![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/25/Frontespiece_of_%2527De_Nova_Stella_Disputatio%2527_by_Johannes_van_Heeck%252C_1605.jpg/640px-Frontespiece_of_%2527De_Nova_Stella_Disputatio%2527_by_Johannes_van_Heeck%252C_1605.jpg&w=640&q=50)
Academia Lynceorum
From Wikipedia, the free encyclopedia
Academia Lynceorum,[1] vulgo Accademia dei Lincei, anno 1603 Romae a Friderico Caesio condita est. Prima fuit academia praesertim ad naturales scientias intenta. Sodales academiae "Lyncei" appellantur[2] ex acumine observationis: verbum enim adiectivum "lyncēus" (Graece: λύγκειος) eos designat quibus sunt oculi tam perspicui quam lyncium.
![Thumb image](http://upload.wikimedia.org/wikipedia/commons/thumb/2/25/Frontespiece_of_%27De_Nova_Stella_Disputatio%27_by_Johannes_van_Heeck%2C_1605.jpg/320px-Frontespiece_of_%27De_Nova_Stella_Disputatio%27_by_Johannes_van_Heeck%2C_1605.jpg)
Caesius imprimis in academiam suam Ioannem Heckium, Franciscum Stellutum, Anastasium de Filiis induxit. Hi Lyncei die 17 Augusti 1603 primum congressi sunt.[3] Academia autem die Christi natali eiusdem anni sollemniter inaugurata est.[4]