Mela Huseynê Bateyî

Melayê Batê^[1] yan jî Mela Hesenê Bateyî (jdb. 1417, Colemêrg - m. 1491 Colemêrg) helbestvan, wêjevan û nivîskarekî klasîk ê kurd e.

Mela Hesenê Bateyî
Jidayikbûn	1417 Colemêrg
Mirin	1491 (74 Salî) Colemêrg
Esil	Kurd
Bernav	Melayê Batê
Hevwelatî	Kurdistan
Perwerde	Medreseya Mîr Hesenê Welî
Pîşe	Helbestvan, Wêjevan û Nivîskar
Bandorbar	Muhemmed, Elî, Fexredîn Razî
Bandorker	Wêjeya kurdî, Zeynelabidin Zinar, Muhemmed Emînê Heyderî
Dîn	Îslam
Zarok	Du keç û yek law
Dê û bav	Mistefa (bav)
Malbat	Ertûşî
biguhêre

Navê Melayê Bateyî yê rastîn Hesen/Husên e. Lê belê di pirtûka Ensîklopediya Îslamê de hatiye nivîsandin ku navê wî Ehmed e. Her wisa nivîskar û lêkolîner doktor Belîc Şêrko, Mihemed Emîn Zekî û Eladîn Secadî jî vî navî dipejirînin û di berhemên xwe de jî nivîsandine.

Mewlûda ku Melayê Bateyî nivîsandiye, ji aliyê Zeynelabidin Zinar ve hatiye tîpguhastin û di sala 1992yan de li Stembolê ji aliyê Weşanxaneya Firatê ve hatiye çapandin. Li ser pişta wê çapê Mele Ehmedê Batê nivîsandî ye. Lê li ser Mewlûda Melayê Bateyî ku di dema osmaniyan (Rumî 1323, Mîladî 1907an) de, li bajarê Stembolê hatiye çapkirin, Hesenul Ertoşî (Hesenê Ertoşî) nivîsandî ye. Tê zanîn ku Bate navê gundê wî û Ertoş jî navê eşîra wî ye. Ji xwe Bate gundê ertoşiyan e. Ebdulreqîb Yûsif di Dîwana Kurmancî de dibêje ku navê wî "Husên" e. Dibêje: Carekê riya min bi herêma Hekariyê ket, min ji malbata Bateyî pirsî û bersiv "Husên" bû. Jixwe mela û gelê wê herêmê hemû jî dibêjin ku navê wî Husên e ^[2] Dibe ku navê wî "Hesen/Husên" be û "Ehmed" jî leqeba wî be.

Berhemên wî

Bi qasî ku tê zanîn, berhemên wî ev in:

• Mewlûda Melayê Batê (Mewlûda kurdî)
• Dîwana Bateyî
• Destana Zembîlfiroş

Binihêre

• Klasîkên kurdî
• Mewlûda Melayê Batê

Girêdanên derve

• Yüksekova Haber

Çavkanî

1. Arjen Ari, Xasenezer Melayê Batê...
2. http://www.institutkurde.org/en/language/