![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d1/Daughters_of_%25C3%2586gir_and_R%25C3%25A1n.jpg/640px-Daughters_of_%25C3%2586gir_and_R%25C3%25A1n.jpg&w=640&q=50)
Bara
From Wikipedia, the free encyclopedia
Bara seu Drafna (Bára, Dröfn) in mythologia Nordica fuit una e filiabus novem dei marini Ægir et uxoris eius Rán secundum indicem nominum in libro Edda oratione soluta scripto relatum; sorores igitur habuit Himinglæva, Blodughadda, Bylgia, Duva, Hevringa, Hranna, Kolga, Uda. Hae omnes undas maris figurant.[1] Nomen Bára "unda" significat, et in carmine Thorleiki pulchri celebratur:
- Mare fremit, unda [Bára] vero albam
- spumam in rubrum malum
- ingerit, quomodo bisons phalangae
- pineo rostro inaurato hiat.[2]
![Thumb image](http://upload.wikimedia.org/wikipedia/commons/thumb/d/d1/Daughters_of_%C3%86gir_and_R%C3%A1n.jpg/320px-Daughters_of_%C3%86gir_and_R%C3%A1n.jpg)
Nomen Dröfn, scilicet "unda ad oram fervens", cum appellatione sinus Drammensfjorden Norvegiae nectitur et in carmine Ormi celebratur:
- Diligentissima vasis cerevisiarii
- inspectrix nullas non exercet
- virtutes, vitia vero aversatur Nympha
- flammae marinae [drafnar ... Lofn], amicitiae servans.[2]