From Wikipedia, the free encyclopedia
ಕೆಯಾನೂ ಚಾರ್ಲ್ಸ್ ರೀವ್ಸ್ pronounced /keˈɑːnuː/([ಕೆ-ಆ-ನೂ, ಇದನ್ನು ಆಗಾಗ ಕೀ-ಆ-ನೂ ಎಂದು ತಪ್ಪಾಗಿ ಉಚ್ಚರಿಸಲಾಗುತ್ತದೆ] ಜನನ ಸೆಪ್ಟೆಂಬರ್ 2, 1964), ಈತ ಕೆನಡಾದ ನಟನಾಗಿದ್ದು, ಬಿಲ್ ಎಂಡ್ ಟೆಡ್ಸ್ ಎಕ್ಸ್ಲೆಂಟ್ ಅಡ್ವೆಂಚರ್ (ಇದು ಕೊನೆಗೆ ಆ ಪಂಥದ ಒಂದು ಅತ್ಯುತ್ತಮ ಕೃತಿ ಎನ್ನಿಸಿಕೊಂಡಿತು) ನಲ್ಲಿ ತನ್ನ ಸ್ಪೇಸ್ಡ್-ಔಟ್ ಮೆಟಲ್ಹೆಡ್ ಪಾತ್ರದಿಂದ ಗುರುತಿಕೊಂಡವ. ಮತ್ತು ಈ ಎರಡು ಆರ್ಥಿಕವಾಗಿ ಹಾಗೂ ವಿಮರ್ಶೆಯ ದೃಷ್ಠಿಯಿಂದ ಉತ್ತಮವೆನಿಸಿಕೊಂಡ ಸಾಹಸ ಚಲನಚಿತ್ರಗಳಲ್ಲಿ ನಟಿಸಿ ಪ್ರಸಿದ್ಧಿಯಾದವ: "ಟಿಕ್ಕಿಂಗ್ ಟೈಮ್ ಬಾಂಬ್" ಎಂಬ ಥ್ರಿಲ್ಲರ್ ಚಿತ್ರ ಸ್ಪೀಡ್ ಮತ್ತು ವೈಜ್ಞಾನಿಕ ಕಲ್ಪನೆ-ಸಾಹಸದ ದ ಮಾಟ್ರಿಕ್ಸ್ ಚಿತ್ರತ್ರಯಗಳು. ಈತ ಅತ್ಯಂತ ಪ್ರಸಿದ್ಧರಾದ ನಿರ್ದೇಶಕರ ಅಡಿಯಲ್ಲಿ ಅಂದರೆ ಸ್ಟೆಫನ್ ಫ್ರಿಯರ್ಸ್ (1988 ರ ಸಮಯದ ಚಿತ್ರ ಡೇಂಜರಸ್ ಲಯೇಶನ್ಸ್ ); ಗುಸ್ ವ್ಯಾನ್ ಸ್ಯಾಂಟ್ (ಕೆಚ್ಚೆದೆಯ 1991ರ ಸ್ವತಂತ್ರ ಚಲನಚಿತ್ರ ಮೈ ಓನ್ ಪ್ರೈವೇಟ್ ಇದಾಹೋ (ವ್ಯಾನ್ ಸ್ಯಾಂಟ್ ಅವರೇ ಬರೆದಿದ್ದಾರೆ)); ಮತ್ತು ಬರ್ನಾರ್ಡೋ ಮರ್ಟೋಲ್ಯೂಕಿ (1993 ರ ಚಲನಚಿತ್ರ ಲಿಟಲ್ ಬುದ್ಧ ) ಮುಂತಾದವರೊಡನೆ ಕೆಲಸ ಮಾಡಿದ್ದಾನೆ. ಆತ ರೂಕಿ FBI ಏಜೆಂಟ್ ಆಗಿ ನಟಿಸಿದ 1991 ರ ಸರ್ಫ್ ಡ್ರಾಮಾ ಪಾಯಿಂಟ್ ಬ್ರೇಕ್ (ಪ್ಯಾಟ್ರಿಕ್ ಸ್ವೇಜ್ಜೊತೆಗೆ ನಟಿಸಿದ್ದಾನೆ) ಚಲನಚಿತ್ರವನ್ನು ಶ್ಲಾಘಿಸಿದ ದ ನ್ಯೂಯಾರ್ಕ್ ಟೈಮ್ಸ್ ಪತ್ರಿಕೆಯ ವಿಮರ್ಶಕಿ ಜೇನೆಟ್ ಮ್ಯಾಸ್ಲಿನ್, ರೀವ್ಸ್ "...ಗಮನಾರ್ಹವಾದ ಸಂಯಮ ಮತ್ತು ವೈಶಾಲ್ಯತೆಯನ್ನು ಪ್ರದರ್ಶಿಸಿದ್ದಾನೆ", ಎಂದು ಹೇಳಿದ್ದಾರೆ.[1]
ಚಲನಚಿತ್ರಗಳಲ್ಲದೇ, ರೀವ್ಸ್ ನಾಟಕಗಳಲ್ಲಿ ಸಹಾ ನಟಿಸಿದ್ದಾನೆ. ಮ್ಯಾನಿತೋಬಾ ಥೀಯೇಟರ್ ಸೆಂಟರ್ ನಿರ್ಮಿಸಿದ ಹ್ಯಾಮ್ಲೆಟ್ ನಾಟಕದಲ್ಲಿ ಆತನ ಶೀರ್ಷಿಕೆ ಪಾತ್ರದ ನಟನೆಯನ್ನು ಸಂಡೆ ಟೈಮ್ಸ್ ಪತ್ರಿಕೆಯ ರೋಜರ್ ಲೇವಿಸ್ ಪ್ರಶಂಸಿಸಿ, "...ನಾನು ನೋಡಿದ ಅತ್ಯಂತ ಶ್ರೇಷ್ಠವಾದ ಮೂವರು ಹ್ಯಾಮ್ಲೆಟ್ಗಳಲ್ಲಿ ರೀವ್ಸ್ ಒಬ್ಬನಾಗಿದ್ದಾನೆ. ಇದಕ್ಕೆ ಒಂದು ಸರಳವಾದ ಕಾರಣವೆಂದರೆ, *ಆತ* ಹ್ಯಾಮ್ಲೆಟ್ ಆಗಿದ್ದಾನೆ." ಜನವರಿ 31, 2005ರಂದು ರೀವ್ಸ್ ಹಾಲಿವುಡ್ ವಾಕ್ ಆಫ್ ಫೇಮ್ನಲ್ಲಿ ತನ್ನ ಹೆಸರಿನ ತಾರೆಯೊಂದನ್ನು ಪಡೆದುಕೊಂಡಿದ್ದಾನೆ. 2006 ರಲ್ಲಿ ನಡೆದ ET ಆನ್ಲೈನ್ ಸರ್ವೆಯಲ್ಲಿ, ಆತ "ಉನ್ನತವಾದ ಹತ್ತು ಅಮೇರಿಕಾದ ಅತ್ಯಂತ ಪ್ರೀತಿಯ ತಾರೆಗಳಲ್ಲಿ" ಸ್ಥಾನ ಪಡೆದುಕೊಂಡಿದ್ದಾನೆ.
