Рейн

Рейн^[1] (нем. Rheіn, франц. Rhіn) — Батыс Еуропадағы ірі өзендердің бірі.

Рейн
Рейн
Сипаттамасы
Ұзындығы	1233 км
Су алабының ауданы	185 000 км²
Су алабы	Солтүстік теңізі
Су шығыны	2200 м³/с
Су ағысы
Бастауы	Альпі
• Биіктігі	2412 м
Сағасы	Солтүстік теңізі
• Биіктігі	0 м
Орналасуы
Рейн өзенінің картасы
Ел	Швейцария, Лихтенштейн, Австрия, Германия, Франция, Нидерланд
Ортаққордағы санаты: Рейн

Ұзындығы 1320 км, су жиналатын алабының аум. 224,4 мың км². Өзен Швейцария Альпісінен Алдыңғы Рейн және Соңғы Рейн бастауларынан басталып, Швейцария, Лихтенштейн, Австрия, Германия, Нидерланд, Франция жерлерімен ағып өтіп, Солтүстік т-ге құяды. Негізгі салалары — Ааре, Мозель, Маас (сол), Неккар, Майн, Рур (оң). Орташа су ағымы 2500 м³/с, жылдық ағын мөлшері 79 км³. Ағысының сипатына, аңғарларының морфологиясына байланысты өзен: таулы, жоғарғы, ортаңғы Рейн және төменгі Рейн болып бөлінеді.

Рейн — Батыс Еуропадағы халықар. маңызы бар су жолы, төм. ағысында жылына 100 млн. т-дай жүк тасымалданады (күніне 650 — 700 кеме). Базель қ-на дейін (атырауынан 886 км) және Боден к-нде (66 км) кеме қатынасы бар. Рейн өз. алабындағы су жолының жалпы ұзындығы 3000 км-дей; Рона, Марна, Везер, Эмс, Эльба өзендерімен каналдар арқылы жалғасқан. Швейцария, Франция, Германия жерлерінде СЭС-тер салынған. Рейн бойында Базель (Швейцария), Страсбур (Франция), Мангейм, Майнц, Бонн, Кельн, Дюссельдорф, Дуйсбург (Германия) қ-лары; атырауында — Роттердам (Нидерланд) теңіз порты орналасқан.

Дереккөздер

1. Қазақша энциклопедия 7 том.