Aratrum

Aratrum est instrumentum in agricultura adhibitum ut solum ad semen spargendum vel plantas ponendas colatur.

Adiunctio
Compages
Crus
Culter
Cursus
Manubria
Rana
Tabula formans
Tabula scrutorum
Terrae lapsus
Vomer

Vergilius in Georgicis fabricationem aratri describit his versibus^[1]:

...continuo in silvis magna vi flexa domatur
in burim et curvi formam accipit ulmus aratri.
huic a stirpe pedes temo protentus in octo,
binae aures, duplici aptantur dentalia dorso.
caeditur et tilia ante iugo levis altaque fagus
stivaque, quae currus a tergo torqueat imos,..,

ad quos versus intelligendos schemata adhibita iuvare possunt.

Lucretius de detrimentis, quas omnes res terrestres patiuntur, disserens sic vomerem memorat^[2]:

...uncus aratri
ferreus occulte decrescit vomer in arvis...,

quos versus Rabanus Maurus citat et nonnulla de sensu aratri allegorico addit^[3]:

Aratrum enim mystice significat opus praedicationis evangelicae in quo cultus agri dominici exercetur: ita ut vomere verbi divini extirpentur vitia simul et eradicentur noxia desideria, sicque praeparetur terra cordium humanorum ad accipienda semina virtutum. Sed studiosus quisque aratrum spiritale tenens ad anteriora adtendere debet, ut faciat sulcum rectum et non avertatur a tramite veritatis, unde Dominus ait in evangelio: Nemo mittens manum suam in aratrum et respiciens retro aptus est regnum caelorum^[4]. Vomeres enim et ligones exercitia praedicationum sunt, unde propheta de doctoribus ait: Conflabunt gladios suos in vomeres, et lanceas suos in falces^[5].

[1]
Georg. I 169–174.
[2]
De rerum natura, I 313–314.
[3]
De rerum natura, XXII 14.
[4]
Lc. 9:62.
[5]
Es. 2:4.

Agricola Germanicus equis aratroque solum exarat.
Aratrum in Africa Australi usitatum.
Agricola tibetensis bovibus arans.
Pictura in manuscripto God Spede ye Plough, poematis Anglici saeculo sexto decimo ineunte; nunc in Musaeo Britannico.
Aratrum ferreum Sinense cum tabula formanti curvata, anno 1637.
Malleus cum aratro in emblemate Exercitus Rubri anni 1918.