Мадьярму

Мадьяр Республика; Magyar Köztársaság
Дӧрапас	Вужпас
	Гимн: Himnusz
Аркман кад	1918 октяб 31 лун
Каналан кыв	мадьяр кыв
Юркар	Будапешт
Медыджыт каррез	Будапешт, Дебрецен, Мишколц, Сэгед, Петш, Дёр
Юралісь	Каталин Новак
премьер-министр	Орбан Виктор
Мувывтор; му югытас ; ва увтын %	93 030 км² ; 109’ местаын ; 0,74%
Оліссезлӧн лыд ; Му югытас ; Тшӧкыта	10 019 000 (2009) ; 83’ местаын ; 107,7 морт/км²
Валюта	Форинт (HUF, 348)
БПЛ ; му югытас ; БПЛ/морт ; му югытас	$196,42 млрд (2008) ; 51’ местаын ; $19 553 ; 44’ местаын
Интернет домен	.hu
Телефон код	+36
Кад кытш ; гожумнас	UTC+1 ЕШК; (март – октяб) UTC+2 ЕШК

Мадьярму (мад. Magyarország, роч. Венгрия) — мадьяр отирлӧн республика Европа шӧрын. Мезмыт канмуӧн Мадьярму лоис 1918 годӧ, кӧр разьсис кыкторья Австрияк-Мадьяр империя. Ордчӧн Мадьярмукӧт ӧні куйлӧны татшӧм канмуэз: Австрия, Словенско, Украина, Ромыния, Сӧрбия, Хӧрватска да Словения.

Краткие факты Мадьяр Республика Magyar Köztársaság ...

Закрыть

Мадьяр Республика пырис ӦВК-ӧ 1955 воын, ГАТТ-ӧ 1973 воын, МВФ-ӧ да МБРР-ӧ 1982 воын, Европа Советӧ 1991 воын. НАТО-ын сія 1999 восянь, Ӧтласа Европаын – 2004 восянь.

Remove ads

Мадьярму шусьӧ сідз мадьяр отир сьӧрті, кӧда локтіс татчӧ Уралсянь сюрс во сайын да лӧсьӧтіс Европа шӧрын аслыс канму. Ас кыв вылын мадьяррез шуӧны мунысӧ Мадярорсаг (Magyarország), мый лоӧ 'мадьяр оксяин'. Йӧз кыввезын канму нимыслӧ под туйӧ босьтӧмась угор ним, кыдз тюрк отирыс шуисӧ мадьяррезлісь 10 увтыр: оногур 'дас ньӧвьёсь'. Сысянь лоисӧ сэтшӧм ниммез кыдз Ungaria, Угорщина, Венгрия. Коми кыв вылын колӧ отирсӧ шуны сідз, кыдз и асьныс, мадьяррезӧн, а мунысӧ – Мадьярму.

Мадьярмуыс унажыксӧ лажмыт, куйлӧ Шӧрӧт Дуна волькытінын. Рытвылын – ш.с. Дунатульын (Дуна сайын) уна мыссэз (вылынаэс 300 метраӧдз), а асыввылас, Альфёльдын, мувевдӧрыс волькыт да лажмыт. Ойвыв-рытвылын куйлӧ Киш Альфёльд нима лажмынін, кӧда рытвылас петӧ Альпа керӧссэз одзӧ. Вылынаэз татӧн 500-800 метраӧн, медджуджыт чутыс – Иротт кё: 883 м. Балатонсянь ойвылас платокоддьӧм массиввезӧн нюжалӧны 400-700 вылына Шӧрӧт Мадьяр керӧссэз (Баконь, Вертеш, Дуназуг). Дунатуль Лунвылас сулалӧны Метшек нима глыба керӧссэз, медвылын чут татӧн Зенгё (681 м). Рытвыв Карпаттэз пырӧны Мадьярму ойвылас 1000 м-ӧдз вылына мусюррезнас. Нія вулкан массиввез да извесняка платоэз кодь (Бёржёнь, Черхат, Матра, Бюкк, Черехат, Земплени-Хедьшег…), кӧднӧ кырӧтӧмӧсь паськыт ю оллез. Татӧн (Матраын) лэбӧ и Мадьярмуись медджуджыт чут – Кекеш керӧс (1014 м). Словакмукӧт визир дорын, керӧссэзас жӧ, куйлӧ и Агтелек – ыджыт карстовӧй мугырк ваувтся юэзӧн да тыэзӧн.

