Iodum
From Wikipedia, the free encyclopedia
From Wikipedia, the free encyclopedia
Iodum[1] sive iodium[2] est chemicum systematis periodici elementum, cui symbolus I et numerus atomicus 53 sunt.
Iodum anno 1811 inventum est a Barnardo Courtois, chemico Francico, cum pulverem pyrium facturus ex alga marina salem Petri (nitratem kalii) producebat. Alga cremata cineres aqua lavit reliquiasque acido sulphurico absumpsit. Quo facto Courtois ex cineribus surgere vidit vaporem violaceum, quem in crystalla redegit. Quia opibus carebat, inventum suum Carolo Bernardo Desormes, Nicolae Clément, Iosepho Aloisio Gay-Lussac, Andreae Mariae Ampère, chemicis et physicis Francicis, dedidit. Novembri mense 1813 Desormes et Clément inventum a Courtois factum divulgaverunt. Ampère autem hoc inventum chemico Anglico Humphry Davy dedidit, qui hanc substantiam novam cum chloro comparavit.
Iodum a colore violae ductum esse constat, nam 'viola' Graece ἴον dicitur. Sed 'violaceus' Graece ἰοειδής est, nec directa iodum latine dici sinit. Saepe autem ad adiectivum ἰώδης refertur, quod quidem 'venenosum' significat. Apparet igitur iodum ex errore natum esse, levi quidem, nam quis ignoret iodum etiam venenosum esse.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.