![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e0/Barley.jpg/640px-Barley.jpg&w=640&q=50)
Hordeum (genus)
genus plantarum / From Wikipedia, the free encyclopedia
Hordeum (nomen a Carolo Linnaeo anno 1753 statutum, e nomine Latino speciei cultivatae demptum) est genus familiae Poacearum. Species huius generis nativae crescunt in zonis temperatis, videlicet Europa, Asia media et boreali, America tam septentrionali quam australi et Africa australi. Hordeum vulgare per orbem terrarum fere omnem colitur. Hordeum pusillum olim ab indigenis vallis Mississippianae in America septentrionali domesticatum (partem complexús agrarii orientalis) et cultivatum esse censetur. In eadem fere regione, sed occidentem versus, Hordeum jubatum ad frumentum et ad potionem, caffeo haud dissimilem, praeparandam adhibitum est. Hordeum bulbosum in Asia meridio-occidentali alicubi cultivatur recentiusque in agricultura Californiae in Civitatibus Foederatis temptatur.
![Thumb image](http://upload.wikimedia.org/wikipedia/commons/thumb/e/e0/Barley.jpg/320px-Barley.jpg)
Commelinidae
Ordo : Poales
Familia : Poaceae
Subfamilia : Pooideae
Tribus : Hordeeae
Genus : Hordeum
L.