Шаблон:Серпасыс абу
| Некрасов Александр Васильевич | |
| Чужан лун: |
1952-ӧд вося вӧльгым тӧлысь 4-ӧд лун[1] (69 арӧс) |
|---|---|
| Чужанін: |
|
| Мыйся уджыс: | |
Некрасов Александр Васильевич (А. Позяломов, 1952—2016) — коми гижысь, вуджӧдчысь, журналист.
Александр Некрасов чужӧма 1952-ӧд вося вӧльгым тӧлысь 4-ӧд лунӧ Коми АССР-ын Сыктывдін районса Паль сиктын. Быдмӧма Позялӧм посёлокын.
1968 воын помалӧма 8 класс 12-ӧд №-а сыктывкарса школаын да пырӧма велӧдчыны 15-ӧд №-а ГПТУ-ӧ «Электромонтажник» специальносьт серти. 1970-ӧд воын училишӧ помалӧм бӧрын пырӧма уджавны Сыктывкарса опытнӧй судоремонтнӧй заводӧ электромонтажникӧн. Уджалігас 1972-ӧд воын помалӧма 1-ӧд №-а рытъя школа да пырӧма велӧдчыны Сыктывкарса канму университетлӧн филология факультетӧ. 1975-ӧд воын сійӧс мӧдӧдӧмаӧсь велӧдчыны Ленинградса университетлӧн журналистика факультетӧ. 1978 воын помалӧма университетсӧ «журналист» специальносьтӧн.
1978—1980 воясӧ корреспонденталӧма «Югыд туй» газетса культура юкӧнын. 1978—1989 воясӧ Коми небӧг лэдзанінын вӧлӧма редакторӧн, а сэсся медшӧр редакторӧн. Веськӧдлӧма челядьлы да томуловлы небӧг йӧзӧдӧм серти «Пас» тӧварышъяслӧн котырӧн.
Кулӧма 2016-ӧд вося тӧвшӧр тӧлысь 16-ӧд лунӧ.
Медводдза кывбурсӧ йӧзӧдӧма 1969-ӧд воын рочӧн «Вперёд» газетын. Комиӧн кывбурсӧ йӧзӧдӧма «Войвыв кодзув» журналын 1972-ӧд воын. Гижӧдъясыс петавлӧмаӧсь ӧтувъя чукӧръясын, «Комсомольская правда» газетын, украина кывйӧн «Сузиря» альманахын.
Сылӧн петавлісны «Гӧрд тугъяса пелысь» кывбура чукӧр (1983), «Шондібан» (1987), «Себе я — царь и господин» (1991), «Ловъя кодзулӧй менам» (1995) небӧгъяс да «Как стать великим» автобиографическӧй роман (1993).
Комиӧдӧма Сергей Есенинлысь кывбуръяссӧ да 2005 воын йӧзӧдӧма «Лымъялысь льӧм» небӧг. 2010-ӧд воын йӧзӧдӧма «Лӧз ӧзын» чукӧр, кытчӧ пыртчӧма XX-ӧд нэмся медбур коми да роч сьыланкывъяс. Тайӧ небӧгыс 2011-ӧд воын шедӧдӧма Сергей Михалков нима «Облака» литератураса премия («Художественный перевод, популяризация русской классики, издание книг (билингва)» нимпасын).
1983 воын пырӧма СССР-са гижысь котырӧ. 2007 воын петӧма да котыртӧма Коми муын «Коми колипъяс» асшӧр гижысь котыр.
Уна во чӧж вӧлӧма Сыктывдін районса сӧветын депутатӧн.
Ставнас йӧзӧдӧма 12 кывбура да прозаа небӧг:
- Некрасов А.В. Шондібан: кывбуръяс / Ред. А.С. Одинцов; рец. А.К. Микушев; серпасаліс А.М. Гаранин. — Сыктывкар: Коми книжнӧй издательство, 1987. — 128 л.б.
- Гӧрд тугъяса пелысь. Сыктывкар: Коми небӧг лэдзанін, 1983
- Себе я — царь и господин. 1991
- Ловъя кодзулӧй менам. 1995
- Как стать великим: уроки сыну. Автобиографический роман. — Москва: Молодая гвардия, 1993.
- Коми Республикаса нимӧдана уджалысь (2010)
- Сыктывдін районса Почёта гражданин
- Сергей Михалков нима «Облака» литератураса премия («Художественный перевод, популяризация русской классики, издание книг (билингва)» нимпасын «Лӧз ӧзын» сьыланкыв чукӧрысь (2011)
- С. А. Есенин нима «Золотая осень» литературно-общественнӧй премия («За верное служение русской литературе» нимпасын) да «Орден «Золотая осень» им. С. А. Есенина» морсӧвыв пас С. Есенинлысь 150 кывбур, «Анна Снегина» да «Черный человек» поэмаяс комиӧдӧмысь (2012).
- 2017 воын Сыктывдін районса Придашын восьтӧма казьтылана пӧв.
- 2018-ӧд вося кӧч тӧлысь 27-ӧд лунӧ сылысь нимсӧ сетӧма Сыктывдін районса Придаш сиктса библиотека-филиаллы.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
