Livbryv
From Wikipedia, the free encyclopedia
From Wikipedia, the free encyclopedia
Livbreves yw hwesker ow longya dhe'n isurdh Symphyta ha'n urdh Hymenoptera. Livbreves yw bagas a hwesker a dheber plansow. Le arbennigys yns i ages an muryon, gwenen ha goghi.
Livbryv Efander menhesennow: Triassek – lemmyn 220-0 Ma | |
---|---|
Melaleuca | |
Klassans bewoniethek | |
Gwlaskor: | |
Fylum: | |
Klass: | |
Urdh: | Hymenoptera |
Is-urdh: | Symphyta Gerstaecker, 1867 |
Ughteyluyow | |
|
Dihaval yns i dhyworth an brassa rann a Hymenoptera erel drefen an junyans ledan yntra'n torr ha'n thoraks, ha'ga larvae haval dhe breves del. Aga hanow a dheu dhyworth semlant an ovipositor kepar ha liv po hesken, usys gans an re benow dhe dreghi an plansow le may hwrellons dedhwi aga oyow. Poblansow meur a nebes eghennow a livbreves a yll kawsya damach erbysel dhe goswigow ha trevasow.
Rennys yw an Symphyta dhe naw ughdeylu (onan difeudhys) ha 25 teylu. An brassa rann anedha yw komprehendys y'n ughdeylu Tenthredinoidea, gans a-dro dhe 7,000 eghen a-dreus an bys. Tenthredinoidea a'n jeves hwegh teylu, gans Tenthredinidae an brassa (5,500 eghen).
Xyelidae yw teylu byghan a livbreves, aswonnys a le ages 50 eghen vyw yn pymp kinda, gans kovadh efan a venhesennow. I yw an Hymenoptera kottha kevys avel menhesennow, ow tedhya dhe'n Amser Triassek, nans yw neb 200 milvil bledhen.
An brassa niver a eghennow a vyw yn Hanterkylgh an Ogledh, yn arbennik yn ranndiryow taiga, kyn fo nebes eghennow neotrovannel. Dell yw usys, kelmys yns i dhe sabwydh (yn arbennik Pinus, pinwydh ha Abies, sybwydh), may hwrello an larvae boosa war bonn, po a-ji dhe eginyow, mes preves nebes eghennow a voos war dhel gwydh kolldhel.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.