![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b1/Location_TsugaruPeninsulaJp.jpg/640px-Location_TsugaruPeninsulaJp.jpg&w=640&q=50)
Fretum Tsugaruense
From Wikipedia, the free encyclopedia
Fretum Tsugaruense[1] (Iaponice 津軽海峡 Tsugaru Kaikyō) est fretum inter Honsuam et Esoniam in Iaponia septentrionali patens, quod Mare Iaponicum cum Oceano Pacifico coniungit. Ex occidentali Praefecturae Aimori parte appellatur. Specus autocineticus sub freto ad locum angustissimum (19.5 chiliometra) extenditur, inter Tappi Misaki in Paeninsula Tsugaruensi in Praefectura Aomori Honsuae et Shirakami Misaki in Paeninsula Matsumae Esoniae.
![Thumb image](http://upload.wikimedia.org/wikipedia/commons/thumb/b/b1/Location_TsugaruPeninsulaJp.jpg/640px-Location_TsugaruPeninsulaJp.jpg)
![Thumb image](http://upload.wikimedia.org/wikipedia/commons/thumb/3/38/Tsugaru_Strait_%28English%29.png/640px-Tsugaru_Strait_%28English%29.png)
Hanc viam aquosam tabulae Occidentales et litterae eruditorum ante saeculum vicensimum Fretum Sangar vel Sangaricum[2] appellare solebant.[3]
Nationales Iaponiae aquae in fretum non ad duodecim milia, sed solum ad tria milia (5.6 chiliometra) rite tendunt, ut naves bellicae submarinaeque Classis Civitatum Foederatarum arma nuclearia ferentes, cum fretum navigent, leges Iaponienses contra arma nuclearia in suo territorio non violent.[4] Pars Cuniculi Seikan quae sub freto extenditur in dicione Iaponiensi manet; pars autem quae in aquis internationalibus invenitur iam intra zonam oeconomica exclusiva Iaponiensem patet.[5]
Freto Tsugaruensi sunt bracchia orientale et occidente, ambobus 20 fere chiliometra latis, et 200 metra et 140 metra proprie altis.[6] Aequora saepe sunt turbida.[7]
Naves traiectoriae, inter quas navis traiectoria Tsugaru Kaikyō et navis traiectoria Seikan, trans fretum constanter navigant. Die 26 Septembris 1954, 1172 homines perierunt cum navis traiectoria Tōya Maru in freto mersum esset.[8]