ರೀವ್ಸ್ ಅವರು ಲೆಬನಾನ್ ನಗರದ ಬುರಿಯಟ್ ಎಂಬಲ್ಲಿ ಜನಿಸಿದರು, ಇವರ ತಾಯಿ ಫ್ಯಾಟ್ರಿಶಿಯಾ ಬಾಂಡ್ (ನೀ ಟೈಲರ್) ಒಬ್ಬ ವಸ್ತ್ರ ವಿನ್ಯಾಸಕಿ/ ಅಭಿನೇತ್ರಿ, ಮತ್ತು ತಂದೆ ಭೂಶಾಸ್ತ್ರಜ್ಞ ಸ್ಯಾಮ್ಯುಯೆಲ್ ನೋವ್ಲಿನ್ ರೀವ್ಸ್, ಜೂ.[2] ರೀವ್ಸ್ ಅವರ ತಾಯಿ ಆಂಗ್ಲ ಸಂತತಿಯವಳು ಮತ್ತು ತಂದೆ ಅಮೇರಿಕಾದ ಹವಾಯಿನ್ ಆಗಿದ್ದು, ಆತನ ಹಿನ್ನೆಲೆ ಚೈನೀಸ್, ಪೋರ್ಚುಗೀಸ್ ಮತ್ತು ಆಂಗ್ಲ ಸಂತತಿಯಲ್ಲಿದೆ[3]. ರೀವ್ಸ್ ಅವರ ತಾಯಿ ಬುರಿಯಟ್ ನಗರದಲ್ಲಿ ಕೆಲಸ ಮಾಡುತ್ತಿದ್ದಾಗ ಅವಳಿಗೆ ಅವರ ತಂದೆಯ ಪರಿಚಯವಾಯಿತು. ರೀವ್ಸ್ ಅವರ ತಂದೆ ಹಿಲೋ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಹೆರಾಯಿನ್ ಮಾರುವಾಗ ಸಿಕ್ಕಿಬಿದ್ದು ಹವಾಯಿ ಎಂಬಲ್ಲಿ ಜೈಲು ವಾಸ ಅನುಭವಿಸುವಾಗ ಕುಶಲತೆಯಿಲ್ಲದ ಕಾರ್ಮಿಕನಾಗಿದ್ದು, ತನ್ನ GEDನ್ನು ಸಂಪಾದಿಸಿದ[4]. ರೀವ್ಸ್ 3 ವರ್ಷದವನಿದ್ದಾಗ ಅವನ ತಂದೆ ತನ್ನ ಹೆಂಡತಿ ಮತ್ತು ಕುಟುಂಬವನ್ನು ತ್ಯಜಿಸಿದ ಮತ್ತು ಇಂದಿಗೂ ರೀವ್ಸ್ಗೆ ತಂದೆಯ ಜೊತೆ ಯಾವುದೇ ಸಂಪರ್ಕವಿಲ್ಲ.[4] ಹೆನ್ರಿ ಕೆಯಾನೂ ರೀವ್ಸ್ ಎನ್ನುವುದು ಅವರ ಚಿಕ್ಕಪ್ಪನ ಹೆಸರಾಗಿದ್ದು ಅವರ ನಂತರ ಅದೇ ಹೆಸರನ್ನು ರೀವ್ಸ್ ಗೆ ಇಡಲಾಯಿತು. ಕೆಯಾನೂ ಅವರ ಹೆಸರು ಹವಾಯಿನ್ ಭಾಷೆಯಲ್ಲಿ ಪರ್ವತಗಳ ಮೇಲಿನ ತಣ್ಣನೆಯ ಗಾಳಿ ಎಂಬ ಅರ್ಥವನ್ನು ಕೊಡುತ್ತದೆ. ರೀವ್ಸ್ ಅವರು ಮೊದಲು ಹಾಲಿವುಡ್ಗೆ ಬಂದಾಗ ಅವರ ಏಜೆಂಟನು ಅವರ ಹೆಸರು ತುಂಬಾ ವಿಲಕ್ಷಣವಾಗಿದೆ ಎಂದುಕೊಂಡನು, ಆದ್ದರಿಂದ ಆತನ ಚಿತ್ರರಂಗದ ವೃತ್ತಿಯ ಪ್ರಾರಂಭಿಕ ದಿನಗಳಲ್ಲಿ ಕೆಲವೊಮ್ಮೆ ಆತ ಕೆ ಸಿ ರೀವ್ಸ್ ಎಂದು ಕರೆಯಲ್ಪಟ್ಟರು. ರೀವ್ಸ್ ಗೆ ಕಿಮ್ ಎನ್ನುವ ಹೆಸರಿನ ಒಬ್ಬ ಸಹೋದರಿ ಇದ್ದು, (1966ರಲ್ಲಿ ಆಸ್ಟ್ರೇಲಿಯಾ ದಲ್ಲಿ ಹುಟ್ಟಿದಳು) 1990ರ ಪ್ರಾರಂಭದಲ್ಲಿ ಈಕೆಗೆ ಲ್ಯುಕೇಮಿಯಾ ಎಂಬ ಖಾಯಿಲೆ ಇದೆ ಎಂದು ಪತ್ತೆಯಾಯಿತು. ಜೊತೆಗೆ ಇವರ ತಾಯಿಯಿಂದ ಇವರಿಗೆ ಕರೀನಾ ಮಿಲ್ಲರ್ ಎಂಬ ಒಬ್ಬ ಮಲಸಹೋದರಿ ಇದ್ದಾಳೆ (1976ರಲ್ಲಿ ಮತ್ತು ಟೊರಾಂಟೋ ದಲ್ಲಿ ಹುಟ್ಟಿದಳು), ಮತ್ತು ಇವರ ತಂದೆಯಿಂದ ಇನ್ನೊಬ್ಬ ಮಲಸಹೋದರಿ ಇದ್ದು ಆಕೆಯ ಹೆಸರು ಎಮ್ಮಾ ರೋಸ್ ರೀವ್ಸ್ (1980ರಲ್ಲಿ ಹವಾಯಿಯಲ್ಲಿʻ ಹುಟ್ಟಿದಳು).
ರೀವ್ಸ್ ಚಿಕ್ಕವರಿದ್ದಾಗ ಅನೇಕ ಬಾರಿ ಪ್ರಪಂಚದ ಹಲವಾರು ಕಡೆ ಹೋಗಿದ್ದರು ಮತ್ತು ಬೇರೆ ಬೇರೆ ಮಲತಂದೆಯರ ಜೊತೆ ಇರುತ್ತಿದ್ದರು. 1966ರಲ್ಲಿ ಇವರ ತಂದೆ ಹಾಗೂ ತಾಯಿ ವಿವಾಹ ವಿಚ್ಛೇದನ ಪಡೆದ ನಂತರ ಇವರ ತಾಯಿ ವಸ್ತ್ರವಿನ್ಯಾಸಕಿಯಾದಳು ಮತ್ತು ಕುಟುಂಬವನ್ನು ಆಸ್ಟ್ರೇಲಿಯಾಕ್ಕೆ ವರ್ಗಾಯಿಸಿದಳು. ಅದರ ನಂತರ ನ್ಯೂಯಾರ್ಕ್ ನಗರಕ್ಕೆ ಕುಟುಂಬ ವರ್ಗವಾಯಿತು. ಅಲ್ಲಿ ಆಕೆ ಪೌಲ್ ಆರೋನ್ ಎಂಬ ಬ್ರಾಡ್ ವೇ ಮತ್ತು ಹಾಲಿವುಡ್ ನಿರ್ದೇಶಕನನ್ನು ಮದುವೆಯಾದಳು. ದಂಪತಿಗಳು ಟೊರಂಟೊಗೆ ತೆರಳಿದರು ಆದರೆ 1971ರಲ್ಲಿ ವಿವಾಹ ವಿಚ್ಛೇದನ ಪಡೆದರು. ರೀವ್ಸ್ರ ತಾಯಿ 1976ರಲ್ಲಿ ರಾಬರ್ಟ್ ಮಿಲ್ಲರ್ ಎಂಬ ರಾಕ್ ಪ್ರವರ್ತಕನನ್ನು ಮದುವೆಯಾದಳು ಮತ್ತು 1980ರಲ್ಲಿ ಇವರು ವಿವಾಹವಿಚ್ಛೇದನ ಪಡೆದರು. ಮುಂದೆ ಆಕೆ ತನ್ನ 4ನೆಯ ಗಂಡ ಜಾಕ್ ಬಾಂಡ್ ಎಂಬ ಕೂದಲು ಕತ್ತರಿಸಿ ಅಲಂಕರಿಸುವವನನ್ನು ಮದುವೆಯಾದಳು ಮತ್ತು ಈ ಮದುವೆಯೂ ಕೂಡ 1994ರಲ್ಲಿ ಮುರಿದುಬಿತ್ತು. ರೀವ್ಸ್ ಮತ್ತು ಅವರ ಸಹೋದರಿಯ ಪ್ರಾಥಮಿಕ ಬೆಳವಣಿಗೆ ಟೊರಂಟೊ ನಗರದಲ್ಲಿ ಆವರ ಅಜ್ಜಿ ತಾತ, ದಾದಿಯರೊಂದಿಗೆ ಆಯಿತು. 5 ವರ್ಷಗಳಲ್ಲಿ ಆತ ಮಾಧ್ಯಮಿಕ ಶಾಲೆಗಳಲ್ಲಿ ಭರ್ತಿಯಾದರು, ಇದರಲ್ಲಿ ಎಟೊಬಿಕೊಕೆ ಸ್ಕೂಲ್ ಆಫ್ ಆರ್ಟ್ಸ್ ಕೂಡ ಒಂದು, ಮತ್ತು ಮುಂದೆ ಇವರು ಈ ಶಾಲೆಯಿಂದ ಹೊರದೂಡಲ್ಪಟ್ಟರು. ರೀವ್ಸ್ ಅವರು, ನಾನು ಆ ಶಾಲೆಯಿಂದ ಹೊರದೂಡಲ್ಪಟ್ಟಿದ್ದಕ್ಕೆ "...ಕಾರಣ, ನಾನು ಜಿಡ್ಡಿನ ಸ್ವಭಾವದ ವ್ಯಕ್ತಿಯಾಗಿದ್ದೆ ಮತ್ತು ಬಹಳ ಅಲ್ಲಿಲ್ಲಿ ಸುತ್ತಿ ಓಡುತ್ತಿದ್ದೆ. ನನ್ನ ಬಾಯಿ ಸ್ವಲ್ಪ ಜೋರಾಗಿತ್ತು ಮತ್ತು ಬಾಯಿ ಮುಚ್ಚಿಸುವುದು ಸ್ವಲ್ಪ ಕಷ್ಟವಾಗಿತ್ತು. ನಾನು ಶಾಲೆಯಲ್ಲಿದ್ದಾಗ ಬಹಳ ಬುದ್ಧಿವಂತನೇನೂ ಆಗಿರಲಿಲ್ಲ. ಆದರೆ ನಾನು ಸ್ವಲ್ಪಸ್ವಲ್ಪ ದಾರಿಗೆ ಬರುತ್ತಿದ್ದೆ", ಎಂದು ತಿಳಿಸಿದ್ದಾರೆ.
