Glottis
From Wikipedia, the free encyclopedia
Glottis (Graece γλωττίς 'lingula') sive rima glottidis est bifida plicarum vocalium et cartilaginum arytaenoidum apertura, qua flumen aëris ex pulmonibus emeans in sonoram aut surdam aut adspiratam vocem redditur. Itaque rimae glottidis duae sunt species:
- Rima plicarum vocalium abductis solis plicis vocalibus fit.
- Rima cartilaginum inter dextram et sinistram cartilagines arytaenoides fit.
![Thumb image](http://upload.wikimedia.org/wikipedia/commons/thumb/3/32/Arytenoid_cartilage.png/320px-Arytenoid_cartilage.png)
Plicis vocalibus in glottide vibrantibus, murmurillum quoddam aut sonoritas verticoso aëris flumini additur. Qua vibratione plicarum pronuntiationes sonorae fiunt. Abductis autem plicis vocalibus, flumen aëris sine vibrationibus permeat pronuntiationem surdam efficiens. Quantum momenti etiam rima cartilaginum in pronuntiatione habeat, hic explicabitur.