Изьвавом либӧ Устьӧ (рочӧн Усть-Ижма) — Коми Республикаын Изьва районысь Кельчиюр сикт овмӧдчӧминӧ пырысь коми грезд.
Сэтчöс комияс грездсӧ шуöны Усьте.
Сиктыс пукалö Печора ю бокын, Изьва ю вомсянь неылын. Изьвавомсянь Кельчиюрӧдз 5 км. Матысса сикт-грезд: Галфедь, Кельчиюр, Галпи, Едэма, Неридз.
- Сиктыс артмис 1763-1766 воясö. Медводдза олысьясöн вöлiсны Филиппов Иван Иванович, Филиппов Савелий Иванович, Артеев Андрей Ануфриевич, Терентьев Кузьма Яковлевич, Терентьев Даниил Маркович да Филиппов Фока Нефёдович.
- 1782 воын грездыс шусис Выжемская, танi олiсны 65 морт: 26 мужичöй да 39 нывбаба.
- 1795 воö Выжемское устье нима грездас кольöмаӧсь 48-öн: 23 мужичöй да 25 нывбаба.
- 1816 воын грездсö гижöмаöсь Усть-Ижемская нимöн, татöн вöлi сэки 64 олысь нин: 25 мужичöй да 39 нывбаба.
- 1835 воö тан олiсны 52 мужичöй (нывбабаяс йылысь пасйöдъяс абуöсь).
- Кодсюрöяс мунлiсны Изьвавомысь, кодсюрöяс бара вуджлiсны татчö овны. Тадз, 1846 воö Устьеысь Урал сайö Тобольск губернияö ас семьяыскöд (8 морт) мунö П.М. Артеев. XIX нэмся 40-öд воясö татчö Неридз грездысь асланыс ыджыд семьяясöн воисны Бабиков Пётр Михайлович, Бабиков Емельян Петрович да Бабиков Демид Кириллович.
- 1850 воö сиктын олiсны нин 206 морт: 109 мужичöй да 97 нывбаба.
- 1859 воын сиктын (Усть-Ижемское, Устьянское, Устье нимъясыс) вöлi вичко, 29 йöр да 253 олысь: 124 мужичöй да 129 нывбаба.
- 1905 воын вöлi нин 85 йöр да 602 олысь: 283 мужичöй да 319 нывбаба.
- 1918 воö сиктын вичкоысь кындзи эм нин и школа.
- 1920 во кежлö сиктыс быдмис 104 йöрöдз, а олысь лыдыс уси 529 мортöдз: 237 мужичöй да 292 нывбаба.
- 1926 воас лои 114 йöр, 646 олысь: 298 мужичöй, 348 нывбаба.
- 1930 во: Усть-Ижма нима грездын эм школа да пароход сувтанiн.
- 1970 воын танi олiс медуна йöзыс – 711 морт.
- 1979 во кежлö морт лыдыс уси 619-öдз.
- 1989 воын Усьтеас вöлi 603 морт: 310 мужичöй да 293 нывбаба.
- 2002 вося перепись серти сиктын олiсны 641 морт.
Олöны Усьтеын комияс, 641 морт. Сёрнитöны Изьва сёрнисикас вылын.
Подробнее Вояс да олысь лыд ...
Закрыть
- 1766 — Артеев, Терентьев, Филиппов
- Жеребцов И.Л., Мусанов А.Г. Где ты живешь? (гипермедиаэнциклопедия).
- Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
- Республика Коми: Энциклопедия. — Сыктывкар, 1997—2000. — Т. 1—3.
- Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
- Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
Подробнее Кельчиюр сиктувса оланінъяс ...
Кельчиюр сиктувса оланінъяс |
|
|
|
Закрыть