ರೀವ್ಸ್ ಓದಿಗಿಂತ ಹೆಚ್ಚಾಗಿ ಹಾಕಿ ಆಟದಲ್ಲಿ ಹೆಚ್ಚು ಪರಿಣತಿ ಪಡೆದರು, ಮತ್ತು ಪದಗುರುಡು (ಡಿಸ್ಲೆಕ್ಸಿಯಾ)ದ ಕಾರಣ ಆತನ ಓದಿನ ಬೆಳವಣಿಗೆಯ ಮೇಲೆ ದುಷ್ಪರಿಣಾಮ ಬೀರಿತು. ಆತ ತನ್ನ ಹೈಸ್ಕೂಲ್ನಲ್ಲಿ ಅತ್ಯಂತ ಸಫಲ ಗೋಲೀ ಆಗಿದ್ದ (ಡೆ ಲಾ ಸಾಲ್ಲೆ ಕಾಲೇಜ್ "ಓಕ್ಲಾಂಡ್ಸ್"). ಆತನ ತಂಡವು ಆತನನ್ನು "ಗೋಡೆ" ಎಂಬ ಅಡ್ಡಹೆಸರಿನಿಂದ ಕರೆಯುತ್ತಿತ್ತು ಮತ್ತು ಅವನಿಗೆ MVP ಮತ ನೀಡಿತ್ತು. ಆತ ಕೇನಡಾಕ್ಕಾಗಿ ಓಲಂಪಿಕ್ ಹಾಕಿ ಆಟಗಾರ ಆಗಬೇಕೆಂಬ ಕನಸನ್ನು ಕಂಡಿದ್ದ. ಆದರೆ, ಒಂದು ಗಾಯವು ಆತನ ಈ ವಿಶ್ವಾಸವನ್ನು ಕೊನೆಯಾಗಿಸಿತ್ತು. ಡೆ ಲಾ ಸಾಲ್ಲೆ ಕಾಲೇಜ್ನಿಂದ ಹೊರಬಂದ ನಂತರ ಆತ ಫ್ರೀ ಸ್ಕೂಲ್ (ಏವೊಂಡೇಲ್ ಆಲ್ಟರ್ನೇಟಿವ್) ಸೇರಿದ. ಇದರಿಂದಾಗಿ ಆತನಿಗೆ ನಟನಾಗಿ ಕೆಲಸ ಮಾಡುವಾಗಲೇ ಓದಲು ಸಾಧ್ಯವಾಯಿತು. ಆದರೆ ನಂತರ ಹೈಸ್ಕೂಲ್ ಡಿಪ್ಲೊಮಾ ಪಡೆಯದೆಯೇ ಶಾಲೆಯನ್ನು ಬಿಟ್ಟ.
ರೀವ್ಸ್ ಅವರು ಒಂಬತ್ತನೆಯ ವಯಸ್ಸಿನಲ್ಲಿ ಡ್ಯಾಮ್ ಯಾಂಕೀಸ್ ರಂಗಭೂಮಿ ನಿರ್ಮಾಣದಲ್ಲಿ ನಟನಾ ವೃತ್ತಿ ಪ್ರಾರಂಭಿಸಿದರು. ಅವರು ತಮ್ಮ ಹದಿನೈದನೆಯ ವಯಸ್ಸಿನಲ್ಲಿ ಲಿಯಾ ಪೋಸ್ಲಾನ್ಸ್ ಥಿಯೇಟರಿನಲ್ಲಿ ರೋಮಿಯೋ ಮತ್ತು ಜೂಲಿಯೆಟ್ ನಾಟಕದಲ್ಲಿ ಮರ್ಕ್ಯುಶಿಯೋ ಪಾತ್ರದಲ್ಲಿ ಕಾಣಿಸಿಕೊಂಡರು. ರೀವ್ಸ್ ಅವರು ದೂರದರ್ಶನದಲ್ಲಿ ಪ್ರಥಮಬಾರಿಗೆ ಸಿಬಿಸಿ ಟೆಲಿವಿಶನ್ನಲ್ಲಿ ಪ್ರಸಾರವಾದ ಹ್ಯಾಂಗ್ಇನ್ ಹಾಸ್ಯ ಸಂಚಿಕೆಯಲ್ಲಿ ಕಾಣಿಸಿಕೊಂಡರು. 1980 ರ ದಶಕದಲ್ಲಿ ಮೊದಲರ್ಧ ಪೂರ್ತಿಯಾಗಿ ಇವರು ವಾಣಿಜ್ಯ ರೂಪದ ಚಿತ್ರಗಳಲ್ಲಿ ಆಸಕ್ತಿ ತೋರಿಸಿದರು. ಅವುಗಳಲ್ಲಿ (ಕೋಕಾ-ಕಾಲಾ ಜಾಹೀರಾತನ್ನೂ ಒಳಗೊಂಡು, ಲಘು ಚಿತ್ರಗಳಾದ ಎನ್ಎಫ್ಬಿ ಡ್ರಾಮಾ, ಒನ್ ಸ್ಟೆಪ್ ಅವೇ ಮತ್ತು ಟೊರಾಂಟೋದ ರಂಗಭೂಮಿಯಲ್ಲಿ ಅತ್ಯಂತ ಯಶಸ್ಸು ಪಡೆದ ಬ್ರಾಡ್ ಫ್ರೇಸರ್ ರವರ ವೂಲ್ಫ್ ಬಾಯ್ ಕೂಡ ಹೌದು. 1984ರಲ್ಲಿ ಇವರು ಕೆನಡಾದ ಬ್ರಾಡ್ಕಾಸ್ಟಿಂಗ್ ಕಾರ್ಪೋರೇಶನ್ ಟಿವಿ ಚಾನೆಲ್ನ ಯುವಕರ ಕಾರ್ಯಕ್ರಮವಾದ ಗೋಯಿಂಗ್ ಗ್ರೇಟ್ ನ ವರದಿಗಾರರಾಗಿದ್ದರು.[5]
ರೀವ್ಸ್ ಅವರ ಮೊದಲ ಸ್ಟುಡಿಯೋ ಚಿತ್ರ ರೋಬ್ ಲೊವೆ ಅವರ, ಐಸ್ ಹಾಕಿ ಚಿತ್ರ ಯಂಗ್ ಬ್ಲಡ್. ಅದರಲ್ಲಿ ಇವರು ಗೋಲ್ ಕೀಪರ್ ಕ್ಯುಬೇಕೊಯಿಸ್ನ ಪಾತ್ರದಲ್ಲಿ ಕಾಣಿಸಿಕೊಂಡರು. ಈ ಚಿತ್ರದ ಬಿಡುಗಡೆಯಾದ ತಕ್ಷಣವೇ ರೀವ್ಸ್ ಅವರು ತಮ್ಮ 1969 ವೋಲ್ವೋ ಕಾರಿನಲ್ಲಿ ಲಾಸ್ ಎಂಜಲೀಸ್ಗೆ ಪ್ರಯಾಣ ಬೆಳೆಸಿದರು. ಇವರು ಲಾಸ್ ಎಂಜಲೀಸ್ ತಲುಪುವುದರೊಳಗಾಗಿಯೇ, ಇವರ ಮಲ ತಂದೆ ಪೌಲ್ ಆರನ್, ಈತ ಒಬ್ಬ ರಂಗ ಮತ್ತು ಟಿವಿ ನಿರ್ದೇಶಕ, ಈತ ಎರ್ವಿನ್ ಸ್ಟಾಫ್ನನ್ನು ರೀವ್ನ ಮ್ಯಾನೇಜರ್ ಮತ್ತು ಏಜೆಂಟ್ ಆಗಲು ಒಪ್ಪಿಸಿದ. ಸ್ಟಾಫ್ನು ರೀವ್ಸ್ನ ಮ್ಯಾನೇಜರ್ ಆಗಿ ಉಳಿದ ಹಾಗೂ ಆತನ ಅನೇಕ ಚಿತ್ರಗಳ ಸಹ ನಿರ್ಮಾಣ ಮಾಡಿದ. ಕೆಲವು ಸಣ್ಣ ಪುಟ್ಟ ಪಾತ್ರಗಳನ್ನು ಮಾಡಿದ ನಂತರ ರೀವ್ಸ್ ಅವರು 1986 ರಲ್ಲಿ, ಒಂದು ಕೊಲೆ ಯುವಕರ ಗುಂಪಿನ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬ ಕಥೆಯುಳ್ಳ ರಿವರ್ಸ್ ಎಡ್ಜ್ ಚಿತ್ರದಲ್ಲಿ ದೀರ್ಘವಾದ ಪಾತ್ರವನ್ನು ಗಳಿಸಿದರು. ಈ ಎಲ್ಲ ಚಿತ್ರಗಳ ಯಶಸ್ಸಿನ ನಂತರ, 1980 ರ ಕೊನೆಯ ವರ್ಷಗಳಲ್ಲಿ ಹದಿಹರೆಯದ ಪ್ರೇಕ್ಷಕರನ್ನು ಗುರಿಯಾಗಿಸಿಕೊಂಡು, ಅವರು ಇಷ್ಟಪಡುವಂತಹ ಚಿತ್ರಗಳಲ್ಲಿ ಹೆಚ್ಚಾಗಿ ಕಾಣಿಸಿಕೊಂಡರು. ಅವುಗಳಲ್ಲಿ ಪರ್ಮನೆಂಟ್ ರೆಕಾರ್ಡ್ ಮತ್ತು ಅನಿರೀಕ್ಷಿತ ಯಶಸ್ಸು ಗಳಿಸಿದ 1989 ರ ಹಾಸ್ಯಚಿತ್ರ 'ಬಿಲ್ ಆಂಡ್ ಟೆಡ್ಸ್ ಎಕ್ಸಲೆಂಟ್ ಅಡ್ವೆಂಚರ್ , ಜೊತೆಗೆ 1989ರಲ್ಲಿ ಇದರ ಮುಂದಿನ ಭಾಗ ಬಿಲ್ ಆಂಡ್ ಟೆಡ್ಸ ಬೋಗಸ್ ಜರ್ನಿ , ಇದರಲ್ಲಿ ರೀವ್ಸ್ ಅವರದು ಗೊಂದಲಗೊಂಡ ಹದಿಹರಯದ ಯುವಕನ ಪಾತ್ರ. ಪತ್ರಿಕೆಗಳಲ್ಲಿ ಇವರ ಬಗ್ಗೆ ಪ್ರತಿಬಿಂಬಿಸಿದ ಮತ್ತು 1990 ರ ಪ್ರಾರಂಭದಲ್ಲಿ ಇವರು ನಟನೆಯ ಬಗ್ಗೆ ಅತಿ ಹೆಚ್ಚು ಪ್ರತಿಕ್ರಿಯೆ ಪಡೆದದ್ದನ್ನು, ಇವರ ಏರ್ ಹೆಡೆಡ್ ಟೆಡ್ ಪಾತ್ರ ಈಗಲೂ ಪರಿಣಾಮಕಾರಿಯಾಗಿ ಸೂಚಿಸುತ್ತದೆ.
1990ರ ಪ್ರಾರಂಭದ ಕಾಲದಲ್ಲಿ, ರೀವ್ಸ್ ಅವರು ಹದಿವಯಸ್ಸಿನ ಚಿತ್ರಗಳಲ್ಲಿ ಕಾಣಿಸಿಕೊಳ್ಳುವುದನ್ನು ಕಡಿಮೆಗೊಳಿಸಿದರು. ನಂತರ ಇವರು ಪಾಯಿಂಟ್ ಬ್ರೇಕ್ ನಂತಹ ಅಧಿಕ ವೆಚ್ಚದ ಚಿತ್ರಗಳಲ್ಲಿ ಕಾಣಿಸಿಕೊಂಡರು ಮತ್ತು ಈ ಚಿತ್ರಕ್ಕೆ ಇವರಿಗೆ 1992ರಲ್ಲಿ ಎಂಟಿವಿ ಚಾನೆಲ್ ನ "ಮೋಸ್ಟ್ ಡಿಸೈರೆಬಲ್ ಮೇಲ್" ಪ್ರಶಸ್ತಿ ಕೂಡ ಬಂತು. ಇವರು ಹಲವು ಕಡಿಮೆ ವೆಚ್ಚದ ಚಿತ್ರಗಳಲ್ಲಿಯೂ ಕೂಡ ತಮ್ಮನ್ನು ತೊಡಗಿಸಿಕೊಂಡರು, ಅವುಗಳಲ್ಲಿ ಸ್ವಂತ ಚಿತ್ರ ದಿವಂಗತ ರಿವರ್ ಫೋನಿಕ್ಸ್ ಜೊತೆ 1991ರಲ್ಲಿ ಮೈ ವೊನ್ ಪ್ರೈವೇಟ್ ಐಡಾಹೋ [ಸೂಕ್ತ ಉಲ್ಲೇಖನ ಬೇಕು] 1994 ರಲ್ಲಿ ಸ್ಪೀಡ್ ಚಿತ್ರದ ಇವರ ನಟನೆಯು, ರೀವ್ಸ್ ಅವರ ವೃತ್ತಿ ಜೀವನದ ಅತಿ ಉಚ್ಚ ಸ್ಥಾನ ತಲುಪುವಲ್ಲಿ ಯಶಸ್ವಿಯಾಯಿತು. ಪಾಯಿಂಟ್ ಬ್ರೇಕ್ ನ ಹೊರತುಪಡಿಸಿ, ಈ ಚಿತ್ರದಲ್ಲಿ ಇವರ ಪಾತ್ರ ವಿಭಿನ್ನವಾತ್ತು. ಮೊದಲು ಇವರು ಹಾಸ್ಯ ಹಾಗೂ ಇಂಡಿ ನಾಟಕಗಳಿಗೆ ಮಾತ್ರ ಪರಿಚಿತರಾಗಿದ್ದರು. ಇವರು ಒಮ್ಮೆಯೂ ಕೂಡ ಏಕ ಮಾತ್ರ ನಾಯಕರಾಗಿ ಚಿತ್ರಗಳಲ್ಲಿ ಕಾಣಿಸಿಕೊಂಡಿಲ್ಲ. ಕಲಾನಿರ್ದೇಶಕ-ನಿಂದ-ನಿರ್ದೇಶಕರಾದ ಜ್ಯಾನ್ ಡೆ ಬೋಂಟ್ ಅವರು ನಿರ್ದೇಶಿಸಿದ ದಿ ಸಮ್ಮರ್ ಚಿತ್ರ ಬೃಹತ್ ವೆಚ್ಚದ್ದಾಗಿತ್ತು. ಈ ಚಿತ್ರದ ಅನಿರೀಕ್ಷಿತವಾದ ಅಂತರರಾಷ್ಟ್ರೀಯ ಯಶಸ್ಸು ರೀವ್ಸ್ ಹಾಗೂ ಅವರ ಸಹ ನಟ ಸ್ಯಾನ್ಡ್ರಾ ಬುಲ್ಲಕ್ ಅವರನ್ನು ಎ-ತಾರಾ ಪಟ್ಟಿಯಲ್ಲಿ ಸೇರಿಸುವಂತೆ ಮಾಡಿತು.
