Berenice I (regina Aegypti)
From Wikipedia, the free encyclopedia
Berenice (nata anno fere 340 a.C.n.; mortua inter 279 et 274 a.C.n.), e familia satis nobili Macedonum orta, fuit nuptiis tertiis uxor Ptolemaei I Aegypti regis et mater Ptolemaei II.
![Thumb image](http://upload.wikimedia.org/wikipedia/commons/thumb/a/ae/Ptolemaeus_I%26Berenike_I.jpg/170px-Ptolemaeus_I%26Berenike_I.jpg)
Berenice fuit filia Antigonae[1] (sororis Eurydicae) et Magae.[2] Imprimis Philippo quodam, origine ignoto, nupsit qui ex ea genuit Antigonam (Pyrrhi uxorem futuram)[3] et Magam.[4] Berenice marito mortuo Aegyptum petivit, sectatrix Eurydicae[5] quae Ptolemaeo nupserat; ibi Berenicam ipsam Ptolemaeus adamavit et, Eurydica reiecta, in matrimonium anno 317 a.C.n. duxit. Eo peperit filiam Arsinoam, filium Ptolemaeum patris successorem, filiam alteram Philoteram.[6]
Berenice fuit auriga Olympionica anno ignoto.[7] Mortua inter deas iussu filii Ptolemaei instaurata est.[8] Theocritus ad eius honorem carmen titulo "Berenice" scripsit, hodie deperditum.[9]