From Wikipedia, the free encyclopedia
Qubla Koreyadaǵı turizm Koreya Respublikasındaǵı turizm sanaatın ańlatadı. 2012-jılda Qubla Koreyaǵa 11,1 million shet el sayaxatshıları keldi, bul bolsa onıń dúnyada eń kóp keletuǵın 20-orındı, Aziyada bolsa 6-orındı iyeleytuǵının ańlatadı[1][2].Koreys bolmaǵan sayaxatshılardıń kópshiligi Arqa Aziyanıń Yaponiya, Qıtay, Tayvan hám Gonkong sıyaqlı basqa bólimlerinen keledi. Kóbinese, «Koreys tolqını» dep atalıwshı Koreya kópshilikke arnalǵan mádeniyatınıń sońǵı payıtlarda bul mámleketlerde ataqlılıǵı sayaxatshılar keliwin asırdı[3]. Seul keliwshiler ushın tiykarǵı sayaxatshılıq jeri. Seuldan sırtta ataqlı sayaxatshılıq baǵdarları arasında iri qıraq qalası Pusan, Seorak-san milliy baǵı, tariyxiy Kyonju qalası hám subtropik Jeju atawı kiredi[4]. Arqa Koreyaǵa ádette arnawlı ruxsatsız sayaxat qılıw múmkin emes,lekin sońǵı jıllarda islengen gruppa sayaxatları Qubla Koreya puqaraları gruppalarına Kumgang tawına keliwge múmkinshilik berdi.
Qubla Koreya sayaxatshılıq sanaatınıń kópshiligi ishki turizm tárepinen qollap-quwatlanadı. Mámlekettegi poezdlar hám avtobuslardıń keń tarmaǵı sebepli mámlekettiń kóp bólegi hár qanday iri qalaǵa bir kúnlik aylanıw jolında jaylasqan. Xalıqaralıq sayaxatshılar tiykarınan Aziyanıń jaqın mámleketlerinen keledi. Yaponiya, Qıtay, Gonkong hám Tayvan birgelikte xalıqaralıq sayaxatshılar ulıwma sanınıń derlik 75 payızın quraydı. Bunnan tısqarı, Koreya tolqını Qublası-Arqa Aziya hám Hindstannan kóplegen sayaxatshılardı alıp keldi. Koreya Turizm Shólkemi (KTO) 2013-jılda Hindstannan 100 000 sayaxatshını tartıwdı maqset etken[5]. Bunnan tısqarı, Koreya tolqını Qubla-Arqa Aziya hám Hindstannan kóplegen sayaxatshılardı alıp keldi. Koreya Turizm Shólkemi (KTSH) 2013-jılda Hindstannan 100 000 sayaxatshını tartıwdı maqset etken[6].
2010-jıldan berli koreysli jergilikli sayaxatshılar sanı arttı. Ishki sayaxatlarda qatnasqanlar sanı (bir kúnlik sayaxatlardı óz ishine aladı ) shama menen 238,3 million adamdı quradı (2015-jılda ). 2014-jılǵa (227, 1 mln.) salıstırǵanda 4,9 procentke asqan[7]. 2014-jılda Koreyanıń ishki turizm qárejetleri 14,4 trilliondı quradı.
Sonıń menen birge, 2010-jıldan berli koreysli shet ellik sayaxatshılar sanı artıp barıp atır. 2012-jıldan 2014-jılǵa shekem shet elge sayaxat etkenler sanı ortasha 8,2 procentke asqan. 2014-jılda koreysli shet elge kelgen sayaxatshılar sanı derlik 16,1 million adamdı quradı. Koreyanıń shet eldegi turizm qárejetleri bolsa 19 469,9 million dollardı quradı.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.