ಯಶಸ್ಸಿನ ಉತ್ತುಂಗದಲ್ಲಿದ್ದಾಗಿಯೂ ಕೂಡ ರೀವ್ಸ್ ಅವರು ಸ್ಪೀಡ್ ಚಿತ್ರದ ನಂತರ ವೃತ್ತಿಜೀವನದಲ್ಲಿ, ಬೆಂಬಲ ನೀಡುವ ಪಾತ್ರಗಳನ್ನು ಆಯ್ದುಕೊಳ್ಳತೊಡಗಿದರು. ಮತ್ತು ಹೊಸ ಪ್ರಯೊಗಗಳ ಚಿತ್ರಗಳಲ್ಲಿ ಕಾಣಿಸಿಕೊಂಡರು. "ಎ ವಾಕ್ ಇನ್ ಎ ಕ್ಲೌಡ್" ಎನ್ನುವ ಪ್ರಣಯ ಚಿತ್ರದಲ್ಲಿ ಪ್ರಧಾನ ಪಾತ್ರ ಮಾಡಿ, ಗೆಲ್ಲುವಲ್ಲಿ ಯಶಸ್ವಿಯಾದರು. ಇವರು ಮ್ಯಾನಿಟೊಬ ರಾಜ್ಯದ, ವಿನ್ನಿಪೆಗ್ ನಗರದಲ್ಲಿ ’1995ರಲ್ಲಿ ಮ್ಯಾನಿಟೊಬ ಥಿಯೇಟರ್ ಸೆಂಟರ್ನ ತಯಾರಿಕೆಯಾದ ಹ್ಯಾಮ್ಲೆಟ್ ನಲ್ಲಿ ಕೆಲಸ ಮಾಡದ್ದರಿಂದ ಮತ್ತು ಪ್ರಧಾನ ಪಾತ್ರ ನಿರಾಕರಿಸಿದ್ದರಿಂದ ದೊಡ್ಡದಾಗಿ ಸುದ್ದಿಯಾದರು. ರೀವ್ಸ್ ಅವರು ಅಚ್ಚರಿಯಾಗುವಂತೆ ಶೇಕ್ಸ್ಪಿಯರ್ ಅವರ ಬಹಳ ಪ್ರಸಿದ್ಧಿ ಹೊಂದಿದ ಆ ನಾಟಕದ ಪಾತ್ರಕ್ಕೆ ನಿರೂಪಣೆ ಮಾಡಿದ್ದಕ್ಕೆ ಉತ್ತಮ ವಿಮರ್ಶೆ ಪಡೆದರು. ರೋಜರ್ ಲೇವಿಸ್ ಎಂಬ ಸಂಡೆ ಟೈಮ್ಸ್ ವಿಮರ್ಶಕ ಹೀಗೆ ಬರೆದಿದ್ದಾರೆ, "ಆತನಲ್ಲಿ ಮುಗ್ಧತೆಯಿದೆ, ಭವ್ಯವಾದ ಕೋಪ, ಪಶುಸಹಜ ಸೌಷ್ಠವ ಮತ್ತು ನಡಿಗೆ ಮತ್ತು ಭಾವುಕ ಆವೇಶ, ಇದೆಲ್ಲವೂ ಸೇರಿ ಡೆನ್ಮಾರ್ಕ್ನ ರಾಜಕುಮಾರನನ್ನು ಮಾಡಿದೆ...ನಾನು ನೋಡಿದ ಅತ್ಯಂತ ಶ್ರೇಷ್ಠವಾದ ಮೂವರು ಹ್ಯಾಮ್ಲೆಟ್ಗಳಲ್ಲಿ ರೀವ್ಸ್ ಒಬ್ಬನಾಗಿದ್ದಾನೆ. ಇದಕ್ಕೆ ಒಂದು ಸರಳವಾದ ಕಾರಣವೆಂದರೆ, *ಆತ* ಹ್ಯಾಮ್ಲೆಟ್ ಆಗಿದ್ದಾನೆ."[ಸಾಕ್ಷ್ಯಾಧಾರ ಬೇಕಾಗಿದೆ]
'ಎ ವಾಕ್ ಇನ್ ದಿ ಕ್ಲೌಡ್ಸ್’ ನಂತರ ರೀವ್ಸ್ ಅವರ ಇತರ ಆಯ್ಕೆಗಳು ಏನೇ ಆದರೂ ಅವು ವಿಮರ್ಶಕರಿಂದ ಹಾಗೂ ಪ್ರೇಕ್ಷಕರಿಂದ ಸೋಲಲ್ಪಟ್ಟವು. ಅತಿ ವೆಚ್ಚದ ಚಿತ್ರಗಳಾದ ಸಿ-ಫಿ ಆಯ್ಕ್ಷನ್ ಜಾನಿ ನೆಮೊನಿಕ್ ಮತ್ತು ಆಯ್ಕ್ಷನ್ ರೋಮಾಂಚನಕಾರಿ ಚಿತ್ರ ಚೈನ್ ರಿಯಾಕ್ಷನ್ ವಿಮರ್ಶಕರಿಂದ ಖಂಡಿಸಲ್ಪಟ್ಟಿತು ಮತ್ತು ಗಲ್ಲಾ ಪೆಟ್ಟಿಗೆಯಲ್ಲಿ ಸೋಲನ್ನನುಭವಿಸಿತು. ಇಂಡಿ ಚಿತ್ರಗಳಾದ ಫೀಲಿಂಗ್ ಮಿನೆಸೋಟಾ ಕೂಡ ವಿಮರ್ಶಾತ್ಮಕವಾಗಿ ಸೋತಿತು. ರೀವ್ಸ್ ಅವರು ಹಾರರ್ ನಾಟಕ ದಿ ಡೆವಿಲ್ಸ್ ಅಡ್ವೋಕೇಟ್ನಲ್ಲಿ ಆಲ್ ಪಚಿನೋ ಮತ್ತು ಚಾರ್ಲೀಜ್ ಥೆರನ್ ಜೊತೆ ನಟಿಸಿ ತಮ್ಮ ವೃತ್ತಿ ಜೀವನದ ಸೋಲಿನಿಂದ ಮೇಲೇರಲು ಪ್ರಾರಂಭಿಸಿದರು. ದಿ ಡೆವಿಲ್ಸ್ ಅಡ್ವೋಕೇಟ್ ನಲ್ಲಿ ಪೆಚಿನೋ ಅವರು ಅಭಿನಯಿಸಲಿ ಎಂಬುದಕ್ಕಾಗಿ ರೀವ್ಸ್ ಅವರು ತಮ್ಮ ಸಂಬಳವನ್ನು ಮುಂದೆ ಪಡೆಯಲು ನಿರ್ಧರಿಸಿದರು. ಅದೇ ರೀತಿ ಜೀನ್ ಹ್ಯಾಕ್ಮನ್ ನಟಿಸಲಿ ಎಂಬ ಕಾರಣಕ್ಕಾಗಿ ದ ರಿಪ್ಲೇಸ್ಮೆಂಟ್ ಎಂಬ ಚಿತ್ರದಲ್ಲಿ ಸಹಾ ಹಾಗೆಯೇ ಮಾಡಿದರು. ದಿ ಡೆವಿಲ್ಸ್ ಅಡ್ವೋಕೇಟ್ ಗಲ್ಲಾ ಪೆಟ್ಟಿಗೆಯಲ್ಲಿ ಚೆನ್ನಾಗಿ ಓಡಿತು, ಉತ್ತಮ ವಿಮರ್ಶೆಯನ್ನೂ ಗಳಿಸಿತು ಮತ್ತು ರೀವ್ಸ್ ಅವರು ವೃತ್ತಿ ಜೀವನದಲ್ಲಿ ಮೇಲೇಳುತ್ತಿದ್ದಾರೆಂದು ಸಮರ್ಥಿಸಿತು. ಆದರೆ, ಕೆಲವು ವಿಮರ್ಶಕರಿಂದ ಇವರ ಅಭಿನಯ ಸಾಮಾನ್ಯವಾದದ್ದಾಯಿತು. ಇಲ್ಲವಾಗಿದ್ದರೆ ಇದು ಆನಂದಿಸುವ ಚಿತ್ರವಾಗುತ್ತಿತ್ತು[ಸಾಕ್ಷ್ಯಾಧಾರ ಬೇಕಾಗಿದೆ] ಎಂದು ಹೇಳಲ್ಪಟ್ಟಿತು. 1999 ರಲ್ಲಿ ವಿಜ್ಞಾನಕ್ಕೆ ಸಂಬಂಧಪಟ್ಟ ರೀವ್ಸ್ ಪ್ರಧಾನ ಪಾತ್ರದಲ್ಲಿ ಅಭಿನಯಿಸಿದ ಆಯ್ಕ್ಷನ್ ಚಿತ್ರ ದಿ ಮ್ಯಾಟ್ರಿಕ್ಸ್ ಗಲ್ಲಾ ಪೆಟ್ಟಿಗೆಯಲ್ಲಿ ಯಶಸ್ಸು ಗಳಿಸಿತು ಹಾಗೂ ಧನಾತ್ಮಕ ವಿಮರ್ಶೆಯನ್ನು ಗಳಿಸಿತು.
