Kolon

Organ keherek tellek yw an golon a worwedh tamm dhe'n gledh a linen gres an korf. An re ma yw an keher a wra pompya goos dre'n system kylghresyas. Kevys yw tu kledh ha tu dyghow dhe'n golon, an dhew ow komprehendya 'atrium' po porth ha 'ventricle' po kow.

Ensampel a	sort a organ, klass a furv korfoniethel
Klass	organ eneval
Rann a	system kylghresek
Keskelmys gans	gwythvras, gwythien
Synsys ynno/i	toll kolonnek, myocardium
Restrennow kelmys war Gemmyn Wikimedia

Kolon pub melldrosek yw gwrys dhyworth keher arbennik ha dibarow, hemm yw 'keher an golon'. An keher ma a bomp 2.5 bilvilgweyth dres hys oos a 66 bloodh. Lamm usadow kresek yw 72 lamm an vynysen. Poos kolon yw 250-300 gramm dhe venen ha 300-350 gramm dhe dhen.

Y'n delinyans (dhe'n gledh) y hyllowgh gweles klapesow. An golon a gomprehend klapesow dhe lettya'n goos rag resek war dhelergh. Yma dhe'n tu dyghow klapes teyrlenn (klapes gans tri gorher) ha'n tu kledh klapes diwlenn (klapes gans dew worher). Yma dhe'n dhew du klapesow krommen. Klapes krommen an skevens yw le may hwra an goos pompya dhyworth an kow dyghow dhe gwythvras an skevens.An klapes aortek le may hwra an goos pompya dhyworth an kow kledh dhe'n aorta.

Previans goos keher an golon hy honan a dheu dhyworth a'n gwythiennow bras kurunnek. Mes possybyl yw dhe'n re ma bos degeys gans plackow berrik hag a gomprehend kolesterol, ow ledya dhe dhises kurunnek an golon. Mar kwra gwythvras kurunnek degea, previans goos dhe rann a'n golon yw lettys. Ny yll an rann na a'n golon pesya lehe, ow kawsya shora kolon.

Devnydh figurek

Shap kolon yw usys yn efan dhe dhenotya kerensa. Testen yw a lies kan, lyver po lavar.

"Tan y'n Golonn" yw kan gans Brian Webb, owth omdhiskwedh yn terowel war an blasenn Keltia Rok ha komprehendys war y cidi "Brythennek".

Lavarow an Werin

• Pellder a ra melder - (Sowsnek - Absence makes the heart grow stronger)
• Y golon a ydnias an gwiryonedh anodho - (He made a clean breast of it)
• Ort' bodh y vrys (hy brys) - (To his (her) heart's content_
• Mar ny re’ta gweles travyth, ny re'ta dos ha codha prederus - (What the eye doesn’t see, the heart doesn’t grieve)
• Y ves ew devedhys dhe bedn - (With his heart in his boots)

• 
  Desedhans an golon y'n korf
• Skeusen ughson a'n golonn.
• Gwydhyow a'n golon gans arhwilell MRI

Onan a'n mil erthygel posekka war Wikipedya yw an erthygel ma.