![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4d/Codex_Mendoza_63r_priest_with_sacrificial_requisites.jpg/640px-Codex_Mendoza_63r_priest_with_sacrificial_requisites.jpg&w=640&q=50)
Complexus entheogenorum Mesoamericanus
From Wikipedia, the free encyclopedia
Complexus entheogenorum Mesoamericanus[1] (Anglice Mesoamerican entheogen complex)[2] appellari licet pharmaca entheogena multiplica praecipue e plantis extracta quae ritibus culturarum Mexicanarum et Mesoamericanarum adhibentur.
![Thumb image](http://upload.wikimedia.org/wikipedia/commons/thumb/4/4d/Codex_Mendoza_63r_priest_with_sacrificial_requisites.jpg/320px-Codex_Mendoza_63r_priest_with_sacrificial_requisites.jpg)
Locutionem Hispanicam complejo narcótico de la America autóctona (scilicet "complexus narcoticus indigenarum Americanorum") primus anno 1964 invenit Weston La Barre scriptor historiae religionis.[3] Recentius anno 1979 verbum entheogen a Carolo Ruck et collegis propositum est ut talia pharmaca melius definiantur,[4] quod verbum auctores posteriores in locutionem priorem inserere solent. Nonnulli interdum culturis mediae Americae studentes, borealioribus et australibus intermissis, verbum "Mesoamericanum" praeferunt.[2]
![Thumb image](http://upload.wikimedia.org/wikipedia/commons/thumb/1/13/Libellus_de_medicinalibus_Indorum_herbis_f._13v.jpg/320px-Libellus_de_medicinalibus_Indorum_herbis_f._13v.jpg)
Plantae Mesoamericanae entheogena producentes sunt:
- Datura stramonium, Navatlace toloache, olim tlahcolpahtli
- Heimia salicifolia
- Ipomoea tricolor, Navatlace tlitliltzin
- Ipomoea violacea (?)
- Lonchocarpus punctatus, syn. L. longistylus
- Lophophora williamsii, Navatlace peyōtl
- Nicotiana rustica
- Nicotiana tabacum
- Nymphaea ampla, linguis Mayensibus nikte’ha’
- Psilocybe aztecorum
- Psilocybe cubensis
- Psilocybe mexicana, Navatlace teonanácatl
- Salvia divinorum
- Turbina corymbosa, Navatlace ololiúqui, linguis Mayensibus xtabentún
Fortasse amphibium addi licet:
- Incilius alvarius
Datura, Nymphaea, Psilocybe a Mayis in potionem balché interdum addebantur.[5]