ಪ್ರಥಮ ಮೆಟ್ರಿಕ್ಸ್ ಹಾಗೂ ಅದರ ಮುಂದುವರಿದ ಭಾಗಗಳ ಮಧ್ಯೆ, ದ ಗಿಫ್ಟ್ ಚಿತ್ರದಲ್ಲಿ ತನ್ನ ನಿಂದಿಸುವ ಪತಿಯ ಪಾತ್ರಕ್ಕೆ ರೀವ್ಸ್ಗೆ ಪ್ರಶಂಸನೀಯ ವಿಮರ್ಶೆಗಳು ದೊರಕಿದವು. ಇದಲ್ಲದೆ ರೀವ್ಸ್ ದ ವಾಛರ್, ಸ್ವೀಟ್ ನವೆಂಬರ್ ಹಾಗೂ ದ ರಿಪ್ಲೇಸ್ಮೇಂಟ್ಸ್ ಅಂತಹ ಹಲವಾರು ಚಿತ್ರಗಳಲ್ಲಿ ಕಾಣಿಕೊಂಡರು, ಇವುಗಳಿಗೆ ಹೆಚ್ಚಾಗಿ ಅಪ್ರಶಂಸನೀಯ ವಿಮರ್ಶೆಗಳು ಹಾಗೂ ಅಪರಿಣಾಮಕಾರಿ ಗಲ್ಲಾಪೆಟ್ಟಿಗೆ ಸಂಪಾದನೆ ದೊರೆತವು. ಹಾಗಿದ್ದರೂ, ಮೆಟ್ರಿಕ್ಸ್ ನ ಎರಡು ಮುಂದುವರಿದ ಭಾಗಗಳು, ದ ಮೆಟ್ರಿಕ್ಸ್ ರಿಲೋಡಡ್ ಹಾಗೂ ದ ಮೆಟ್ರಿಕ್ಸ್ ರೆವೊಲುಷನ್ಸ್, ಸಮಥಿಂಗ್ಸ್ ಗೊಟ್ಟಾ ಗಿವ್ ಮತ್ತು ಕಾನ್ಸ್ಟೆನ್ಟೈನ್ 2005ರ ಭಯಾನಕ-ಸಾಹಸಮಯ ಚಲನಚಿತ್ರ ಗಲ್ಲಾಪೆಟ್ಟಿಗೆ ಸಂಪಾದನೆಯಲ್ಲಿ ಯಶಸ್ಸನ್ನು ಸಾಬೀತು ಮಾಡಿದವು ಹಾಗೂ ರೀವ್ಸ್ ಅನ್ನು ಪುನಃ ಸಾರ್ವಜನಿಕ ಬೆಳಕಿಗೆ ತಂದಿತು. ಫಿಲಿಪ್ ಕೆ. ಡಿಕ್ರವರ ಡಿಸ್ಟೋಪಿಯನ್ ಕಾಲ್ಪನಿಕ ವಿಜ್ಞಾನ ಕಾದಂಬರಿಯ ಮೇಲೆ ಆಧಾರಿತ ಎ ಸ್ಕ್ಯಾನರ್ ಡಾರ್ಕಲಿ 2006ರ ಚಿತ್ರದಲ್ಲಿ ಇವರ ಪಾತ್ರಕ್ಕೆ ಒಳ್ಳೆಯ ವಿಮರ್ಶೆಗಳು ದೊರೆತವು ಹಾಗೂ ಸ್ಯಾಂಡ್ರಾ ಬುಲಕ್ ಜೊತೆಗಿನ ಪ್ರಣಯದ ಚಿತ್ರ ದ ಲೇಕ್ ಹೌಸ್ ಗಲ್ಲಾಪೆಟ್ಟಿಗೆಯಲ್ಲಿ ಹೆಚ್ಚೇನೂ ಸಂಪಾದಿಸಲಿಲ್ಲ.[ಸೂಕ್ತ ಉಲ್ಲೇಖನ ಬೇಕು]
ಸ್ಟ್ರೀಟ್ ಕಿಂಗ್ಸ್ ಹಾಗೂ ದ ಡೇ ದ ಅರ್ಥ್ ಸ್ಟುಡ್ ಸ್ಟಿಲ್ , 2008ರ ಈ ಎರಡು ಚಲನಚಿತ್ರಗಳಲ್ಲಿ ರೀವ್ಸ್ ಮುಖ್ಯ ಪಾತ್ರ ವಹಿಸಿದ್ದರು. ರೀವ್ಸ್ ದ ಪ್ರೈವೇಟ್ ಲೈಫ್ ಆಫ್ ಪಿಪ್ಪಾ ಲೀ ಚಿತ್ರದಲ್ಲಿ ರೋಬಿನ್ ರೈಟ್ ಪೆನ್ನ್, ಜುಲಿಯಾನ್ನೆ ಮೋರ್, ಆಲನ್ ಆರ್ಕಿನ್, ವಿನೋನ ರೈಡರ್, ಮಾರಿಯಾ ಬೆಲ್ಲೊ, ಮೊನಿಕಾ ಬೆಲುಚಿ,ಜೊ ಕಾಜಾನ್, ರೈನ್ ಮ್ಯಾಕ್ಡೊನಾಲ್ಡ್, ಬ್ಲೇಕ್ ಲೈವ್ಲಿ, ರೋಬಿನ್ ವೇಗರ್ಟ್ ಜೊತೆ ನಟಿಸಿದರು, ಈ ಚಿತ್ರವನ್ನು ಫೆಬ್ರುವರಿ 2009ರಲ್ಲಿ ಬರ್ಲಿನೆಲ್ನಲ್ಲಿ ತೋರಿಸಲಾಯಿತು. ರೀವ್ಸ್ ಆನಿಮ್ ಸರಣಿಯ ಒಂದು ನೇರ-ಸಾಹಸಮಯ ಚಿತ್ರ ರೂಪಾಂತರ 2011ರಲ್ಲಿ ಬಿಡುಗಡೆಯಾಗುವ ಕೌವ್ಬಾಯ್ ಬಿಬೊಪ್ ನಲ್ಲಿ[6][7] ನಟಿಸುವರು ಎಂದು ಜನವರಿ 2009ರಲ್ಲಿ ಪ್ರಕಟಿಸಲಾಗಿತ್ತು. ಮುಂಬರುವ ಇತರ ಯೋಜನೆಗಳಲ್ಲಿ, ಒಂದು ಸಮುಯಾಯ್ ಚಿತ್ರ 47 ರೊನಿನ್ ಗೆ ಮುಖ್ಯ ಕಥೆ ರೀವ್ಸ್ ಅವರದು ಹಾಗೂ ಸ್ಟೀವನ್ ನೈಟ್ ಬರೆದವರು. ಮತ್ತು ಜೊನ್ ಸ್ಪೈಟ್ಸ್ ಅವರು ಬರೆದ ಪ್ಯಾಸೆಂಜರ್ಸ್ - ಒಂದು ಅಂತರಿಕ್ಷ ರೂಪಕದ ನಿರ್ಮಾಪಕ ಹಾಗೂ ನಟರಾಗಿದ್ದಾರೆ.[8]
