![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d2/Balduin5.jpg/640px-Balduin5.jpg&w=640&q=50)
Heraclius (patriarcha Hierosolymitanus)
From Wikipedia, the free encyclopedia
Heraclius, orthographia mediaevali saepius Eraclius (natus anno circiter 1128; mortuus 1190/1191) fuit alumnus et magister Studii Bononiensis ubi contubernium habuit Stephanum (postea episcopum Tornacensem).[1] Heraclius fuit archidiaconus Hierosolymitanus ab anno 1169, archiepiscopus Caesariensis in Palaestina ab 1175 (antecessore Ernesio, successore Monacho),[2] et patriarcha Hierosolymitanus ab anno 1180 (antecessore Amalrico).
![Thumb image](http://upload.wikimedia.org/wikipedia/commons/thumb/d/d2/Balduin5.jpg/320px-Balduin5.jpg)
![Thumb image](http://upload.wikimedia.org/wikipedia/commons/thumb/7/7f/Fran%C3%A7ais_2629%2C_fol._300%2C_Couronnement_de_Gui_de_Lusignan.jpeg/320px-Fran%C3%A7ais_2629%2C_fol._300%2C_Couronnement_de_Gui_de_Lusignan.jpeg)
Anno 1178, duce Guillelmo Tyrensi, cum aliis episcopis et abbatibus Palaestinensibus Romam profectus est ad Concilium Lateranense Tertium.
Anno 1184 legationem Hierosolymitanam ad Occidentem conduxit una cum Arnaldo de Turre Rubea et Rogerio de Molendinis; ibi reges Philippum II Franciae et Henricum II Angliae suadebant ut Hierosolyma properarent, sed frustra. Londinii Heraclius ecclesiam Templariorum sacravit.