Hemreş Reşo

Hemreş Reşo (jdb. 1939 − m. 2003) siyasetmedar û nivîskarekî kurd e.

Hemreş Reşo
Jidayikbûn	1939
Pîşe	Nivîskar
biguhêre - Wîkîdaneyê biguhêre

Kurtejiyan

Hemreş Reşo li mêjuyê 11ê sibatê sala 1939ê li gundê Saqo'yê li qeza Kolik ê ku li nav herêma bajarê Semsûrê ye, ji dayika xwe bû ye. Dibistana dest pê kî û navînî li Kolikê xwendiye. Kolêja Amerîkî li bajarê (Qeyserî) biriye li serî. Di navbera salên 1957-1960î de li Stanbolê xwandina xwe ya dibistana madehiye yê kiriye. Di salên 1961-1963'yî de jî, li Enqerê xwendina zankoyî ya Zanîngeha Enqere biriye li serî.

Di sala 1963yî de hatiye Swîsrê û paşê ji wir jî derbasê Almanyayê bû ye. Di navbera sala 1967-1975ê de jî li zanîngeha Berlînê xwendina aboriyê kiriye.

Piraniya jiyan û têkoşîna watedar a rewşenbîr û siyasetmedarê kurd mamoste Hemreş Reşo, ji bo vejandin, pêşvexistin û parastina ziman û çanda kurdî bûye.

Hemreş Reşo van salên xwe yên li dîasporayê ku tam 40 sal dike, bi tevayî di riya pêşvexistin û parastina çand û zimanê kurdî de buhurandiye. Ji me re sê govarên kurdî yên di dîroka çand û zimanê me de, her yek bi serê xwe sê dîmen û bihnên geş û xweş in, pêşkêş kiriye.

Kovarên ku derxistiye

• KURDISTAN (multi-lingual kurd/îng/ereb),
• HÊVIYA WELÊT
• ÇIYA.

Doz û têkoşîna Hemreş Reşo'yî, xebata wî ya di warê çand û zimanî de, di dîroka xebata li derveyî welêt, gavên pir ber bi pêş de ne û di dîroka ziman û çanda kurdî de wê her dem xwedî ciyek herî diyar be.

Hemreş Reşo di roja 27ê kanûna pêşîn sala 2003yî de li bajarê Duisburgê li Almanya'yê koçê dawiyê kiribû.

Hemreş Reşo gava ji dinyayê bar kir, serokê Partiya Demokrat a Kurdistan - Bakur bû.

Girêdanên Derve

Hevpeyvînek Bi Hemreş Reşo^{[girêdan daimî miriye]}

Çavkanî:Malpera Pirtûkxaneya SARA