Cremlinus (Moscua)
From Wikipedia, the free encyclopedia
Cremlinus[2] Moscuensis (Russice Московский Кремль, tr. Moskovskij Kreml' ) est antiquissima Moscuae pars. Arx, ex Medio Aevo oriunda, saeculo 15 exeunte denuo exstructa est. Moenia, viginti turribus munita, annis ab 1485 ad 1499 aedificata et adhuc bene conservata sunt. Multis aliis arcibus Russicis exemplar factum est. Ecclesia cathedralis Cremlini, Dormitioni virginis Mariae dicata, ab Aristotele Fioravanti constructa est.
Haec pagina de Cremlino Moscuae sito explicat. Si aliam rem, quae "Cremlinus" vocatur, quaeris, vide Cremlinus (discretiva).
Cremlinus simul sedes praesidis Russiae ac museum est. Anno 1990, inter res Hereditatis Mundi UNESCO perscriptus est.