Gideon Mantell
palaeontologus / From Wikipedia, the free encyclopedia
Gideon Algernon Mantell (Lewes in oppido natus die 3 Februarii 1790; mortuus Londinii die 10 Novembris 1852) fuit chirurgus et palaeontologus. Filius sutoris Methodistae, propter religionem e scholis publicis exclusus, privatim in oppido nativo et apud patruum Westburiae educatus est. Tiro apud chirurgum hanc artem didiscit. Magister anno 1811 apud Regium Collegium Chirurgorum receptus, ipse chirurgus ab eodem anno Lewes in oppido, ab 1833 Brightoniae, ab 1838 in suburbio Londiniensi Clapham operam dedit.
Obitus: 10 Novembris 1852; Londinium
Patria: Britanniarum Regnum
Nomen nativum: Gideon Algernon Mantell
Familia
Coniunx: Mary Ann Mantell
Proles: Walter Baldock Durrant Mantell
Memoria
Puer iuvenisque mineralia et fossilia quaesitabat. De geologia aevi praesertim Cretacei comitatuum Sussexiae et Surregiae, de palaeontologia animalium exstinctorum eiusdem aevi libros et symbola composuit museumque fossilium apud se congerebat. Opus huius generis primum, The Fossils of the South Downs (1822) sub patronatu regio prodit. Necessitate tam otii quam pecuniarum semper vexatus, collectum palaeontologicum anno 1838 Museo Britannico vendidit.
Genera et species palaeontologicas, quas alii eruditi mox sub dinosauriis ordinaturi erant, ille primus descripsit: Iguanodon (1825), Mosasaurus hoffmanni (1829 p. 207, cf. 1822 pp. 242-246),[1] Hylaeosaurus armatus (1833),[2] Regnosaurus northamptoni (1848 (a)),[3] Pelorosaurus (1850 (a)).