![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/81/Obisk_predsednika_vlade_Severne_Makedonija_Dimitarja_Kova%25C4%258Devskega_-_3._4._2023_%252852789983136%2529_%2528cropped%2529.jpg/640px-Obisk_predsednika_vlade_Severne_Makedonija_Dimitarja_Kova%25C4%258Devskega_-_3._4._2023_%252852789983136%2529_%2528cropped%2529.jpg&w=640&q=50)
Demetrius Kovačevski
politicus / From Wikipedia, the free encyclopedia
Demetrius Kovačevski, litteris Cyrillicis Димитар Ковачевски (Kumanovo in urbe anno 1974 natus) est politicus rei publicae Macedonicae. Patre legato, partim in urbe nativa, partim apud Waterville Minnesotae educatus est. Alumnus est universitatum universitatis Scupiensis et Montenegrinae, ubi gradum doctoris scientiae oeconomicae anno 2008 ascendit.
![Demetrius Kovačevski: imago](http://upload.wikimedia.org/wikipedia/commons/thumb/8/81/Obisk_predsednika_vlade_Severne_Makedonija_Dimitarja_Kova%C4%8Devskega_-_3._4._2023_%2852789983136%29_%28cropped%29.jpg/640px-Obisk_predsednika_vlade_Severne_Makedonija_Dimitarja_Kova%C4%8Devskega_-_3._4._2023_%2852789983136%29_%28cropped%29.jpg)
Apud societatem telecommunicationis Makedonski Telekom ab anno 2005 usque in 2017 operam dedit. Eisdem annis res commerciales apud aedes Scupienses universitatis Neo-Eboracensis atque ab anno 2017 apud collegium universitatis Americanum Scupiense(en) docuit. Ab anno 2020, rem politicam suscipiens, unionis socialis democraticae sodalis, minister vectigalium vicarius e parlamentariis electus est, primo ministro Zoran Zaev; quo mox ab hoc officio deiecto, Demetrius Kovačevski dux factionis die 12 Decembris 2021, primus minister die 17 Ianuarii 2022 factus est.