From Wikipedia, the free encyclopedia
СССР-ни 1936 джылгъы Конституциясы (официал болмагъан аты: «Сталинчи конституция», неда — «Хорлагъан социализмни конститутциясы») — СССР-ни 1936 джылны 5-чи декабрында Советлени VIII Бютеусоюз съезди къабыл этиб, 1977 джылгъа дери (тюрлениулери эмда къошакълары бла) ишлеген Баш Законуду.
1935 джылны къачында СССР-ни Ара Толтуруучу Комитети ВКП(б)-ны АК-ны Секретары И. В. Сталинни башчылыгъында Конституцион комиссия эмда 12 тюб комиссия къуралады. Джангы Конституция авторланы оюмларына кёре Совет къралны тарихинде магъаналы кёзюуню - социализмни къурууну бегитирге керек болгъанды. 1936 джылны 12-чи июнунда Конституцияны проекти басмаланнганды эмда 6 айны ичинде сюзюлгенди.
Тарихчи О. В. Хлевнюкну оюмуна кёре 1924 джылны конституциясына кёре джангы конституцияны демократ халлы болгъаныны чуруму, Совет Союзгъа халкъла арасы джамагъатны кеси джанлы этиб, кюч ала тургъан фашизмге бирге къаршчыланыр мурат болгъанды. Проектни биргесине баргъан джазмада, Сталин былай джазгъанды
Мени кёлюме келген бла ССР-ни Союзуну конституциясы бла иш биринчи къарамдан эсе къыйын болумдады. Биринчиде, сайлауланы системасын тюрлендирирге керекди, аланы кёб дараджалылыкъларын къурутуу бла тюл. Ачыкъ чёб атыуну, таша (джабыкъ) чёб атыу бла алмашдырыргъа керекди. Бу ишде биз джарым джолда тохтамай, артына дери бараллыкъбыз эмда барыргъа керекбиз. Бизни къралда бюгюннгю болум, бу атлам бизге политика джанындан хайырлы боллугъун кёргюзеди. Быллай реформаны халкъла арасы революцион къозгъалыуну интереселери бла да керек болгъанын айтмай къояйым, быллай реформа халкъла арасы фашизмни ургъан кючлю сауут болургъа керекди…[1]
Аны сюзюуюне биринчи кере 75 млн адам къошулгъанды, басмада басылгъан 1,5 млн теджеу, къошакъ берилгенди. Партияны политика курсуна къаршчы болгъан теджеулени (сёз ючюн, энчи мюлкню эркин этерге, колхозланы чачаргъа) басмаламагъандыла эмда архивде «джау теджеуле» белги бла сакъланнгандыла[2].
Конституцияны текстини къурауда И. В. Сталин кесини юлюшюн къошханды. Н. И. Бухарин конституцияны текстини баш кесегини автору санагъанды кесини[3][4].
Джангы конституция 1936 джылны 5-чи декабрында къабыл этилгенди эмда 6-чы декабрда официал болуб басмаланнганды
Викитекада СССР-ни 1936 джылгъы Конституциясыны оригинал тексти толу тексти барды. |
1936 джылда къабыл этилген конституция 13 баш бла 146 статьядан къуралгъанды.
Конституцияны структурасы:
ВКП(б)-ны XVII съезди (1934 дж.) СССР-де социализмни хорлагъанын эмда асламысында ишлениб бошагъанын баямлагъанды. Ол деген, чыгъарыу амаллагъа энчи иелик эмда экспулататор классла къуурутлагъандыла (пролетариатны диктатурасы энди ётген этап болады). Джангы Конституцияда экономика тамалгъа план социалит мюлк система эмда чыгъарыу амаллагъа эмда сауутлагъа социалист иелик баямланады.
Совет къралны тарихинде биринчи кере бютеу гражданлагъа тенг хакъла бериледи:
Дин тутууну, сёзню, басманы, джыйылыуланы эмда митинглени азатлыгъы баямланнганды, адамны тийилмезлигин эмда джазышыуну тахсасы гарантия этилгенди.
Джер, аны байлыкълары, суула, чегетле, заводла, фабрикала, иштенекле (шахтала), магъаданла, темир джол, суу, хауа улоула, банкла, байламны амаллары бютеу халкъны иелиги баямланнгандыла: колхозла алгъан джер, алагъа ёмюрлеге хайырланыугъа берилгенди.
Гражданланы баш хакълары эм борчлары башны 126-чы статьясында ВКП(б) бютеу джамагъан эмда кърал къуралышланы келечиси кибик баямланнганды (1924 джылны Конституциясында партия сагъынылмагъанды).
Къралда баш закон къураучу властха эки палаталы СССР-ни Баш Совети баямланнганды, аны сессияларыны арасында — СССР-ни Баш Советини Президиуму. Баш Советни палаталарыны тенгликлери эмда аны излеген соруугъа, тинтиучю эмда ревизион комиссияланы къураргъа хакъы айгъакъланнганды; депутатланы сайлаучуланы аллында джууаблылыкълары эмда аланы ышаныуларын тас этгенлени ызына чакъырыу хакъ бегитилгенди.
Къралны правительствосу алгъыннгы атын - СССР-ни Халкъ Комиссарларыны Совети, алай а 1946 джылда СССР-ни Министрлерини Совети атха тюрленнгенди. Правительство баш толтуруучу орган болгъанды, эмда Баш Совет бла аны Президиумуну аллында джууаблы болгъанды.
Конституцияны тюрлениу СССР-ни Баш Советини прерогативасы болгъанды, эмда аны тюрлениуюню юсюден оноу хар палатадагъа депутатланы 2/3 ауазындан аз къабыл этмезге керек болгъанды. Конституциягъа тюрлениуле кёб кере киргизилгендиле; аланы асламысы СССР-ни правительствосуну структурсаында тюрлениуле болгъанды
1977 джылгъа дери 5-чи декабрь Конституцияны Кюню кибик байрамланнганды.
1962 джылда СССР-ни Баш Совети джангы Конституцияны проектини хазырланыргъа джоралаб комиссияны къурауну юсюнден бегим алады; аннга башчылыкъ Н. С. Хрущёв этеди[5]. В декабре 1964 года председателем комиссии стал Л. И. Брежнев[6].
СССР-ни 1936 джылгъы Конституциясы кючюн, 1977 джылны 7-чи октябрында джангы Конституцияны къабыл этиу бла тас этгенди.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.