АҚШ Өкілдер палатасы

Америка Құрама Штаттарының Өкілдер палатасы^[1][2] (ағылш. House of Representatives of the United States of America) — АҚШ Конгрессінің төменгі палатасы. Палатаға федералдық заң жобаларын қабылдау жүктеледі; Сенат қабылдағандары президентке қол қоюға немесе вето қоюға жіберіледі. Палатаның атқарушы билік өкілеттіктеріне кірістер туралы барлық заң жобаларына бастамашылық жасау, федералдық лауазымдағыларға импичмент жариялау және Сайлаушылар алқасында бірде-бір кандидат көп дауыс жинамаған жағдайда президентті сайлау кіреді.

АҚШ Өкілдер палатасы ағылш. US House of Representatives
118-шақырылымы
Мемлекет	АҚШ
Түрі
Түрі	АҚШ Конгрессінің төменгі палатасы
Сайлану мерзімі	2 жыл, қайта сайлану шектелмеген
Басшылығы
Спикері	Майк Джонсон, Республикалық 25 қазан 2023 жылдан бері
Көпшілік көшбасшысы	Стивен Скэлис, Республикалық 3 қаңтар 2023 жылдан бері
Азшылық көшбасшысы	Хаким Джеффрис, Демократиялық 3 қаңтар 2023 жылдан бері
Құрылымы
Фракциялары	Демократиялық партия (216)      Республикалық партия (213)      Бос (6)
Сайлауы
Дауыс беру жүйесі	салыстырмалы көпшілік жүйесі (46 штат) рейтингтік дауыс беру (2 штат) екіайналымды дауыс беру (2 штат)
Соңғы сайлауы	8 қараша 2022
Жиналыс залы
Штаб-пәтері	Капитолий, Вашингтон
Тарихы
Құрылуы	1787 жыл
Ізашары	Конфедерация Конгрессі
house.gov
United States House of Representatives
Бұл үлгіні: көру • талқылау • өңдеу

Палатадағы өкілдер саны 435 тең, бұл сан Конституцияда бекітілген және 1963 жылдан бері өзгермеген. Штаттың әр өкілі екі жыл сайын сайланып отырады, қайта сайлану саны шектелмеген. Палатаның көшбасшысы — өкілдер сайлайтын спикері.

Мүшелік

Палатадағы мүшелікке барлық үміткердің жасы 25 жоғары болу керек және олар кеміне 7 жыл АҚШ азаматы болып, өкілі болғысы келген штатта тұру керек.

2014 жылғы желтоқсандағы жағдай бойынша әрбір өкілдің жылдық жалақысы 174,000 АҚШ долларын құрайды,^[3] бұл сан Сенаттың әрбір мүшесімен бірдей.^[4] Өкілдер палатасының спикері және көпшілік және азшылық көшбасшылары көбірек жалақы алады: спикер үшін $223,500 және партия жетекшілері үшін $193,400 беріледі.^[3]

Сайлануы

Өкілдер палатасы әр 2 жыл сайын сайланады. Заң бойынша сайлау кезінде дауыс беруге құқылы 435 және дауыс беруге құқығы жоқ 6 өкіл бірмандаттық округтерден сайланады.

Өкілдердің сайлауы жұп санды жыл сайын бүкіл ел бойынша белгіленген бір сайлау күні өткізіледі — бұл қарашаның бірінші дүйсенбісінен кейінгі бірінші сейсенбі (жылға байланысты бұл күн 2–8 қараша күндеріне сәйкес келеді). Кібісе жылдарда бұл сайлау АҚШ президент сайлауы күнімен тұспа-тұс келеді.

АҚШ құрамындағы әр штат кеміне бір өкілге ие болады, халық саны көп штаттар бірден де көп өкіл сайлайды (мысалы Мэннен 2 өкіл сайланса, Калифорниядан 53 дейін өкіл сайланады).

Соңғы сайлауы

Толық мақаласы: АҚШ Өкілдер палатасының сайлауы (2022)

Партиясы		Мүшелері	Делегаттары/резидент- комиссияшылар (дауыс бере алмайды)	Штат көпшілігі
	Республикалық	221	3	26
	Демократиялық	213	3	22
	Орны бос	1
Жалпы саны		435	6	50

Жалақылары

2010 жылдың қаңтарындағы жағдай бойынша әрбір өкілдің жылдық жалақысы 174 мың доллар (яғни айына 14,5 мың доллар) болып белгіленді.

Америка Құрама Штаттарының Конституциясына енгізілген жиырма жетінші түзетуге сәйкес, Өкілдер палатасының мүшелері мен АҚШ сенаторларының жалақысын өзгертетін заң Өкілдер палатасының келесі сайлауына дейін күшіне енбейді.

Дереккөздер

1. АҚШ-та өкілдер палатасының спикері болып республикашыл Майк Джонсон сайланды. Ол Украинаға көмек көрсетуге қарсы  (қаз.). Азаттық радиосы (26 қазан 2023). Тексерілді, 25 желтоқсан 2023.
2. АҚШ өкілдер палатасы алғаш рет спикердің отставкасын қолдап дауыс берді  (қаз.). Азаттық радиосы (4 қазан 2023). Тексерілді, 25 желтоқсан 2023.
3. Brudnick, Ida A. Congressional Salaries and Allowances  (ағыл.). CRS Report for Congress (4 January 2012). Мұрағат көшірмесі Wayback Machine мұрағатында
4. Senate Salaries since 1789  (ағыл.). АҚШ Сенаты. Мұрағат көшірмесі Wayback Machine мұрағатында

Сыртқы сілтемелер

• Палатаның ресми сайты