ರೀವ್ಸ್ರವರು ತಾರಾಪಟ್ಟ ಏರಿ ಸುಮಾರು ಒಂದು ದಶಕವಾದರೂ ಸಹ ಬಾಡಿಗೆ ಮನೆಗಳಲ್ಲಿ ಹಾಗೂ ಹೋಟೆಲ್ಗಳಲ್ಲಿ ಇರಲು ಇಚ್ಛಿಸುತ್ತಿದ್ದರು ಮತ್ತು ಚಾಟ್ಯೂ ಮಾರ್ಮೊಂಟ್ನಲ್ಲಿ ಬಹುಕಾಲ ವಾಸವಾಗಿದ್ದರು. ರೀವ್ಸ್ ತಮ್ಮ ಮೊದಲ ಮನೆಯನ್ನು 2003ರ ಕಾಲದಲ್ಲಿ ಲಾಸ್ ಏಂಜಲೀಸ್ನ ಹಾಲಿವುಡ್ ಹಿಲ್ಸ್ನಲ್ಲಿ ಕೊಂಡರು, ಇದಲ್ಲದೆ ಅವರ ಬಳಿ ನ್ಯೂಯಾರ್ಕ್ ನಗರದಲ್ಲಿನ ಒಂದು ಸೆಂಟ್ರಲ್ ಪಾರ್ಕ್ ವೆಸ್ಟ್ ಎಂಬಲ್ಲಿ ಒಂದು ಅಪಾರ್ಟ್ಮೆಂಟ್ ಇದೆ. ಲೆಬಾನಾನ್ನಲ್ಲಿ ಹುಟ್ಟಿದ್ದರೂ ಕೂಡ ರೀವ್ಸ್ ಅಲ್ಲಿನ ನಾಗರೀಕನಲ್ಲ. ಅವನ ನಾಗರೀಕತ್ವಗಳು: ಯು.ಎಸ್. (ತಂದೆಯ ಮೂಲಕ)[9] ಹಾಗೂ ಕೆನಡಾ (ನೈಸರ್ಗಿಕವಾಗಿ). ಏಪ್ರಿಲ್ 30, 2003ರಿಂದ ಅವರಿಗೆ ಬ್ರಿಟಿಷ್ ನಾಗರೀಕತೆಯ ಅರ್ಹತೆಯನ್ನು ನೀಡಲಾಗಿದೆ, ಏಕೆಂದರೆ ಆತನ ತಾಯಿ ಬ್ರಿಟನ್ನಲ್ಲಿ-ಜನ್ಮ ತಾಳಿದವಳು. ರೀವ್ಸ್ ಕ್ಯಾನೆಡಿಯನ್ ಆಗಿ ಬೆಳೆದರು ಹಾಗೂ ಹಾಗೆಯೆ ಗುರುತಿಸಲ್ಪಡುತ್ತಾರೆ. ಅವರು ಮದುವೆ ಆಗಲಿಲ್ಲ. ಡಿಸೆ0ಬರ್ 1999ರರಲ್ಲಿ ರೀವ್ಸ್ ನ ಗೆಳತಿ ಜೆನ್ನಿಫರ್ ಸಿಮ್ಹೆಣ್ಣು ಮಗುವೊಂದಕ್ಕೆ ಜನ್ಮ ನೀಡಿದರೂ ಅದು ಪ್ರಸವ ಪೂರ್ವ ಮರಣ ಹೊಂದಿತ್ತು. ಅದಕ್ಕೆ ಅವಾ ಆರ್ಚರ್ ಸಿಮ್-ರೀವೆಸ್ ಎಂದು ನಂತರ ಹೆಸರಿಟ್ಟಿದ್ದರು. ಎಪ್ರಿಲ್ 2001 ರಲ್ಲಿ ಸಿಮ್ ಕಾರ್ ಅಪಘಾತವೊಂದರಲ್ಲಿ ಮರಣ ಹೊ0ದಿದರು[10] ಆಕೆಯನ್ನು ಕ್ಯಾಲಿಫೋರ್ನಿಯಾದ ಲಾಸ್ ಎಂಜಲೀಸ್ನ, ವೆಸ್ಟ್ವೂಡ್ ವಿಲೇಜ್ ಮೆಮೋರಿಯಲ್ ಪಾರ್ಕ್ ಸಿಮೆಟರಿಯಲ್ಲಿ ಆಕೆಯ ಮಗಳ ಸಮಾಧಿಯ ಪಕ್ಕದಲ್ಲೇ ಸಮಾಧಿ ಮಾಡಲಾಯಿತು. 2008ರಲ್ಲಿ ಲಾಸ್ ಏಂಜಲೀಸ್ ಆಸ್ಪತ್ರೆಯಿಂದ ತನ್ನ ಸಂಬಂಧಿಯೊಬ್ಬನನ್ನು ನೋಡಿಕೊಂಡು ಬರುವಾಗ ರೀವ್ಸ್ ತನ್ನ ಪೋಶೆ(Porsche)ದಿಂದ ಅಪಘಾತ ಮಾಡಿ ತನಗೆ ಗಾಯ ಮಾಡಿದ ಎಂದು ಪಾಪರಝೋ ಅಲಿಸನ್ ಸಿಲ್ವಾ ಎಂಬಾತ ಲಾಸ್ ಏಂಜಲೀಸ್ನ ಸುಪೀರಿಯರ್ ಕೋರ್ಟ್ನಲ್ಲಿ $711,974[11] ಗಾಗಿ ಆತನ ಮೇಲೆ ದಾವೆ ಹೂಡಿದನಾದರೂ, ಅದು ಸೋತಿತು.[12][13] ಪಪರಾಜೋ ಹೂಡಿದ್ದ ಮೊಕದ್ದಮೆಯು ವಿಚಾರಣೆಗೆ ಒಂದು ವರ್ಷ ತೆಗೆದುಕೊಂಡಿತು ಹಾಗೂ ಒಂದೇ ತಾಸಿನಲ್ಲಿ ಎಲ್ಲ 12 ನ್ಯಾಯಾಧೀಶರು ಪ್ರಕರಣವನ್ನು ವಜಾಗೊಳಿಸಿದರು.[14] ರೀವ್ಸ್ಗೆ ಸಂಗೀತದಲ್ಲಿ ಕೂಡ ಆಸಕ್ತಿಯಿತ್ತು.1990 ರ ದಶಕದಲ್ಲಿ ಅವರು ಗ್ರಂಜ್ಬ್ಯಾಂಡ್ ಡಾಗ್ಸ್ಟಾರ್ನಲ್ಲಿ ಬಾಸ್ ಗಿಟಾರ್ ನುಡಿಸುತ್ತಿದ್ದರು ಮತ್ತು 2000 ರಲ್ಲಿ ಬ್ಯಾಂಡ್ ಬೆಕಿ ಯೊಂದಿಗೆ ಪ್ರದರ್ಶನ ನೀಡಿದ್ದರು.
