![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a0/Bodo_in_Devanagari_script.svg/langla-640px-Bodo_in_Devanagari_script.svg.png&w=640&q=50)
Lingua Bodo
lingua / From Wikipedia, the free encyclopedia
Lingua Bodo (Baṛo), vulgo Boro (बर' IPA |bɔɽo|), linguis Garo et Dimasa satis similis, ad divisionem Bodo-Garo linguarum Tibeto-Birmanarum e familia Sinotibetana pertinet. In usu plerumque est inter gentem Bodoensem in India Boreorientali in pagis Darrang, Nagaon, Kamrup, Goalpara, Sibsagar, et Lakhimpur civitatis Asamae; sunt etiam nonnulli locutores in pagis Darjeeling, Jalpaiguri et Cooch-Behar civitatis Bengaliae Occidentalis, paucique Nepaliae incolae. Dialecti Chote et Mech recognoscuntur.
Lingua Bodo बड़ो | ||
---|---|---|
IPA: | [ bɔɽo ] | |
Taxinomia: | Lingua Tibeto-Birmana familiae Sinotibetanae | |
Locutores: | 1 353 779[1] | |
Sigla: | 1 —, 2 sit, 3 brx | |
Status publicus | ||
Officialis | Assam Indiae | |
Privata | Nepalia | |
Litterae: | Litterae Bodo | |
Scriptura: | Devanagari et Latina | |
Procuratio: | ||
![]() |
![](http://upload.wikimedia.org/wikipedia/commons/thumb/a/a0/Bodo_in_Devanagari_script.svg/130px-Bodo_in_Devanagari_script.svg.png)
Lingua Bodo est lingua publica in Bodolandia regione autonoma, una e linguis publicis civitatis Asamae et omnis Indiae,[2] et una ex viginti duabus linguis Indiae schedulo perscriptis quibus est praecipuus status constitutionalis in India. Ex 1963, abecedario Devanagari conscribi solet; olim autem scripturis Latina et Asamensi scribebatur, interdum et Bengalica. Hanc linguam opinantur nonnulli eruditi Deodhai, abecedario amisso, antea scriptum esse. Homines 1 482 929 anno 2011 lingua Bodo loqui poterant.[3]