Қаратау ауданы

Қаратау ауданы – Шымкент қаласының әкімшілік-аумақтық бірлігі. 2014 жылы құрылған. Аудан атын атақты ақын, жазушы, қоғам қайраткері Мархабат Байғұт ұсынды.^[3]

Қала ішіндегі аудан
Қаратау ауданы
Әкімшілігі
Қаласы	Шымкент
Әкімі	Рахымберді Жанысбекұлы Мүлкеманов
Аудан әкімдігінің мекенжайы	Шымкент қаласы, Бәйдібек би даңғылы, №60
Тарихы мен географиясы
Құрылған уақыты	2014 жыл
Жер аумағы	322,56 км²
Уақыт белдеуі	UTC+5:00
Тұрғындары
Тұрғыны	354 349[1] адам (2023)
Ұлттық құрамы	қазақтар (69,58%), өзбектер (22,89%), орыстар (3,88%), басқалары (3,65%)[2]
Сандық идентификаторлары
Телефон коды	+7 7252
Автомобиль коды	17
Қаратау ауданы әкімінің аппараты

Шекарасы

Қаратау ауданы Шымкент қаласының солтүстік-шығыс бөлігінде орналасқан. Ауданның батыс бөлігі Абай ауданымен шектеседі. Оңтүстік-батыс бөлігі Тұран ауданымен шектеседі. Оңтүстік-шығыс бөлігі Әл-Фараби және Еңбекші аудандарымен шектеседі.

Аудан шекарасы Бәйдібек би даңғылы мен Жошы хан көшесінің қиылысынан басталады.

Жошыхан көшесімен солтүстік бағытқа бұрылып, ұзақтығы 10600 метр, қаланың "Нұрсәт", "Қайтпас-1", "Тұран", "Шымкент Сити", "Бозарық", "Бозарық-3" шағын аудандарының бойымен қаланың солтүстік шекарасына сәйкес келетін айналма автожолға (Түркістан облысы Бәйдібек ауданы Шаян ауылына бағыт) жетеді.

Одан әрі қаланың солтүстік шекарасымен шығыс бағытқа бұрылып, ұзақтығы 7300 метр, Батыс Еуропа-Батыс Қытай халықаралық транзит дәлізінің қиылысына дейін жетеді.

Батыс Еуропа-Батыс Қытай халықаралық транзит дәлізінің қиылысынан қаланың солтүстік-шығыс шекарасымен өтіп, "Береке" шағын ауданын, "Мәртөбе" тұрғын алабын айналып өтіп, ұзақтығы 8700 метр, Жібек жолы даңғылының (Шымкент-Алматы трассасы) қиылысына дейін жетеді.

Жібек жолы даңғылынан (Шымкент-Алматы трассасы), ұзақтығы 25000 метр, қаланың солтүстік-шығыс шекарасымен өтіп, "Қызылсу" тұрғын алабын (Түркістан облысы Сайрам ауданының Ақсукент ауылына бағыт), "Өтеміс" тұрғын алабын (Түркістан облысы Сайрам ауданының Ақбұлақ ауылына бағыт), "Шапырашты" тұрғын алабы (Түркістан облысы Сайрам ауданының Қарамұрт ауылына бағыт) айналып өтіп Сайрам өзені арнасының қиылысына дейін жетеді.

Одан әрі Сайрам өзенінің арнасымен, ұзақтығы 20800 метр, батыс бағытқа бұрылып, "Шапырашты" тұрғын алабын айналып өтіп, Ю.Сареми көшесін, "Базарқақпа" тұрғын алабын, "Тұрдыабад" тұрғын алабын қиып өтеді, шаруа қожалығын жүргізуге арналған жерлердің бойымен солтүстік бағытта Мукуми көшесінің қиылысына дейін бұрылады.

Мукуми көшесімен солтүстік бағытқа бұрылып, ұзақтығы 700 метр, Әмір Темір көшесінің қиылысына дейін жетеді.

Одан әрі Әмір Темір көшесімен солтүстік бағытқа бұрылып, ұзақтығы 1700 метр, шаруа қожалығын жүргізуге арналған жерлерді айналып Гозахан көшесінің қиылысына дейін жетеді.

