From Wikipedia, the free encyclopedia
(парсы: ابوسعید عبدالحی بن ضحاک بن محمود گردیزی) Әбу Сайид Абд әл-Хайя Гардизи, ГАРДИЗИ, Әбу Сайид Абд әл-Хайя ибн әз-Заххак ибн Махмұд Гардизи (т.-ө.ж.б.) — 11 ғасырда өмір сүрген ғазнауилік ғалым.
Кабул қ-ның оңт-ндегі Гардез қ-нда дүниеге келген. Ол парсы тілінде «Зайн әл-хабар» (Баяндау көркі) деген тарихи еңбек жазған. Шығармада ертедегі Иран шахтарының, Хорасанның, Үндістанның тарихы баяндалуымен қатар, Шу мен Талас өңірін және Жетісуды қоныстанған түргештер, қарлұқтар туралы құнды мағлұматтар берілген. Сондай-ақ, еңбекте кимектер, хазарлар, оғыздар, қырғыздар жайлы деректер көптеп кездеседі. Онда Шу мен Талас өңірінің, Жетісудың ортағасырлық қ-лары мен елді мекендерінің саны, өзендер, көлдер, таулар жайында құнды мәліметтер бар.[1]