Мадьярмуын куйлӧны то кытшӧм колана шедтассэз: бокситтэз, руд шом, мусир, газ. Эмӧсь сідзжӧ кӧрт, марган, ыргӧн да озысь-цинк рудаэз, минераль да термаль ваэз.

Климатыс Мадьярмуат, керӧссэз коласын куйлӧ да, континентвывся, небыт тӧвнас да жар гожумнас. Енӧжва усьӧ во сьӧрна 450 мм-сянь асыввылас 900 мм-ӧдз керӧссэзын.

Быдӧс юэз Мадьярмуын котӧртӧны Дуналаньӧ. Ачыс Дунаыс шӧриалӧ канмусӧ ойвывсянь лунвылӧ да котӧртӧ сыӧттяс 410 км. Медыджыт ты мадьяррезлӧн – Балатон, кӧда кыскӧ туристтэзӧс быдӧс му югытісь. Сы рытвыв пом дорын куйлӧ Европаись медыджыт термальнӧй ты – Хевиз, кӧда дынын лӧсьӧтӧмась бальнеокурорт.

Быдмӧтыс Мадьярму вылас бура мӧдкодьсьӧтӧма. Муыс унажыксӧ вевттьӧма быдтана торррезӧн: татӧн тыр ыббез, саддэз, кодтусяиннэз. Вӧррез кольччӧмась токӧ керӧссэзас да вевттьӧны мувывторсис 20 % мымда (800-1000 м вылынаӧдз быдмӧны паськыт корья вӧррез, вылынжык пантасьӧны кӧзья-нинпуаиннэз).

Муыс волькытінын унажыксӧ сьӧдмусин, Альфёльдын эмӧсь совмусиннэз, а керӧссэзын рудмусин да рендзиннэз.

Remove ads

Мадьярму янсалӧ 19 ладор (меде) вылӧ, асвына ӧтувторнас лыддиссьӧ канкар Будапешт.

Ладоррез:

Подробнее Ладор, Шӧрин ...

Ладор	Шӧрин	Мувывтор (км²)	Отир (морт)	Тшӧкыта (морт/км²)
Батш-Кишкун	Кетшкемет	8.445	541.584	64
Бараня	Петш	4.430	402.260	91
Бекеш	Бекешчаба	5.631	392.845	70
Боршод-Абауй-Зэмплэн	Мишколц	7.247	739.143	102
Чонград-Чанад	Сэгед	4.263	425.785	100
Феер	Сэкешфехервар	4.359	428.579	98
Дёр-Мошон-Шопрон	Дёр	4.208	440.138	105
Хайду-Бихар	Дебрецен	6.211	550.265	89
Хевеш	Эгер	3.637	323.769	89
Яс-Надькун-Солнок	Солнок	5.582	413.174	74
Комаром-Эстэргом	Татабаня	2.265	315.886	139
Ноград	Шалготарьян	2.546	218.218	86
Пешт	Будапешт	6.393	1.124.395	176
Шомодь	Капошвар	6.036	334.065	55
Саболтш-Сатмар-Берег	Ниредьхаза	5.936	583.564	98
Толна	Сэксард	3.703	247.287	67
Ваш	Сомбатхей	3.336	266.342	80
Веспрем	Веспрем	4.493	368.519	82
Зала	Залаэгерсэг	3.784	269.705	78