Crasnodaria,[1] vulgo Krasnodar[2] (Russice Краснодар), est urbs in Russia, in meridie planitiei Europaeae Orientalis ad ripam dextram Hypanis fluvii sita, metropolis territorii Crasnodariani, subiecti Foederationis Russicae, atque Cubaniae, regionis historicae. Plus quam 1 121 milia incolarum (anno 2023) habet.
![Thumb](http://upload.wikimedia.org/wikipedia/commons/thumb/8/80/Coat_of_Arms_of_Krasnodar_%28Krasnodar_krai%29.png/85px-Coat_of_Arms_of_Krasnodar_%28Krasnodar_krai%29.png)
Locus: 45°2′0″N 38°59′0″E
Numerus incolarum: 1 138 654
Zona horaria: Tempus Mosquanum, UTC+3
Situs interretialis
Nomen officiale: Краснодар
Gestio
Procuratio superior: Krasnodar Municipality
Geographia
Coniunctiones urbium
Crasnodaria est valens sedes mercaturae, industriae et culturae Caucasi Septentrionalis. Plus quam centum officinas, tres stationes ferriviarias, aeroportum atque portum ad Hypanim fluvium habet. Universitates septem (quarum sunt, e.g., Universitas Publica Cubanica et Universitas Publica Technologica Cubanica) multaque alia instituta educationis, musea et theatra nonnulla hac in urbe sunt. Inter societates pediludii urbis notae sunt FK Krasnodar et FK Kuban Krasnodar.
Historia
![Thumb](http://upload.wikimedia.org/wikipedia/commons/thumb/5/50/%D0%9F%D0%B0%D0%BC%D1%8F%D1%82%D0%BD%D0%B8%D0%BA_%D0%95%D0%BA%D0%B0%D1%82%D0%B5%D1%80%D0%B8%D0%BD%D0%B5_%D0%92%D0%B5%D0%BB%D0%B8%D0%BA%D0%BE%D0%B9_%D0%B2_%D0%9A%D1%80%D0%B0%D1%81%D0%BD%D0%BE%D0%B4%D0%B0%D1%80%D0%B5.jpg/640px-%D0%9F%D0%B0%D0%BC%D1%8F%D1%82%D0%BD%D0%B8%D0%BA_%D0%95%D0%BA%D0%B0%D1%82%D0%B5%D1%80%D0%B8%D0%BD%D0%B5_%D0%92%D0%B5%D0%BB%D0%B8%D0%BA%D0%BE%D0%B9_%D0%B2_%D0%9A%D1%80%D0%B0%D1%81%D0%BD%D0%BE%D0%B4%D0%B0%D1%80%D0%B5.jpg)
Anno 1793 ut castrum condita, anno 1867 facta est urbs, ad annum 1920 Catharinodaria seu Catharinodorum,[3] vulgo Ekaterinodar (Russice Екатеринодар, i.e. 'Catharinae donum'), vocabatur. Annis ab 1860 ad 1918 erat metropolis regionis Cubanicae Russiae. Cum ferrivia per urbem venit, haec valens sedes mercaturae, industriae et transportationis facta est. Tempore belli civilis Russici Catharinodaria fuit urbs valens in parte meridiana Russiae, a viribus 'Albis' contra 'Rubros' (bolsevicos) pugnantibus tenebatur. Anno 1920 urbs occupata est a copiis 'Rubrorum' et die 7 Decembris eodem anno nomen suum hodiernum recepit. Anno 1937 Crasnodaria sedes administrativa territorii facta est. Tempore Belli Magni Patrii, die 9 Augusti 1942 urbs a copiis Germanicis occupata fuit, die 12 Februarii anno 1943 ab exercitu Sovietico liberata et post bellum restaurata.
![Thumb](http://upload.wikimedia.org/wikipedia/commons/thumb/4/4d/Krasnodar_teatr.jpg/640px-Krasnodar_teatr.jpg)
Incolae noti
- Michael Alekseev, ductor exercitus (tempore belli civilis Russici Catharinodariae colebat, ibidem mortuus)
- Antonius Denikin, ductor exercitus (tempore belli civilis Russici Catharinodariae ad tempus colebat)
- Nicolaus Dorizo, poeta (Crasnodariae natus)
- Samuel Maršak, poeta (annis a 1918 ad 1922 Crasnodariae colebat)
- Anna Netrebko, cantrix (Crasnodariae nata)
- Gregorius Ponomarenko, compositor et musicus (Crasnodariae ab anno 1973 colebat)
- Boris Rosing, physicus (annis a 1918 ad 1922 Crasnodariae colebat)
- Georgius Silant'ev, concentus magister, violinista et compositor (Crasnodariae in pueritia ac iuventute suis colebat, fortasse etiam hac in urbe natus)