![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/dc/Elephant_near_ndutu.jpg/640px-Elephant_near_ndutu.jpg&w=640&q=50)
Elephantus
From Wikipedia, the free encyclopedia
Elephantus,[1] sive elephas,[1] olim barrus,[2][3] est animal ex duobus mammalium familiae Elephantidarum generibus descriptum. Tres elephantorum species exstant: Loxodonta africana, Loxodonta cyclotis, et Elephas maximus (etiam Elephas indicus vulgo appellatus). Cetera Elephantidarum species et genera exstincta sunt, nonnullis post recentissimum aevum glaciale; nani autem mammuthi fortasse usque ad 2000 a.C.n. superfuerunt.[4] Elephanti aliaeque elephantidae inter animalia cutem crassam habentia olim numerabantur, in Pachydermatibus, ordine nunc inrito.
- Si genus taxinomicum quaeris, vide Elephas (genus).
![Thumb image](http://upload.wikimedia.org/wikipedia/commons/thumb/d/dc/Elephant_near_ndutu.jpg/640px-Elephant_near_ndutu.jpg)
![Thumb image](http://upload.wikimedia.org/wikipedia/commons/thumb/e/e7/Elephant_skeleton.jpg/640px-Elephant_skeleton.jpg)
![Thumb image](http://upload.wikimedia.org/wikipedia/commons/thumb/5/5b/Comparative_view_of_the_human_and_elephant_frame%2C_Benjamin_Waterhouse_Hawkins%2C_1860.jpg/640px-Comparative_view_of_the_human_and_elephant_frame%2C_Benjamin_Waterhouse_Hawkins%2C_1860.jpg)
Elephanti sunt maxima animalia terrestria nunc viventia.[5] Tempus eorum gestationis est viginti duo menses—maximum omnium animalium terrestrium. Elephantus recens natus saepe pondo 120 chiliogrammatum est. Elephanti usitate a quinquaginta ad septuaginta annos vivunt, sed veterrimus elephantus notus octoginta duo annos vixit.[6] Maximus elephantus notus, in Angolia anno 1956 glandibus plumbeis petitus, fuit mas qui pondo 24 000 librarum fuit.[7] Minimi telluris elephanti noti, magnitudine vituli magni vel suis, fuerunt species praehistorica quae in insula Creta per Pleistocaenum habitabant.[8]