![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6a/ND_Burleigh_County_Bismarck.svg/langla-640px-ND_Burleigh_County_Bismarck.svg.png&w=640&q=50)
Bismarcopolis
From Wikipedia, the free encyclopedia
Bismarcopolis[1] (Anglice Bismarck, IPA [ˈbɪzmɑːrk]) est caput Dacotae Septentrionalis, civitatis Civitatum Foederatarum, et sedes Burleigh Comitatus.[2] Quae est secunda a frequentissima urbs in Dacota Septentrionali, post Fargonem. Numerus civium anno 2017 aestimatus est 72 865, sed numerus incolarum metropolitanorum erat 132 142. Anno 2017, Forbes magazina Bismarcopolim urbem septimam a rapidissime crescente urbe in Civitatibus Foederatis aestimavit.[3][4]
![Thumb image](http://upload.wikimedia.org/wikipedia/commons/thumb/7/7a/2009-0521-ND-StateCapitol.jpg/640px-2009-0521-ND-StateCapitol.jpg)
Locus: 46°48′30″N 100°47′2″W
Numerus incolarum: 73 622
Zona horaria: UTC-6
Situs interretialis
Gestio
Procuratio superior: Burleigh County
Geographia
Territoria finitima: Mandan
![Thumb image](http://upload.wikimedia.org/wikipedia/commons/thumb/6/6f/Flag_of_Bismarck%2C_North_Dakota.gif/640px-Flag_of_Bismarck%2C_North_Dakota.gif)
Bismarcopolis ab Europaeo-Americanis anno 1872 condita est in orientali Fluminis Missuriensis ripa. Caput Dacotae Septentrionalis est ex 1889, cum civitas, e Territorio Dacotensi constituta, in Unionem admissa esset.
Capitolium civicum, altissimum aedificium in Dacota Septentrionali, in media urbe patet. Res publica civica plus quam 4000 hominum in urbe conducit.
Urbs primum Eduintonia (Anglice Edwinton) ex Eduino Ferry Johnson, ingeniario maximo societatis Northern Pacific Railway, appellata est, cum ferrivia ad orientales Fluminis Missuriensis ripas perveniret. Nomen autem minus quam annum post in Ottonem de Bismarck commutatum est, ut urbs advenas Germanicos attraheret.