![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/35/I_Ching_Song_Dynasty_print.jpg/640px-I_Ching_Song_Dynasty_print.jpg&w=640&q=50)
Liber mutationum
liber Sinensis / From Wikipedia, the free encyclopedia
Liber mutationum[1] (litteris Sinicis 易經 Yìjīng)[2] est antiquus divinationis textus veterrimusque ex classicis Sinicis, liber propheticus Sinarum praecipuus. Certe saeculo IV a.C.n., fortasse iam saeculo IX a.C.n., sub forma libri pristini Zhouyi exstetit.
![Thumb image](http://upload.wikimedia.org/wikipedia/commons/thumb/e/e0/Hexagrammata_a_Philippo_Couplet_depicta_1687.jpg/320px-Hexagrammata_a_Philippo_Couplet_depicta_1687.jpg)
![Thumb image](http://upload.wikimedia.org/wikipedia/commons/thumb/3/35/I_Ching_Song_Dynasty_print.jpg/640px-I_Ching_Song_Dynasty_print.jpg)
![Hexagramma 1](http://upload.wikimedia.org/wikipedia/commons/thumb/9/9a/Iching-hexagram-01.svg/12px-Iching-hexagram-01.svg.png)
Angelus Zottoli, qui paginas selectas Libri mutationum in florilegio suo anno 1880 Sinice et Latine recitavit, haec de operis natura praefatus est:
- Quid igitur tandem famosus iste Yî King? Paucis accipe: ex linearum qualitate continua vel intercisa; earumque situ, imo, medio, vel supremo; mutuaque ipsarum relatione, occursu, dissidio, convenientia; ex ipso scilicet trigrammatum corpore seu forma, tum ex trigrammatum symbolo seu imagine, tum ex trigrammatum proprietate seu virtute, tum etiam aliquando ex unius ad alterum hexagramma varietate, eruitur aliqua imago, deducitur aliqua sententia, quoddam veluti oraculum continens, quod sorte etiam consulere possis ad documentum obtinendum, moderandae vitae solvendove dubio consentaneum ... Nil igitur sublime aut mysteriosum, nil foedum aut vile hic quaeras; argutulum potius lusum ibi video ad instructiones morales politicasque eliciendas ...[3]