Dacca[1][2] seu Daca[3] (Bengalice ঢাকা Ḍhākā), per tempus MughalJahangirnagar[4] appellata, est caputBangladeshae et principalis Divisionis Daccaeurbs. Ea, in ripis Fluminis Burigangae iacens, est megaurbs et una ex maioribus Asiae Meridianae urbibus. Cum sua regione metropolitana et numero civium plus quam 12 milliones anno 2008 aestimato, ea est maxima Bangladesiae urbs.[5]
Urbi Daccae clima est tropicum savanense per enumerationem Köppen–Geiger, calidum humidumque, mense Maio calidissimo, mense Ianuario frigidiore, hippalo a mense Maio ad Septembrem saeviente; temperatura aëris media mense Ianuario 19° atque a Maio ad Septembrem 29°, minima inter 13° et 26°, maxima inter 25° et 34°, sed minima extrema usque hodie nota 6°, maxima extrema 42°; pluviis mense Ianuario ad 8 mm tantum, mense Iulio 373 mm, anno toto non minus quam 2148 mm elevatis, pluvio diurnali omnino maximo 341 mm die 27/28 Iulii2009;[6] diebus pluviosis mense Decembri nullo, mensibus Iunio et Augusto 16, per annum totum fere 101 notis; humiditate relativa inter mensuras 37% mense Februario et 74% mense Augusto reperta, horis solis fulgentis mensibus Iulio et Augusto 62, mensibus Decemberi et Ianuario 279, per annum totum 2066 repertis; cyclonibus mortiferis interdum incidentibus (anno 1737 rursusque 1864 omnium violentissimis).[7]
Nomen Latine indeclinabile. "... haud procul a torrida urbe Dacca ...": Ephemeris (27 Feb. 2005). "Allocutio in aëronavium portu urbis Dacca in Bangladesa": GPII 1988 Insegnamenti
Adiectiva: "Daccaensis" (nomina biologica e.g. Copidosoma daccaensis), "Dacchensis" (olim Sancta Sedes; nomina biologica e.g. Diplogaster dacchensis), "Dhakensis" (cf. "Archidioecesis Dhakensis" e The Hierarchy of the Catholic Church (situs a Davide M. Cheney elaboratus) (Anglice))
Dacca
Via in Dacca.
Shahid Sriti Stombho in Sohrawardy Uddan..JPG)
.jpg)
