![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a5/Poetique_Aristote_Arabe_2346.jpg/640px-Poetique_Aristote_Arabe_2346.jpg&w=640&q=50)
De arte poëtica (Aristoteles)
opus Aristotelis / From Wikipedia, the free encyclopedia
De arte poëtica (Graece Περὶ Ποιητικῆς) est parvus Aristotelis tractatus, quo philosophus artem poëticam analytice dispiciebat, tam quod ad mythi structuram, quam quod ad elocutionem pertinet. In parte servata de tragoedia et poësi epica tantum agitur: secundum librum excidisse putatur, qui de comoedia et iambis disserebat[1]. Certe praeclara est Aristotelica tragoediae finitio tamquam actionis gravis dramatica imitatio (Graece μίμησις), quae per terrorem et misericordiam purgationem (Graece κάθαρσις) apud spectatores efficit[2]. Item carmen epicum actionis gravis narrativam imitationem esse ad eundem finem idoneam dicebat. Tragoedia et poësis epica homines meliores quam spectatores describunt, comoedia vero et iambi peiores[3].
![Thumb image](http://upload.wikimedia.org/wikipedia/commons/thumb/a/a5/Poetique_Aristote_Arabe_2346.jpg/640px-Poetique_Aristote_Arabe_2346.jpg)