ವರ್ಷ | ಸಿನಿಮಾ | ಪಾತ್ರ |
---|---|---|
1985 | ಲೆಟ್ಟಿಂಗ್ ಗೋ | ಸ್ಟೀರಿಯೋ ಟೀನ್ #1 |
ಒನ್ ಸ್ಟೆಪ್ ಅವೇ | ರಾನ್ ಪೆಟ್ರೀ | |
1986 | ಯಂಗ್ಬ್ಲಡ್ | ಹೀವರ್ |
ಫ್ಲೈಯಿಂಗ್ |
ಟಾಮಿ ವರ್ನೈಕ್ | |
ಯಂಗ್ ಅಗೇನ್ | ಮೈಕ್ ರಿಲೇ ವಯಸ್ಸು 17 | |
ಅಂಡರ್ ದ ಇನ್ಫ್ಲುಯೆನ್ಸ್ | ಎಡ್ಡೀ ಟಾಲ್ಬೋಟ್ | |
ಆಯ್ಕ್ಟ್ ಆಫ್ ವೆಂಜಿಯನ್ಸ್ |
ಬಡ್ಡಿ ಮಾರ್ಟಿನ್ | |
ರಿವರ್ಸ್ ಎಡ್ಜ್ | ಮ್ಯಾಟ್ | |
ಬ್ರದರ್ಹುಡ್ ಆಫ್ ಜಸ್ಟೀಸ್ | ಡೆರೆಕ್ | |
ಬೇಬ್ಸ್ ಇನ್ ಥಾಯಲ್ಯಾಂಡ್ | ಜ್ಯಾಕ್ | |
1988 | ಪರ್ಮನೆಂಟ್ ರಿಕಾರ್ಡ್ |
ಕ್ರಿಸ್ ಟೌನ್ಸೆಂಡ್ |
ಪೆನ್ಸಿಲ್ವಾನಿಯ ದ ಪ್ರಿನ್ಸ್ | ರುಪರ್ಟ್ ಮಾರ್ಷೆಟ್ಟಾ | |
ದ ನೈಟ್ ಬಿಫೋರ್ |
ವಿನ್ಸ್ ಟಾನ್ ಕನ್ನೆಲ್ಲಿ | |
ಡೇಂಜರಸ್ ಲಯೇಶನ್ಸ್ | ಲಿ ಶೆವಲಿಯರ್ ರಾಫೇಲ್ ಡ್ಯಾನ್ಸೆನಿ | |
1989 | ಬಿಲ್ ಆಂಡ್ ಟೆಡ್ಸ್ ಎಕ್ಸಲೆಂಟ್ ಅಡ್ವೆಂಚರ್ | ತೆಡ್ "ತೆಡೊರ್"ಲೊಗನ್ |
ಪೇರೆಂಟ್ಹುಡ್ | ಟಾಡ್ ಹಿಗ್ಗಿನ್ಸ್ | |
1990 | ಐ ಲವ್ ಯು ಟು ಡೆತ್ | ಮಾರ್ಲನ್ ಜೇಮ್ಸ್ |
ಟ್ಯೂನ್ ಇನ್ ಟುಮಾರೋ | ಮಾರ್ಟಿನ್ ಲೊಡರ್ | |
1991 | ಪಾಯಿಂಟ್ ಬ್ರೆಕ್ |
ಎಪ್ ಬಿ ಐ ನ ಪ್ರತ್ತೇಕ ಏಜೆನ್ಸಿ ಜಾನ್ ’ಜಾನ್ನಿ’ಉತಾಹ್ |
ಬಿಲ್ ಆಂಡ್ ಟೆಡ್ಸ್ ಬೊಗಸ್ ಜರ್ನಿ | ಟೆಡ್ ತಿಯೊಡೊರ್" ಲೊಗನ್/ಇವಿಲ್ ಟೆಡ್ | |
ಮೈ ಓನ್ ಪ್ರೈವೇಟ್ ಇದಾಹೊ |
ಸ್ಕಾಟ್ ಫೇವರ್ | |
ಪ್ರೊವಿಡೆನ್ಸ್ | ಎರಿಕ್ | |
1992 | ಬ್ರಾಮ್ ಸ್ಟೋಕರ್ಸ್ ಡ್ರಾಕುಲಾ | ಜೊನಾತನ್ ಹರ್ಕರ್ |
1993 | ಮಚ್ ಅಡೊ ಎಬೌಟ್ ನಥಿಂಗ್ | ಡೊನ್ ಜಾನ್ |
ಲಿಟಲ್ ಬುದ್ಧ | ರಾಜ ಸಿದ್ದಾರ್ಥ/ಲಾರ್ಡ್ ಬುದ್ಧ | |
ಪೊಯಟಿಕ್ ಜಸ್ಟೀಸ್ | ಮನೆಯಿಲ್ಲದವ (ಅನ್ಕ್ರೆಡಿಟೆಡ್) | |
ಪ್ರೀಕ್ಡ್ |
ಅರ್ಟಿಜ್ ದ್ ಡಾಗ್ ಬಾಯ್ (ಅನ್ಕ್ರೆಡಿಟೆಡ್) | |
ಈವನ್ ಕವ್ಗರ್ಲ್ಸ್ ಗೆಟ್ ದ ಬ್ಲೂಸ್ | ಜುಲಿಯನ್ ಗಿಟ್ಚೇ | |
1994 | ಸ್ಪೀಡ್ | ಸಂಸ್ಥಾಪಕ ಜಾಕ್ ತ್ರವೆನ್ |
1995 | ಜಾನಿ ನೆಮೊನಿಕ್ | ಜಾನಿ |
ಎ ವಾಕ್ ಇನ್ ದ ಕ್ಲೌಡ್ಸ್ | Sgt.ಪಾಲ್ ಸುಟ್ಟನ್ | |
1996 | ಚೈನ್ ರಿಯಾಕ್ಷನ್ | ಕಸಲಿವಿಚ್ |
ಫೀಲಿಂಗ್ ಮಿನ್ನೆಸೊಟಾ | ಜಾಕ್ಸ್ ಕ್ಲೈಟನ್ | |
1997 | ದ ಲಾಸ್ಟ್ ಟೈಮ್ ಐ ಕಮಿಟೆಡ್ ಸುಯಿಸೈಡ್ | ಹ್ಯಾರಿ |
ದ ಡೆವಿಲ್ಸ್ ಅಡ್ವೊಕೇಟ್ | ಕೆವಿನ್ ಲೊಮ್ಯಾಕ್ಸ್ | |
1999 | ದಿ ಮೆಟ್ರಿಕ್ಸ್ | ಥಾಮಸ್ ಅಂಡರ್ಸನ್ |
ಮಿ ಆಂಡ್ ವಿಲ್ | ತಮ್ಮದೇ ಪಾತ್ರ | |
2000 | ದ ರಿಪ್ಲೇಸ್ಮೆಂಟ್ | ಶಾನೆ ಪಾಲ್ಕೊ |
ದ ವಾಚರ್ |
ಡೆವಿಡ್ ಅಲೆನ್ ಗ್ರಿಪ್ಪಿನ್ | |
ದ ಗಿಫ್ಟ್ | ಡಾನ್ನೀ ಬಾರ್ಕ್ಸ್ಡೇಲ್ | |
2001 | ಸ್ವೀಟ್ ನವೆಂಬರ್ | ನೆಲ್ಸ್ನ್ ಮೊಸ್ |
ಹಾರ್ಡ್ಬಾಲ್ | ಕಾನರ್ ಓ’ನೆಲ್ | |
2003 | ದ ಮೆಟ್ರಿಕ್ಸ್ ರಿಲೋಡೆಡ್ | ಥಾಮಸ್ ಅಂಡ್ರ್ಸನ್/ನಿಯೋ |
ದ ಅನಿಮೆಟ್ರಿಕ್ಸ್ | ಥಾಮಸ್ ಅಂಡ್ರಸನ್/ನಿಯೋ | |
ದ ಮೆಟ್ರಿಕ್ಸ್ ರಿವೊಲ್ಯುಶನ್ | ಥಾಮಸ್ ಅಂಡ್ರಸನ್/ನಿಯೋ | |
ಸಮ್ ಥಿಂಗ್ಸ್ ಗೊಟ್ಟ ಗಿವ್ | ಡಾ.ಜೂಲಿಯನ್ ಮರ್ಸರ್ | |
2005 | ಕಾನ್ಸ್ಟಂಟೈನ್ | ಜಾನ್ ಕಾನ್ಸ್ಟಂಟೈನ್ |
ಥಂಬ್ಸಕ್ಕರ್ | ಪೆರ್ರಿ ಲೈಮನ್ | |
ಎಲೈ ಪಾರ್ಕರ್ | ತಮ್ಮದೇ ಪಾತ್ರ | |
2006 | ದ ಲೇಕ್ ಹೌಸ್ |
ಅಲೆಕ್ಸ್ ವೈಲರ್ |
ಎ ಸ್ಕ್ಯಾನರ್ ಡಾರ್ಕ್ಲಿ | ಬಾಬ್ ಆರ್ಕ್ಟರ್ | |
೨೦೦೮ | ಸ್ಟ್ರೀಟ್ ಕಿಂಗ್ಸ್ | ಡಿಟಕ್ಟಿವ್ ಟಾಮ್ ಲುಡ್ಲೊ |
ದ ಡೇ ದ ಅರ್ಥ್ ಸ್ಟುಡ್ ಸ್ಟಿಲ್ | ಕ್ಲಾಟು | |
2009 | ದ ಪ್ರೈವೆಟ್ ಲೈವ್ಸ್ ಆಫ್ ಪಿಪ್ಪಾ ಲೀ | ಕ್ರಿಸ್ ನಾಡಿಯೊ |
2010 | ಪ್ಯಾಸೆಂಜರ್ಸ್ |
ಜಿಮ್ ಪ್ರೆಸ್ಟನ್ |
ಕಾರ್ಟೆಜಿನಾ |
ಪಾತ್ರ ಗೊತ್ತಿಲ್ಲ | |
2011 | ಜಾಕೈಲ್ | ಡಾ.ಜಾಕೈಲ್ |
ಕೌಬಾಯ್ ಬೆಬೊಪ್ | ಸ್ಪೈಕ್ ಸ್ಪಿಜೆಲ್[6][7] | |
(TAB) | ||
ರಾಮಾಯಣ | ರಾಮ[15] | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.