![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/23/Kara-Bogaz_Gol_from_space%252C_September_1995.jpg/640px-Kara-Bogaz_Gol_from_space%252C_September_1995.jpg&w=640&q=50)
Lacuna (mare)
From Wikipedia, the free encyclopedia
Lacuna[1][2][3] vel lacus maritimus[4], vel lacus,[5] vel fortasse palus marina[6] sive limnothalassa[7], sive vadum maris est humile aquae salsae vel amarae corpus, quod vadosus vel expositus pulvinus sabulosus, scopulus curalii, vel proprietas similis a mari altiore separat. Linguis terrae harenosis longissimis saepe lacunae a mari separatae sunt. Lacunae a fluminibus aquae dulcis aestuaria appellantur.
![Thumb image](http://upload.wikimedia.org/wikipedia/commons/thumb/2/23/Kara-Bogaz_Gol_from_space%2C_September_1995.jpg/320px-Kara-Bogaz_Gol_from_space%2C_September_1995.jpg)
Plures lacunae varia nomina habent: Fretum Albemarle in Carolina Septentrionali; Magnus Sinus Meridianus, inter Insulam Longam et obices litoreos Insulae Ignis in Novo Eboraco; Sinus Vectae, qui Urbem Oceani a reliquo Vigorniensi comitatu in Terra Mariae separat; Flumen Banana in Florida; et Lacus Illawarra in Nova Cambria Australi.
In America Australi, verbum lacuna (Hispanice laguna) saepe merum lacum describit, sicut Lacuna Catemaco.
Lacuna salsa apud poetas usu metaphorico mare signficare potest,[8], alibi autem, imprimis in biologia, quamvis lagunam sive paludem aquae salsae.[9]