From Wikipedia, the free encyclopedia
ಗಿಡದ ಯಾವ ಭಾಗವನ್ನು ಕತ್ತರಿಸಿದರೂ ಹಾಲು ಹೊಮ್ಮುವುದರಿಂದ ಇದನ್ನು ಹಾಲೆ ಮರ ಎಂದು ಕರೆಯುತ್ತಾರೆ. ಅಪೋಸೈನೇಸೀ ಕುಟುಂಬಕ್ಕೆ ಸೇರಿದ ಉಪಯುಕ್ತ ಮರ (ಡಿಟಬಾರ್ಕ್). ಸಪ್ತಪರ್ಣಿ, ಜಂತಾಲ, ಕೋಡಾಲೆ, ಮದ್ದಾಲೆ ಪರ್ಯಾಯನಾಮಗಳು. ಭಾರತದಲ್ಲಿ ಪೂರ್ವ ಹಾಗೂ ಪಶ್ಚಿಮ ಘಟ್ಟ ಪ್ರದೇಶಗಳಲ್ಲಿ ಹೆಚ್ಚು ಹೇರಳವಾಗಿದೆ. ಈ ಗಿಡವು ಭಾರತಾದ್ಯಂತ ೧೨೦೦ ಮೀ. ಎತ್ತರದಲ್ಲಿ ಕಾಣಸಿಗುತ್ತದೆ. ಆಸ್ಟ್ರೇಲಿಯದಲ್ಲೂ ಕಂಡುಬರುತ್ತದೆ. ಮಧ್ಯ ಪ್ರದೇಶ ಮತ್ತು ಮಹರಾಷ್ಟ್ರ ಪ್ರದೇಶದ ಕಾಡಿನ ಅಂಚಿನಲ್ಲಿ ಸಾಮಾನ್ಯವಾಗಿ ಬೆಳೆಯುತ್ತದೆ.[4].ಇದರ ಸಸ್ಯಶಾಸ್ತ್ರೀಯ ಹೆಸರು ಆಲ್ಸ್ಟೋನಿಯ ಸ್ಕಾಲರಿಸ್ (Alstonia Scholaris)
Alstonia scholaris | |
---|---|
Blackboard tree (Alstonia scholaris) | |
Conservation status | |
Scientific classification | |
ಸಾಮ್ರಾಜ್ಯ: | ಸಸ್ಯ |
ಏಕಮೂಲ ವರ್ಗ: | ಹೂಬಿಡುವ ಸಸ್ಯ |
ಏಕಮೂಲ ವರ್ಗ: | ಯೂಡೈಕಾಟ್ಗಳು |
ಏಕಮೂಲ ವರ್ಗ: | ಆಸ್ಟರಿಡ್ಸ್ |
ಗಣ: | ಜೆಂಟಿಯಾನಾಲೇಸ್ |
ಕುಟುಂಬ: | ಅಪೊಸೈನೇಸಿಯೇ |
ಕುಲ: | ಆಲ್ಸ್ಟೋನಿಯಾ |
ಪ್ರಜಾತಿ: | A. scholaris |
Binomial name | |
Alstonia scholaris (L.) R.Br. | |
Occurrence data from GBIF[2] | |
Synonyms[3] | |
|
ಸಪ್ತಪರ್ಣಿ ಈ ಕೆಳಗಿನ ಪ್ರದೇಶಗಳಿಗೆ ಸ್ಥಳೀಯವಾಗಿದೆ:
ಚೀನಾ: ಗುವಾಂಗ್ಕ್ಸಿ ,ಯುನ್ನಾನ್ ಭಾರತೀಯ ಉಪಖಂಡ: ಭಾರತ; ನೇಪಾಳ; ಶ್ರೀಲಂಕಾ; ಪಾಕಿಸ್ತಾನ; ಬಾಂಗ್ಲಾದೇಶ ಆಗ್ನೇಯ ಏಷ್ಯಾ: ಕಾಂಬೋಡಿಯಾ; ಮ್ಯಾನ್ಮಾರ್; ಥೈಲ್ಯಾಂಡ್; ವಿಯೆಟ್ನಾಂ, ಇಂಡೋನೇಷ್ಯಾ; ಮಲೇಷಿಯಾ; ಪಪುವಾ ನ್ಯೂ ಗಿನಿಯಾ ಫಿಲಿಪೈನ್ಸ್ ಆಸ್ಟ್ರೇಲಿಯಾ:ಕ್ವೀನ್ಸ್ಲ್ಯಾಂಡ್ ಇದು ಅನೇಕ ಇತರ ಉಷ್ಣವಲಯದ ಮತ್ತು ಉಪೋಷ್ಣವಲಯದ ಹವಾಮಾನಗಳಲ್ಲಿ ಸಹ ನೈಸರ್ಗಿಕವಾಗಿಸಲ್ಪಟ್ಟಿದೆ. ಸಪ್ತಪರ್ಣಿಯನ್ನು ಭಾರತದ ಪಶ್ಚಿಮ ಬಂಗಾಳ ರಾಜ್ಯ ಮರ ಎಂದು ಘೋಷಿಸಿದೆ.
