From Wikipedia, the free encyclopedia
Дания Ұлттық футбол құрама командасы — халықаралық футбол жарыстарында Данияның атынан сынға түсетін ұлттық құрама. Басқарушы орган — Дат Футбол Одағы. 1992 жылғы Еуропа чемпионы. 1984 жылғы Еуропа чемпионатының қола жүлдегері. Жазғы Олимпиада Ойындарының үш дүркін күміс жүлдегері (1908, 1912, 1960). 1995 жылғы Конфедерациялар кубогының жеңімпазы.
Дания Ұлттық футбол құрамасы | |||
Логотип | |||
Лақап аты |
"Дат динамиттері" | ||
---|---|---|---|
Конфедерация | |||
Федерация |
Дат Футбол Одағы | ||
Бас бапкері | |||
Капитаны | |||
Ең көп ойын саны |
Петер Шмейхель (129) | ||
Үздік бомбардир |
Поуль Нильсен, Йон Даль-Томассон (52) | ||
Үй стадионы | |||
Формасы | |||
| |||
Бірінші ойын | |||
| |||
Ең ірі жеңіс | |||
Ең ірі жеңіліс | |||
Әйгілі бапкер Зепп Пионтек команданы жаттықтырған соң Халықаралық ареналарда көзге түсе бастады. Пребен Элькяр-Ларсен, Микаэль Лаудруп, Йеспен Ольсен, Мортен Ольсен, Сорен Лербю секілді таланттар тізе қосып, 1984 жылғы Францияда өткен Еуропа чемпионатында жартылай финалға дейін жетті. Арада екі жыл өткен соң Мексикадағы әлем чемпионатында дебютант болса да, Германияны 2:0, Уругвайды 6:1, Шотландияны 1:0 есептерімен ұтып, 1/8 финалда шықты. 1/8 финалда 1:5 есебімен Испаниядан ұтылып қалды. Соған қарамастан, мамандар Зепп Пионтекті дат футболының тарихындағы үздік бапкер санайды.
Сенсацияның көкесі 1992 жылы болды. 1992 жылы Швецияда өткен Еуропа Чемпионатының финалдық турниріне Дания құрамасы жолдама ала алмай қалады. Бірақ чемпионат жақындағанда саяси хал-ахуалға байланысты быт-шыт болып тарап жатқан Югославияға БҰҰ тарапынан санкция жарияланады да, оның орнына күтпеген жерде Дания құрамасы Еуропа Чемпионатына қатысатын боп шешім шығарылады. Осылайша дат құрамасы біріншілікке ешбір дайындықсыз барады.
Топтық турнирдегі үшінші, соңғы матчтың 79-шы минутына дейін оларды ешкім плей-оффқа шығады деп ойламаған-ды. (Алғашқы екі турда оларда бір ғана ұпай бар еді). Франциямен өтіп жатқан матчтың 79-минутында Ларс Эльструп күтпеген жерде жеңіс добын соғып кетіп, құрамасын жартылай финалға алып шығады.
Жартылай финалда оларды азуын айға білеген Голландия құрамасы күтіп алды. Аты шулы құрамадан даниялықтар жасқанбайды да, ойын барысында екі рет есепте алға озды. Тек 86-минутта қақпа алдындағы қарбаласта Райкаард есепті теңестіріп кетті. Бәрібір матчтан кейінгі пенальтилер сериясында дат қақпашысы Петер Шмейхель керемет өнер көрсетіп, Дания құрамасы финалға шықты.
