![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d9/Medal_Nobel_Peace_Prize.jpg/640px-Medal_Nobel_Peace_Prize.jpg&w=640&q=50)
Arraz n Nobel i telwit
From Wikipedia, the free encyclopedia
Arraz n Nobel i telwit d yiwen seg semmus (5) n warrazen n Nobel s wacu yesmagel (i weṣṣa) Alfred Nobel [1] dɣa ar ass-a ur yettwassen usrag (ssebba) i wakken ad yili wefran n telwit i wakken ad tili d amur seg warrazen-is, maca llan wid i d-yeqqaren ahat Nobel ibɣa ad yeɣrem anerni n tdawsa acku d netta i d-isnulfan adinamit ɣas akken ur ittusxdem ara send n tmekkast-ines (lmut-is).
Arraz n Nobel yettunefk-d yal aseggas deg Oslo deg wass n 10 dujamber sɣur tasmilt tanurvajt n Nobel. Yettunefk-d i tikkelt tamezwarut deg useggas n 1901. Yettili-d ufran n imazwaren n warraz sɣur yiwet n tsudut i d-isbedday wemni anervijan, anecta yettili-d i lmend n usmagel n Alfred Nobel anda i d-ittwafk warraz-a i wid ixedmen amahil meqqren neɣ igerrzen i wesrusi n tagmat d telwit gar n yiɣlanen i wakken ad tennerni telwit.[2]