![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ab/Keswick_Panorama_-_Oct_2009.jpg/640px-Keswick_Panorama_-_Oct_2009.jpg&w=640&q=50)
Pow an Lynnyn
From Wikipedia, the free encyclopedia
Pow an Lynnyn, aswonys ynwedh avel Tir Lynnyn po an Lynnyn, yw ranndir menedhyek y'n north-west a Bow Sows. Gerys-da yw’n tyller ma rag dy’golyow, meur a vri awos y lynnyn, koswigow ha menedhyow. Kowethys yw gans awtours kepar ha William Wordsworth, Samuel Taylor Coleridge, Beatrix Potter hag Arthur Ransome. Fondys veu Park Kenedhlek Pow an Lynnyn yn 1951, gans arenebedh a 2,362 kilometer pedrek. Apoyntys veu avel Ertachva an Bys UNESCO yn 2017. Dres 15 milvil a dus a dheu dhe’n Park Kenedhlek pub bledhen.
![]() | |
Sort |
kadon menydhyow, ranndir, lake area ![]() |
---|---|
Fondys |
1951 ![]() |
Doronieth | |
Ranndir gwithans |
Park Kenedhlek Pow an Lynnyn ![]() |
Konteth |
Cumbria, Konteth Evrek North ![]() |
Gwlas |
Ruvaneth Unys ![]() |
Arenebedh |
2,362 ±1 km² ![]() |
A-ugh an mor |
978 Meter ![]() |
Kesordnogyon |
54.5°N 3.1667°W ![]() |
Hys |
55 ![]() |
Menystrys gans |
Lake District National Park Authority ![]() |
![]() | |
Studh ertach |
Ertachva an Bys UNESCO ![]() |
Manylion | |
Desedhys yw Pow an Lynnyn oll yn konteth Cumbria. Kyns 1974 rynnys o an ranndir ynter tri konteth koth, h.y. Cumberland, Westmorland ha Konteth Karhirbre (Lancashire yn Sowsnek).
Oll an tir ughel yn Pow Sows dres 3,000 tros-hys (914 m) a-ugh nivel an mor a sev a-ji an Park Kenedhlek, ow komprendya Scafell Pike,an menydh ughella Pow Sows. Ev a gomprehend an lynn downa ha’n lynn moyha yn Pow Sows, h.y. Wast Water ha Windermere yn kettep penn.
Komplek yw dororieth Pow an Lynnyn. Batholith a ven growan yn-dann an ranndir re gawsas an menedhyow hag yw gwrys dhyworth legh, karrygi loskvenydhyek ha leysveyn.
![Thumb image](http://upload.wikimedia.org/wikipedia/commons/thumb/8/80/Lake_District_Geology_Map.svg/640px-Lake_District_Geology_Map.svg.png)
Pur lyb yw hin Pow an Lynnyn, gans an tyller glyppa yn Pow Sows, Seathwaite, gans 3,300 mm a law yn kresek pub bledhen. Pur wynsek yw ynwedh ha toppys an menedhyow a gyv awelyow dres 100 dedh an vledhen yn kresek. Yn despit dhe hemma, klor yw tempredhow dell yw usys. Awos an hin, maga deves a wra bargennyow tir Pow an Lynnyn. Herdwick ha Rough Fell yw an chif eghennow.