ಹಾಲೆ ಮರವು ೧೦ ಮೀ. (15-20 ಮೀ.) ಎತ್ತರ ಬೆಳೆಯುವ ಪೊದೆ ಅಥವಾ ಸಣ್ಣ ಗಿಡವಾಗಿದೆ. ಎಲೆಗಳು ೧೦.೩೦ ಸೆ. ಮೀ. ಉದ್ದವಾಗಿದ್ದು, ಅಂಡಾಕಾರ ಮತ್ತು ಎಲೆಯ ನರಗಳು ಪ್ರಾಮುಖ್ಯವಾಗಿ ಕಾಣಿಸುತ್ತವೆ. ಸಣ್ಣದಾದ ತೊಟ್ಟನ್ನು ಹೊಂದಿರುತ್ತದೆ. ಹೂವುಗಳು ಸುಹಾಸನೆ ಹೊಂದಿದ ಬಿಳಿಯ ಬಣ್ಣದಿಂದ ಕೂಡಿರುತ್ತದೆ ಮತ್ತು ೧ ರಿಂದ ೧.೫ ಸೆ. ಮೀ. ಅಡ್ಡಳತೆ ಹೊಂದಿರುತ್ತದೆ. ತುದಿಯಲ್ಲಿ ಗೊಂಚಲಿನಂತಿರುತ್ತದೆ. ಕಾಯಿಗಳು ೨೦ ರಿಂದ ೪೫ ಸೆ. ಮೀ. ಉದ್ದವಿದ್ದು, ೬ ರಿಂದ ೮ ಮಿ. ಮೀ. ದಪ್ಪದ ಕೊಳವೆಯಾಕಾರವಾಗಿ ಬಿಳಿ ಚುಕ್ಕೆಗಳಿಂದ ಕೂಡಿದ್ದ ಕಪ್ಪು ಬಣ್ಣವನ್ನು ಹೊಂದಿರುತ್ತದೆ. ಬೀಜಗಳು ೧ ಸೆ. ಮೀ. ಉದ್ದ, ಹಿಂದೆಡೆ ಕುಚ್ಚಿನಂತಹ ಕಂದುರೋಮಗಳನ್ನು ಹೊಂದಿರುತ್ತದೆ.[5]
ತೊಗಟೆ ಬೂದು ಬಣ್ಣದ್ದು, ಕತ್ತರಿಸಿದರೆ ಒಳಗೆ ಹಳದಿ ಬಣ್ಣಕ್ಕಿದೆ. ಗಾಯ ಮಾಡಿದರೆ ಹಾಲ್ರಸ ಒಸರುತ್ತದೆ. ಮರದ ರೆಂಬೆಗಳು ಮುಖ್ಯ ಕಾಂಡದ ತುದಿಯಿಂದ ಹೆಚ್ಚು ಕಡಿಮೆ ಒಂದೇ ಉದ್ದಕ್ಕೆ ಬೆಳೆದಿದ್ದು ಕೊಡೆಯ ಕಡ್ಡಿಗಳಂತೆ ಜೋಡಣೆಗೊಂಡಿರುವುವು. ಎಲೆಗಳು ಕೂಡ 4-7ರ ವರ್ತುಲಗಳಲ್ಲಿ ಸಮಾವೇಶ ಗೊಂಡಿವೆ. ಹೂಗಳು ಚಿಕ್ಕವು; ಹಸುರು ಬಣ್ಣದವು ಹಾಗೂ ಸುವಾಸನೆಯುಳ್ಳವು. ಕಾಯಿ ಫಾಲಿಕಲ್ ಎಂಬ ಬಗೆಯದು. ಬಲು ಉದ್ದ ಅಂದರೆ ಸುಮಾರು 50 ಸೆಂಮೀ ಇರುತ್ತದೆ. ಸಾಮಾನ್ಯವಾಗಿ ಎರಡೆರಡು ಕಾಯಿಗಳು ಜೊತೆಯಾಗಿರುವುವು.
