![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3c/Crocodylus_porosus_with_GPS-based_satellite_transmitter_attached_to_the_nuchal_rosette_-_journal.pone.0062127.g002.png/640px-Crocodylus_porosus_with_GPS-based_satellite_transmitter_attached_to_the_nuchal_rosette_-_journal.pone.0062127.g002.png&w=640&q=50)
ಟೆಲಿಮಿಟ್ರಿ
From Wikipedia, the free encyclopedia
ಟೆಲಿಮೆಟ್ರಿ (ದೂರಮಾಪನೆ) ಎಂದರೆ ದೂರದ ಒಂದು ಭೌತಿಕ ಘಟನೆಯನ್ನು ತಿಳಿಯುವ ವ್ಯವಸ್ಥೆ ಹಾಗೂ ದೂರದಿಂದ ಅಳೆಯುವ ವ್ಯವಸ್ಥೆ.[1] ಇದು ಎಲೆಕ್ಟ್ರಾನಿಕ್ ಎಂಜಿನಿಯರಿಂಗಿನ ಒಂದು ವಿಭಾಗ.
![Thumb image](http://upload.wikimedia.org/wikipedia/commons/thumb/3/3c/Crocodylus_porosus_with_GPS-based_satellite_transmitter_attached_to_the_nuchal_rosette_-_journal.pone.0062127.g002.png/320px-Crocodylus_porosus_with_GPS-based_satellite_transmitter_attached_to_the_nuchal_rosette_-_journal.pone.0062127.g002.png)
ಈ ಪದವು ಸಾಮಾನ್ಯವಾಗಿ ನಿಸ್ತಂತು ದತ್ತ ವರ್ಗಾವಣೆ ವ್ಯವಸ್ಥೆಗಳನ್ನು (ಉದಾ. ರೇಡಿಯೊ, ಶ್ರವಣಾತೀತ, ಅಥವಾ ಅವರಕ್ತ ವ್ಯವಸ್ಥೆಗಳನ್ನು ಬಳಸುವುದು) ಸೂಚಿಸುತ್ತದೆಯಾದರೂ, ಇದು ದೂರವಾಣಿ ಅಥವಾ ಕಂಪ್ಯೂಟರ್ ಜಾಲ, ದ್ಯುತಿ ಸಂಪರ್ಕಕೊಂಡಿ ಅಥವಾ ವಿದ್ಯುತ್ ತಂತಿ ವಾಹಕಗಳಂತಹ ಇತರ ತಂತಿಯುಳ್ಳ ಸಂವಹನಗಳಂತಹ ಇತರ ಮಾಧ್ಯಮಗಳ ಮೂಲಕ ವರ್ಗಾಯಿಸಲಾದ ದತ್ತವನ್ನು ಕೂಡ ಒಳಗೊಳ್ಳುತ್ತದೆ. ಅನೇಕ ಆಧುನಿಕ ದೂರಮಾಪನೆ ವ್ಯವಸ್ಥೆಗಳು ಜಿಎಸ್ಎಂ ಜಾಲಗಳ ಕಡಿಮೆ ವೆಚ್ಚ ಮತ್ತು ಸರ್ವವ್ಯಾಪಕತೆಯ ಅನುಕೂಲತೆಯನ್ನು ಬಳಸಿಕೊಳ್ಳುತ್ತವೆ; ಇವು ದೂರಮಾಪನೆ ದತ್ತವನ್ನು ಪಡೆಯಲು ಮತ್ತು ಪ್ರಸಾರಿಸಲು ಎಸ್ಎಂಎಸ್ನ್ನು ಬಳಸುತ್ತವೆ.
ಸಾಧಾರಣವಾಗಿ ಅತಿ ದೂರದಿಂದ ವಸ್ತುವಿನ ಪರಿಮಾಣ ಅಥವಾ ಗುಣಗಳನ್ನು ತಿಳಿಯುವುದು ಟೆಲಿಮೆಟ್ರಿಯ ಉದ್ದೇಶ. ಮೋಜಣಿದಾರರೂ, ಎಂಜಿನಿಯರುಗಳು ಇದನ್ನು ಬಳಸುತ್ತಾರೆ. ಒಂದು ಸ್ಥಳದಲ್ಲಿ ಭೌತಿಕ ಪರಿಮಾಣಗಳನ್ನು ಅಳೆಯುವುದು ಮತ್ತು ಈ ಮಾಹಿತಿಯನ್ನು ಅಪೇಕ್ಷಿತ ಜಾಗಕ್ಕೆ ಕಳುಹಿಸಿ ತಿಳಿಸುವುದು, ಇದನ್ನು ಟೆಲಿಮಿಟ್ರಿ ವ್ಯವಸ್ಥೆ ಒಳಗೊಂಡಿರುತ್ತದೆ.
ಚಾಲಕ ಸಹಿತ/ರಹಿತ ವಿಮಾನಗಳ ಪರೀಕ್ಷಾ ಹಾರಾಟದಲ್ಲಿ ಅವುಗಳ ದಕ್ಷತೆ ಮತ್ತು ಹವಾಬಲೂನುಗಳಿಂದ ಹವೆಗೆ ಸಂಬಂಧಿಸಿದ ಸುಸಂಗತ ಮಾಹಿತಿ ಪಡೆಯಲು 1930ರ ದಶಕದಲ್ಲಿ ಈ ತಂತ್ರವಿದ್ಯೆ ವಿಕಸಿಸಿತು.