From Wikipedia, the free encyclopedia
Ioannes Offredo (natus Yoann Offredo Savigny-sur-Orge in suburbio Lutetiae die 12 Novembris 1986) est professionalis birotarius Francicus, qui hodie pro Wanty–Groupe Gobert, manu UCI Professional Continental, cursu viario certat.[1] Sua sola victoria professionalis fuit anno 2009 in Circuitu Picardiae, ubi stationem quartam vicit.
Consecutionibus in classicis veris cursibus innotuit. Anno 2017, locum quartum decimum in ambobus Circuitu Flandriae et Cursu Lutetia–Rosbacum[2] cepit. Consecutionem optimam in ullo monumento anno 2011 adeptus est, cum in Cursu Mediolano–Villam Matutiae locum septimum caperet. Ter in Circuitu Franciae certavit, annis 2017, 2018, 2019; in hoc ultimo cursu, praemium pugnacitatis post stationem septimam die 12 Iulii accepit.