Жетісу губерниясы

Жетісу губерниясы — 1924-1928 жылдары болған Қырғыз (1925 ж. бастап — Қазақ) Автономиялық Социалистік Кеңестік Республикасының әкімшілік-аумақтық бірлігі. Орталығы – Алматы қаласы.

Губерния
Жетісу губерниясы
Әкімшілігі
Ел	КСРО
Кіреді	Қырғыз АСКР Қазақ АКСР
Әкімшілік орталығы	Алматы
Тарихы мен географиясы
Құрылған уақыты	1924
Таратылған уақыты	1928
Жер аумағы	283 мың км²
Тұрғындары
Тұрғыны	886,7 мың адам (1926)
Ресми тілдері	қазақ, орыс

Губерния 1924 жылы Жетісу облысының солтүстік уездерінен құрылған. 4 уезге бөлінді:

• Алматы уезі. Орталығы — Алматы қаласы.
• Жаркент уезі. Орталығы — Жаркент қаласы.
• Лепсі уезі. Орталығы — Лепсі ауылы (1926 жылдың қаңтарынан 1927 жылдың наурызына дейін Лепсі қала мәртебесіне ие болды)
• Талдықорған уезі. Орталығы — Талдықорған ауылы (1926 жылдың ақпанынан бастап — қала)

1925 жылы 3 маусымда уездік құқығымен Шу ауданы құрылды.

1928 жылы 17 қаңтарда губерния таратылды. Оның аумағы Алматы және Семей округтері арасында бөлінді.

1926 жылғы халық санағы бойынша губернияда 886,7 мың адам тұрған. Соның ішінде қазақтар – 63,5%; орыстар – 16,2%; украиндар – 10,0%; ұйғырлар – 7,0%; татарлар – 1,1% болды.