Гозахан көшесімен батыс бағытқа бұрылып, ұзақтығы 1700 метр, Әл-Фараби көшесінің қиылысына дейін жетеді.

Одан әрі Әл-Фараби көшесімен солтүстік бағытқа бұрылып, ұзақтығы 1700 метр, Ибрагим ата және Момынов көшелерінің қиылысына дейін жетеді.

Ибрагим ата мен Момынов көшелерінің қиылысынан, ұзақтығы 4600 метр, темір жол бойымен (М.Қалмырзаев көшесі) М.Әуезов көшесіне шыға отырып, солтүстік-батыс бағытқа бұрылып, одан әрі К.Тіленшин көшесіне және ол арқылы солтүстік бағытта Жібек жолы даңғылының қиылысына дейін жетеді.

Жібек жолы даңғылымен, ұзақтығы 3450 метр, батыс бағытқа бұрылып, Х.Пазиков көшесінің қиылысына дейін жетеді.

Одан әрі Х.Пазиков көшесімен Ө.Жәнібеков көшесіне шыға отырып, ұзақтығы 3000 метр, солтүстік-батыс бағытқа бұрылып, оның бойымен батыс бағытта С.Бәйтереков көшесінің қиылысына дейін жетеді.

Одан әрі С.Бәйтереков көшесімен солтүстік бағытқа бұрылып, ұзақтығы 900 метр, Жошы хан көшесінің қиылысына дейін жетеді.

Одан әрі Жошы хан көшесімен батыс бағытқа бұрылып, ұзақтығы 1050 метр, Бәйдібек би даңғылының қиылысына дейін жетеді.

Құрамы

Қаратау ауданына 28-ден астам елді мекендер мен шағын аудандар енгізілген. Қаратау ауданы "Азат", "Ақжайық", "Асар", "Бозарық", "Достық". "Достық-2". "Қайнар бұлақ". "Қайтпас", "Қызылсай", "Мәртөбе", "Мирас" (жартылай), "Нұрсәт", "Нұртас", "Орманшы", "Өтеміс", "Сайрам", "Тәжірибе бекеті", "Таскен", "Тассай", "Тұран", "Шапырашты" шағын аудандары мен тұрғын алаптарын біріктірді.

Халық саны

Ауданның ұлттық құрамы (2019 жылдың басына):

• қазақтар – 144 056 адам (65,86 %)
• өзбектер – 56 066 адам (25,63 %)
• орыстар – 9 834 адам (4,50 %)
• әзірбайжандар – 3 176 адам (1,45 %)
• түріктер – 2 114 адам (0,97 %)
• татарлар – 1 031 адам (0,47 %)
• кәрістер – 600 адам (0,27 %)
• күрдтер – 460 адам (0,21 %)
• украиндар – 285 адам (0,13 %)
• парсылар – 196 адам (0,09 %)
• ұйғырлар – 127 адам (0,06 %)
• қырғыздар – 125 адам (0,06 %)
• немістер – 120 адам (0,05 %)
• тәжіктер – 91 адам (0,04 %)
• башқұрттар – 43 адам (0,02 %)
• гректер – 39 адам (0,02 %)
• шешендер – 33 адам (0,02 %)
• басқалары – 337 адам (0,15 %)

Барлығы – 218 733 адам (100,00 %)

Әкімдер

1. Исмаилов Ғалым Ыбрайұлы (2015 жылдың қаңтарынан бастап 2016 жылдың тамызына дейін)
2. Мәуленқұлов Ғабит Патшаханұлы (2016 жылдың тамызынан бастап 2018 жылғы шілдеге дейін)
3. Кантураев Исамидин Мұхитдинұлы (2018 жылғы шілдеден бастап 2019 жылғы тамызға дейін)
4. Әліқұлов Абзал Шымкентбайұлы (2019 жылғы тамыздан бастап 2022 жылғы сәуірге дейін)
5. Рақымберді Жанысбекұлы Мүлкеманов (2022 жылғы сәуірден бастап)

Дереккөздер

1. Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
2. Қазақстан Республикасы халқының жекелеген этностары бойынша саны (2022 жыл басына)
3. Шымкент қаласы Қаратау ауданы әкімінің аппараты