Гам (рочӧн Гам) — Коми республикаын Изьва районса Мокчой сикт овмӧдчӧмин улӧ пырысь грезд.
Гамын паськалӧмаӧсь Аминько, Мича Вань, Тандзе Маръя йылысь преданиеяс. Быд во Иван лунӧ сикт шӧрын нуӧдӧны гаж.
Грезд пукалӧ Изьва юлӧн шуйга берегын. Гамсянь Мокчой шӧрсиктӧдз 3 км, Изьва юрсиктӧдз 7 км. Грездыс артмӧма татшӧм юкӧнъясысь: Вылыс Гам, Улыс Гам, Злӧба, Терпиян, Нӧлынь, Косъёль, Пышпиян, Кӧч мыльк, Катш мыльк.
- Артмӧма 1745—1763 вояс костын.
- 1782 — «Гамская» грезд, 157 олысь (75 мужичӧй, 82 нывбаба), индӧма медся тшӧкыда паныдасьысь овъяс.
- 1795 — Гам грездын олӧ 167 морт (77 мужичӧй, 90 нывбаба), 1816 — 248 морт (121 мужичӧй, 127 нывбаба).
- 1835—1850-ӧд воясӧ некымын семья мунлӧмаӧсь Гамысь мӧдлаӧ: Т.Г. Рочев — Уквавомӧ, Е.Г. Рочев — Поромӧсьӧ, Ф.В. Рочев да Т.А. Ануфриев — Щелляюрӧ, П.И. Рочев — Красноборӧ, И.С. Семяшкин — Кедвавомӧ. 1837 воӧ Е.А. Рочев мунӧма Соловецкӧй манастырӧ. Мунлӧмаӧсь и ылӧджык: 1856 воӧ Ф.З. Рочев мунӧма овны Тобольск губерняӧ[1].
- 1859 — Гамын 51 овмӧс, 440 олысь (206 мужичӧй, 234 нывбаба).
- XIX нэм помын, 1897 воын тані олӧма 588 морт, 1905 воын — 865 морт. 1926 воын Гамын вӧлӧма 137 овмӧс, 709 олысь (325 мужичӧй, 384 нывбаба). Сэсся йӧз лыдыс неуна содіс, но 1970—80-ӧд воясӧ кутіс чинны.
Грездын олӧны комияс.
Подробнее Вояс да олысь лыд ...
Закрыть
- 1782 — Ануфриев, Дуркин, Истомин, Канев, Рочев, Семяшкин, Терентьев, Хозяинов.
1890-ӧд воӧ Гамын воссьӧма вичко приходбердса школа, 1914-ӧд воын — йӧзӧс велӧдан Министерство бердын ӧти класса школа. Школаыс уджалӧма ас керкаясын. 1927-ӧд воӧ лэптӧмаӧсь выль керка, кӧні ӧнӧдз меститчӧ школа. Гам грездын ӧнія кадӧ уджалӧ ӧкмыс класса школа. Сідзжӧ уджалӧ «Мада» нима челядь сад.
- Грезд шӧрын сулалӧ Сретенньӧ вичко, кодӧс лэптылӧмаӧсь 1903-ӧд воӧ.
- Вичко водзын сулалӧ гражданскӧй война кадӧ усьӧм салдатъяслы сиӧм памятник.
- Гамӧ пыранінын (Злӧбаын) ӧнӧдз сулалӧ перна, кӧні дорын ХХ-ӧд нэм шӧрӧдз на нуӧдлісны «скӧт молебенъяс»: од вылӧ лэдзӧм водзын священник киськавліс скӧтсӧ вежа ваӧн.
- Гамын эм Василий Иванович Хозяинов нима парк
- Атлас Республики Коми. — Москва, 2000.
- История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
- Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
- Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
- Республика Коми: Энциклопедия. — Сыктывкар, 1997—2000. — Т. 1—3.
- Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
Жеребцов И.Л. Где ты живёшь: Населенные пункты Республики Коми. Историко-демографический справочник. — Сыктывкар, 2000. — С. 70-71.
Жеребцов И. Гам // Республика Коми: Энциклопедия. В 3-х т. — Сыктывкар, 1997. — Т. 1. — С. 352-353.
Подробнее Мокчой сиктувса оланінъяс ...
Мокчой сиктувса оланінъяс |
|
|
|
Закрыть