Екібастұз ауданы

Екібастұз ауданы — 1972-1997 жылдары болған Қазақ КСР-нің Павлодар облысының әкімшілік бірлігі. Орталығы — Екібастұз қаласы.

Аудан
Екібастұз ауданы
Әкімшілігі
Ел	Қазақстан
Кіреді	Павлодар облысы
Енеді	10 ауылдық округ, 2 кент
Әкімшілік орталығы	Екібастұз
Тарихы мен географиясы
Құрылған уақыты	10 наурыз 1972
Таратылған уақыты	7 мамыр 1997
Тұрғындары
Тұрғыны	12 607 адам (2009)

Тарихы

Екібастұз ауданы 1972 жылы 10 наурыздағы Қазақ КСР Жоғарғы Кеңесінің Жарлығымен құрылды. Құрамына Краснокутск, Ермак және Баянауыл аудандарының бөліктері енді. Ауданның алғашқы басшысы Печняков Владимир Иванович болды.

Аудан аумағы 19 мың шаршы шақырымды және халқы 22 мың адамды құрады. Шаруашылықтың негізгі бағыты мал өсіру болды, оның ішінде жылқы, қой және ірі қара мал өсірілді. Егістік жерлер 100 мың гектарды қамтыды, онда бидай, арпа, тары өсірілді.

1997 жылы 7 мамырда Екібастұз ауданы таратылып, аумағы Екібастұз қаласының қарамағына өтті.^[1]

Әкімшілік бөлінісі

1986 жылғы мәлімет бойынша аудан құрамында 10 ауылдық, 2 кенттік кеңес пен 32 елді мекен болған:^[2]

Әкімшілік бірлік	Орталығы	Елді мекендері
Ақкөл ауылдық кеңесі	Ақкөл ауылы	Ақкөл, Жақсыат, Зеленая Роща, Миялы, Ортақоға
Бәйет ауылдық кеңесі	Бәйет ауылы	Бәйет
Екібастұз ауылдық кеңесі	Төртүй ауылы	Ақши, Қаражар, Мыңтамыр, Төртүй, Шиліқұдық
Железнодорожный ауылдық кеңесі	Құлакөл ауылы	Құлакөл
Комсомол ауылдық кеңесі	Шиқылдақ ауылы	Жарсор, Шиқылдақ, Шілікті
Қарасу ауылдық кеңесі	Бесқауға ауылы	Әйтен, Бесқауға
Құдайкөл ауылдық кеңесі	Құдайкөл ауылы	Қарасор, Құдайкөл, Шилі
Өлеңті ауылдық кеңесі	Тай ауылы	Жартас, Көксиыр, Қарасаз, Тай, Талдықамыс
Сарықамыс ауылдық кеңесі	Сарықамыс ауылы	Қуандық, Сарықамыс
Степной ауылдық кеңесі	Көктөбе ауылы	Көктөбе, Новая База
Төртқұдық кенттік кеңесі	Төртқұдық кенті	Бозшакөл, Төртқұдық
Шідерті кенттік кеңесі	Шідерті кенті	Шідерті

Халқы

1979	1989[3]
21200	▲21843

Дереккөздер

1. Екібастұз ауданының тарихы
2. Қазақ КСР. 1986 жылғы 1 қаңтарға әкімшілік-аумақтық бөлінісі
3. Ресей империясы, КСРО халық санақтары