From Wikipedia, the free encyclopedia
ابوالکلام غلام محیودین احمد بن خیر الدین الحسین آزاد (11 نَوَمبَر 1888 - 22 فرؤری 1958) اوس اَکھ ہِندوستٲنؠ آزادی ہُنٛد کارکن ، اسلامی مذہبی مُصنِف تہٕ انڈین نیشنل کانگریسُک اَکھ رَہنُما۔ ہندوستان چہ آزٲدی پَتہٕ بنیوو سُہ ہندوستٲنؠ حکوٗمتس مَنٛز گۄڈٕنیک ؤزیٖرِتٲلیٖم۔ سُہ چھُ عام طور مولانا آزاد ناو سٟتؠ یاد یوان کرنہٕ۔[1][2]
مولانا آزاد | |
---|---|
اَصٕل ناو اُردوٗ زَبانہِ مَنٛز: ابو الکلام محی الدین احمد آزاد | |
پٲدٲیِش | 11 نَوَمبَر 1888 مکہٕ، سوٗدی عرب |
وَفات | فَرؤری 22, 1958 69) دِل، ہِندوستان | (ؤری
مول | مولانہ خارُدیٖن |
شٔریٖکہِ حَیات | زُلَیخا بیٖگَم |
زَبانہٕ | اُردوٗ زَبان |
پیٚشہِ | سِیاسَتھ دان، صَحٲفی، لِکھٲرؠ، scholar، حُریَت پَسند |
سِیٲسی جَمأژ رُکُن | ہِندوستٲنؠ قومی کانٛگرٛیس |
مَزہَب | اِسلام، سُنی اِسلام |
یَنام | بَہارَت رَتَن |
جَوٲنی مَنٛز کٔر آزادن لیچھ اردوشٲیِری۔ سُہ گوٚو بطور صحافی پنٛنہ کامہ ہٕنٛد ذٔریعہٕ مشہوٗر ، برطٲنوی راجس پؠٹھ تَنقیٖد کرن وٲلؠ کامہِ شایع تہٕ ہندوستٲنؠ قوم پرستی ہٕنٛدؠ مقصدٕچ حمایتھ کرنہٕ سٟتؠ تہِ مَشہوٗر۔ آزاد بنیو خلافت تٔحریٖکُک رہنما یَتھ دوران سُہ ہندوستٲنؠ رہنما مہاتما گاندھی یَس سٟتؠ قریٖبی رٲبطس مَنٛز آو۔ خلافت تحریکٕچ ناکٲمی پَتہٕ گوٚو سُہ کانگریسس نزدیٖکھ۔[3] آزاد بنیو گاندھی سٕنٛدِ عدم تشددٕک سول نافرمٲنیٕ خیالُک پرجوش حمٲیتھ کار تہٕ کٔرٕن 1919 کِس رولاٹ ایکٹ کِس احتجاجس مَنٛز عدم تعاونٕچ تٔحریک مُنظم کرنہٕ خٲطرٕ کٲم۔ آزادن کوٚر پَنُن پان گاندھی سٕنٛدؠن نظریاتن خٲطرٕ وقف یَتھ مَنٛز سودیشی (مقٲمی مصنوعات تہٕ ہندوستان خٲطرٕ سوراجک (سیلف رول) مقصد فروغ دِیُن شٲمِل چھُ۔ 1923 ہس مَنٛز 35 ؤری وٲنٛسہِ مَنٛز بنیوو سُہ انڈین نیشنل کانگریسک صَدٕر بنن وول سارِوٕے کھۄتہٕ کم وٲنٛسہ شخص۔
اکتوبر 1920 مَنٛز آو آزاد برطٲنوی نوآبادیاتی حکومتہٕ سند مدتھ ننہٕ ورٲے اُترپردیش کِس علی گڑھس مَنٛز جامع ملیہ اسلامیہ قٲیم کرنہٕ خٲطرٕ فاؤنڈیشن کمیٹی ہنٛد رُکُن منتخب کرنہٕ۔ تمہ کٕر 1934 ہس مَنٛز ینیورسٹی ہنٛد کیمپس علی گڑھ پؠٹھٕ نٔو دلہ منتقٕل کرنَس مَنٛز مدتھ۔ یونیورسٹی ہٕنٛدِس مرکزی کیمپس کِس مرکزی دروازس (گیٹ نمبر 7) چھُ امہٕ سُٛند ناو تھاونہٕ آمُت۔
آزاد زاو 11 نَوَمبَر 1888 مکہس مَنٛز یُس تمہِ وز سلطنت عثمانیہہُک اَکھ حصہٕ اوس یس وۄنؠ سعودی عربک حصہٕ چھُ۔ أمہ سُنٛد اصلی ناو اوس سید غلام محیودین احمد بن خیر الدین الحسین مَگر یہِ گوٚو ٲخٕرکار مولانا ابوالکلام آزاد ناوٕ سٟتؠ مشہوٗر۔[4] آزاد سنٛد مول اوس اَکھ افغان نسبک مُسلمان سُکالر یُس دلہ مَنٛز پنٛنس بُڈؠ بَبَس سٟتؠ روزان تِکیٛازِ تہنٛد مٲلِس اوس واریاہ کم وٲنٛسہ مَنٛز وفات گومُت۔[5] 1857 کِس ہندوستٲنؠ بغاوتَس دوران ، ترٛوو تیم ہندوستان تہٕ گوو مکہس مَنٛز آباد۔ تمہ سُنٛد مٲل محمد خیر الدین بن احمد الحسینین لیچھ باہ کتابہٕ یمن ہُنٛد ساسہٕ بٔد شاگرد ٲس۔تیم سٕنز موج شیخہ عالیہ بن محمد ٲس شیخ محمد بن زہر الواٹری سٕنز کور ۔[6][4][5]
آزاد گو 1890 تھس مَنٛز پنٛنس خاندانس سٟتؠ کلکتاہَس مَنٛز آباد۔[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.