Финалдық матчқа Дания құрамасының негізгі құрамдағы футболшылары түгел қатысады. Бұған дейін дат шабуылшысы Ким Вильфорт ракпен ауырып жатқан қызының халін білу үшін чемпионатты тастап үйіне ұшып барып та келген-ді. Қызы науқастан тәуір бола қоймаса да Вильфорт Швецияға қайта келіп матчтарға қатысып жүрді. Финалдық матчта Вильфорт та, өзге даниялықтар да өліспей беріспеді. Олардың қарсыластары Германия еді. Азулы немістердің де бұларға тісі батпады. 19-минутта даниялықтар есеп ашқаннан кейін (голды Йон Йенсен соқты) тізгінді немістер толығымен қолдарына алғанымен, даниялықтардың қақпасын дәл көздеу оларға мұң болды. Ал ойынның 79-минутында Ким Вильфорт айып алаңының сыртынан Бодо Иллгнер қорғаған қақпаны дәл көздеп, чемпионаттың тағдырын шешкен голды соқты — 2:0!. Бұл — Еуропа Чемпионаттарының финалдық турнирлер тарихындағы 200-ші гол еді.
Дания құрамасы Еуропа Чемпионы атанды. Арада бір ай өткен соң Ким Вильфорттың қызы науқастан қайтыс болды...
Бұдан кейін Дания футболшылары 1995 жылғы Конфедерациялар кубогында чемпион атанды. 1998 жылғы әлем чемпионатын да олар керемет өткізді. Тек 1/4 финалда ғана Бразилиядан ұтылды — 2:3. ЕУРО-2000 турнирінде топтан аса алмады. 2002 жылғы Әлем чемпионатында 1/8 финалда Англиядан ұтылып қалды (0:3). Дәл осындай есеппен ЕУРО-2004 ширек финалында Чехияға жол берді де, 2010 жылға дейін ешқандай ірі жарыстарға қатыса алмады. 2010 жылғы әлем чемпионаты мен ЕУРО-2012 турнирлерінде топтан шыға алмады.
Ойыншы | Гол саны | 1986 | 1998 | 2002 | 2010 |
---|---|---|---|---|---|
Йон-Даль Томассон | 5 | 4 | 1 | ||
Пребен Элькяер-Ларсен | 4 | 4 | |||
Йеспер Ольсен | 3 | 3 | |||
Брайан Лаудруп | 2 | 2 | |||
Микаэль Лаудруп | 2 | 1 | 1 | ||
Денис Роммедаль | 2 | 1 | 1 | ||
Никлас Бендтнер | 1 | 1 | |||
Джон Эриксен | 1 | 1 | |||
Томас Хельвег | 1 | 1 | |||
Мартин Йоргенсен | 1 | 1 | |||
Сорен Лербю | 1 | 1 | |||
Петер Мёллер | 1 | 1 | |||
Алан Нильсен | 1 | 1 | |||
Марк Рипер | 1 | 1 | |||
Эббе Санд | 1 | 1 | |||
Бары | 27 | 10 | 9 | 5 | 3 |
Ойыншы | Гол саны | 1964 | 1984 | 1988 | 1992 | 1996 | 2000 | 2004 | 2012 |
---|---|---|---|---|---|---|---|---|---|
Франк Арнесен | 3 | 3 | |||||||
Хенрик Ларсен | 3 | 3 | |||||||
Брайан Лаудруп | 3 | 3 | |||||||
Йон-Даль Томассон | 3 | 3 | |||||||
Никлас Бентнер | 2 | 2 | |||||||
Пребен Элькьер-Ларсен | 2 | 2 | |||||||
Микаэль Крон-Дели | 2 | 2 | |||||||
Клаус Бергреен | 1 | 1 | |||||||
Карл Бертельсен | 1 | 1 | |||||||
Кеннет Брюлле | 1 | 1 | |||||||
Ларс Эльструп | 1 | 1 | |||||||
Йеспер Гронкьяр | 1 | 1 | |||||||
Йон Йенсен | 1 | 1 | |||||||
Микаэль Лаудруп | 1 | 1 | |||||||
Йон Лауридсен | 1 | 1 | |||||||
Сорен Лербю | 1 | 1 | |||||||
Алан Нильсен | 1 | 1 | |||||||
Флеминг Поульсен | 1 | 1 | |||||||
Ким Вильфорт | 1 | 1 | |||||||
Бары | 30 | 1 | 9 | 2 | 6 | 4 | 0 | 4 | 4 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.