![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/34/Bataclan%252C_Paris_6_April_2008.jpg/640px-Bataclan%252C_Paris_6_April_2008.jpg&w=640&q=50)
Impetus Lutetiae Novembri 2015 facti
From Wikipedia, the free encyclopedia
Impetus Lutetiae Novembri 2015 facti fuerunt incursiones conspiratae a terroristis Islamicis Lutetiae vespere 13 Novembris 2015 crudeliter in homines fortuitos factae. Res hora 21:16 CET fieri coeptae sunt in circumdariis I, X, XI, atque in Stadio Franciae, Sancti Dionysii in septentrionali suburbio.[1] Tres saltem diruptiones et sex sclopetationes in multitudinem collineatae renuntiatae sunt. In theatro Bataclan obsides retenti sunt.
![Thumb image](http://upload.wikimedia.org/wikipedia/commons/thumb/c/c4/Parisattacks.png/640px-Parisattacks.png)
![Thumb image](http://upload.wikimedia.org/wikipedia/commons/thumb/3/34/Bataclan%2C_Paris_6_April_2008.jpg/640px-Bataclan%2C_Paris_6_April_2008.jpg)
Homines 129 saltem privati, inter quos circa octoginta et novem spectatores in theatro, [2][3][4][5] armis igniferis bombisque necati sunt. Ducenti saltem homines vulnerati sunt, octoginta graviter. Vigiles Francici duos suicidas bombiferos impetibus interfuisse renuntiaverunt.[6] Qui cum iam fiebant impetus, Franciscus Hollande, praeses Franciae, in contione televisifica hora 23:58 CET[7] habita statum discriminis nationalem declaravit, multosque fines civitatis clausit. Interpres vigilum omnes aggressores necatos esse renuntiavit. Post secundum bellum mundanum, haec pessima est calamitatum in Francia factarum.[8]
Proximo die, 14 Novembris, Civitas Islamica se in culpa esse nuntiavit.[9][10][11]