•ಆಯುರ್ವೇದದಲ್ಲಿ ಇದನ್ನು ಚರ್ಮದ ಅಸ್ವಸ್ಥತೆಗಳು, ಉಟಿಕರಿಯಾ, ಅತಿಸಾರ, ಹಾವಿನ ಕಡಿತ ಮತ್ತು ಪಂಚಕರ್ಮದ ಮೇಲಿನ ಶುದ್ಧೀಕರಣ ಪ್ರಕ್ರಿಯೆಗೆ ಚಿಕಿತ್ಸೆ ನೀಡಲು ಕಹಿ ಮತ್ತು ಸಂಕೋಚಕ ಮೂಲಿಕೆಯಾಗಿ ಬಳಸಲಾಗುತ್ತದೆ.[7]
•ಚೊಗರನ್ನು ಆರೋಗ್ಯವರ್ಧಕದಂತೆ (ಟಾನಿಕ್) ಬಳಸಲಾಗುತ್ತದೆ.
•ಇದರ ರಸವನ್ನು ಗಾಯಗಳನ್ನು ಸ್ವಚ್ಛಗೊಳಿಸಲು ಉಪಯೋಗಿಸುತ್ತಾರೆ.
•ಹೊಟ್ಟೆ ಮತ್ತು ವ್ಯವಸ್ಥೆಯನ್ನು ಸಾಮಾನ್ಯವಾಗಿ ಜ್ವರ ಮತ್ತು ಇತರ ದುರ್ಬಲ ಕಾಯಿಲೆಗಳ ನಂತರ ನಿವಾರಣೆಗೆ ತರುವಲ್ಲಿ ಪರಿಣಾಮಕಾರಿಯಾಗಿ ಕಂಡುಬಂದಿದೆ.
•ಒಂದು ಸಮಯದಲ್ಲಿ, ಎಲೆಗಳ ಕಷಾಯವನ್ನು ಬೆರಿಬೆರಿಗಾಗಿ ಬಳಸಲಾಗುತ್ತಿತ್ತು.
ಈ ಮರವು ನಿಸ್ಸಾರ ಭೂಮಿಯನ್ನು, ಅರಣ್ಯ ಭೂಮಿಯನ್ನಾಗಿಸಲು ಮತ್ತು ಹೊಸ ಕಾಡುಗಳನ್ನು ಬೆಳೆಸಲು ಯೋಗ್ಯವಾಗಿದೆ. ಈ ಮರವು ಆಟದ ಸಾಮಾನುಗಳು, ಚಿಕ್ಕ ಪೆಟ್ಟಿಗೆಗಳು, ಲೇಖಣಿಯ ಹಿಡಿ, ಬಾಚಣಿಗೆ, ಮುದ್ರಣದ ಚಿತ್ರದ ಅಡಿಮರ, ಹೊಗೆ ಸೊಪ್ಪಿನ ಚೀಲಗಳು, ಚಿತ್ರಪಟದ ಕಟ್ಟುಗಳು ಮುಂತಾದ ವಸ್ತುಗಳನ್ನು ತಯಾರಿಸುವುದರಲ್ಲಿ ಉಪಯುಕ್ತವಾಗಿದೆ.[10]
ಮದ್ದಾಲೆಯ ಚೌಬೀನೆ ಮೃದುವಾದ್ದೂ ಏಕರೀತಿಯ ಕಣರಚನೆಯುಳ್ಳದ್ದೂ ಆಗಿದೆ. ಶಾಶ್ವತ ಬಳಕೆಗಳಿಗೆ ಇದು ಉತ್ತಮವಾದುದಲ್ಲವಾದರೂ ಕಪ್ಪುಹಲಗೆ, ಸಣ್ಣಪುಟ್ಟ ಪೀಠೋಪಕರಣ, ಸ್ಲೇಟು ಚೌಕಟ್ಟು ಮುಂತಾದವುಗಳ ತಯಾರಿಕೆಗೆ ಒದಗುತ್ತದೆ. ಇದರ ತೊಗಟೆಗೆ ದಿಟಬಾರ್ಕ್ ಎಂಬ ವಾಣಿಜ್ಯನಾಮವುಂಟು. ಇದನ್ನು ಭೇದಿ ನಿಲ್ಲಿಸಲೂ ಜ್ವರವಿಳಿಸಲೂ ಬಳಸುವುದಿದೆ. ಹಿಂದೆ ಕ್ವಿನೀನಿನಂತೆಯೇ ಇದನ್ನೂ ಮಲೇರಿಯ ಚಿಕಿತ್ಸೆಯಲ್ಲಿ ಉಪಯೋಗಿಸಲಾಗುತ್ತಿತ್ತು. ಪಶ್ಚಿಮ ಭಾರತದ ಕೆಲವೆಡೆ ಮದ್ದಾಲೆ ಮರ ಪಿಶಾಚಿಗಳ ಆವಾಸಸ್ಥಾನವೆಂಬ, ಇದರಡಿ ಮಲಗಿದರೆ ಸಾವು ಸಂಭವಿಸುತ್ತದೆ ಎಂಬ ಮೂಢನಂಬಿಕೆಯುಂಟು.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.