Ekrem İmamoğlu
politicus / From Wikipedia, the free encyclopedia
Ekrem İmamoğlu (prope Platana(en) Trapezuntis die 4 Iunii 1970 natus) est negotiator et politicus Turciae. E familia Islamica ortus, Trapezunti educatus, alumnus est Universitatis Istanbulensis ubi mercaturae et administrationi studuit. Constantinopolis deinde incola, factionis republicanae popularis sodalis ab anno 2008, praefectus regionis urbanae Beylikdüzü anno 2014 electus est. Kadir Topbaş praefecto urbi Constantinopoli anno 2017 decessurus, Ekrem İmamoğlu candidatus a factione sua selectus est. Comitiis die 31 Martii 2019 habitis, maioritate exigua vicit, aemulo Binali Yıldırım factionis iustitiae incrementique(tr) (AK) candidato. Regimen Turcicum, duce Recep Tayyip Erdoğan (qui et ipse, factionis AK sodalis, olim praefectus Constantinopolis meruerat), novas comitias decrevit: quibus die 23 Iunii 2019 habitis Ekrem İmamoğlu maioritate amplissima aemulum devicit.