Abdalla Nasirii filius Chalifae filii gentis Ṯānī
politicus Quatariae / From Wikipedia, the free encyclopedia
Abdalla Nasirii filius Chalifae filii gentis Ṯānī (Arabice عبد الله بن ناصر بن خليفة آل ثاني - ʿAbdallāh ibn Nāṣir ibn Ḫalīfa Āl Ṯānī; in urbe Doha natus) est politicus Quatariae.
E familia regnante Quatariae ortus, abnepos conditoris Mahometi Ṯānī filii, Abdalla Nasirii filius in Libano eruditus est apud universitatem Arabicam Berytensem ubi iuribus studuit.[1] Dux vigilium secretorum iuxta ministerium rerum internarum Quatariense operam dedit. Ibidem minister vicarius anno 1995 merere coepit, ministro principali rerum internarum Abdalla Chalidi filio, primis ministris Abdalla Chalifae filio et Hamido Ǧāsim filio. Iussu cognati Tamimi Hamidi filii gentis Ṯānī, qui ad dignitatem emiri nuper accederat, Abdalla Nasirii filius die 26 Iunii 2013 primus minister et minister a rebus internis creatus est.