem florum a ternis ad octonis ferens, qui esse possunt albi, flavi, aurantii, vel rubri. Flores in duo genera digeri possunt: ei qui stamina longissima et filamentosa (subgenus Lycoris; e.g., Lycoris radiata), et ei qui stamina breviora habent (subgenus Symmanthus Traub & Moldenke; e.g. Lycoris sanguinea). Fructus est capsula tres valvas habens, qui nonnulla semina nigra continet. Multae species sunt steriles, quae solum per vegetationem regignunt, veri similes originis hybridae; nonnullae aliae hybridae notae fiunt.[2][3][5]