From Wikipedia, the free encyclopedia
Dementiae frontotemporales sunt grex morborum neurodegenerativorum, quibus cellulae nervales loborum cerebralium et frontalis et temporalis affectae sunt et postremo degenerant. Structurae affectae ad motus animi et mores sociales et linguam valent, quo fit, ut homines affecti perturbationes morum socialium eorum et loquendi, insuper non raro natura irritabilis ostendunt. Saepe initium morbo Alzheimeriano maturius est, circa annos quinquaginta, sexaginta.
Cave: notitiae huius paginae nec praescriptiones nec consilia medica sunt. |
Hodie genera sex describuntur: dementia frontotemporalis varietatis se gerendi, aphasia progressiva primaria varietatis semanticae, aphasia progressiva primaria varietatis agrammaticae nonfluentis, degeneratio corticobasalis paralysis supranuclearis progressiva, et dementia frontotemporalis cum morbo nervorum motoriorum sociata. Detrimentis affecti sunt cortices cerebrales frontalis et temporalis, in neuropathologia vero damnum macroscopicum et microscopicum cellulare degeneratio lobularis frontotemporalis dicitur.
Aegrotis mala praecipue morum progressiva et valde conspicua sunt, quod syndroma frontalis nominatur.
Notio pristina morbus Pick erat, secundum Arnoldum Pick, qui anno 1892 in corticibus frontali et temporali interitum 70% neuronorum fusiformium descripsit.
Dementia in genere est symptoma, non morbus vel malum suo ipso. Ordo mundi sanitarius (OMS, WHO) dementiae definivit:
Frontotemporalis quoque dementia sensu stricto symptoma definiri possit, at saepe non sit, sed, sensu lato, complexus morborum variorum.
Ea notio imprimis ad mutationes neuropathologicas in cortices cerebri loborum et frontalis et temporalis observatas spectat.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.